潮乜春

一個喜歡創作嘅宅人,希望可以用宅人眼光出發,講解日常的生活的大小事? 唔理係動漫、F1、科技、定係生活上芝麻綠豆嘅小事,星期六準時0000更新~

一年容易又年尾,係時候用年度問卷回顧過去一年了

アザレアを咲かすよ 長い冬の後に 何度でも 何度でも 陽の満ちるこの部屋の中で...テレビアニメ『やはり俺の青春ラブコメはまちがっている。』オープニングテーマ
寫下一件今年發生的,你想永久紀錄下來的事情。

對好多人黎講,一個電視台停播,可能只係好普通嘅事,但對於我黎講,亞洲FOX SPORT停播對我黎講實在係一件難以接受嘅事。對我黎講,我喜歡上冷門運動,或多或少都係因為我係睇FOX SPORT長大的。唔知點解由細到大,如果你要我坐定定睇一場90分鐘嘅足球比賽,我會選擇寧願唔睇;但如果要睇一場最少都100分鐘嘅F1、4小時嘅Moto3/Moto2同MotoGP 比賽,或者4-5小時嘅網球大滿貫錦標呢啲比較冷門嘅運動,我都唔會介意,甚至乎我係會愈睇愈熱烈,但係呢啲比賽只係會係FOX SPORT上面才有直播。現在雖然也有不少替代方案或者可以用自己方法去觀看,但是始終大部分賽事(主要是十六強以前)缺乏了廣東話現場評術,或者更甚係沒有直播,所以往事只能回味。

整整兩年過去了,疫情仍在繼續。相比起兩年前,疫情如何改變了你的生活?你認為還能恢復原狀嗎?

我諗就係終於唔使再面對一年要飛最少50次嘅日子,雖然對你哋好多人黎講都無得旅行係好痛苦,但係對我來講,咁樣可能係比我自己有時間可以唔使喺機場浪費等候嘅時間。當然啦,我相信我仲有一日可以比大家重新去旅行出發嘅日子,而我亦都好相信呢一日好快會來臨。

2021 年,你終於在哪些地方躺平了?

我辭職了,雖然尚未有下一步打算,但起碼終於可以脫離24小時隨時老細call開工果種緊張。可以好好閂電話睡一覺。

2021 年,什麼事情讓你獲得最深的意義感或給你最大的力量感?

今年內兩次Rainbow Gala可以成功舉辦,雖然都係有好多問題出現,但係即使闊別咁耐,同人活動人氣依然不減,甚至有增加跡象,雖然可能只係大家飢渴得太耐,但係可以見到大家仍然對同人活動嗰種喜愛程度,竟然可以喺有生之年見到香港同人活動嘅程度不乏於日本嘅CM,實在難以用兩文三語來形容。雖然都唔知仲可以有幾多次喺九展繼續舉辦同人活動,但希望可以繼續落去。

2021 年,你經歷的一場告別或一次相遇

容許我改少少題目,就係再相遇。幾年前因為工作關係,基本上能夠出席嘅同人活動只有在日本的CM,而且是幫朋友擺檔,雖然也認識了不少朋友,但是卻一直難以回到香港的同人找相熟的朋友聊天和拍攝。雖然可以透過Facebook、WhatsApp等等聯絡,但感覺總是有一種隔膜,所以一直放任不管。但意想唔到嘅係,竟然唔超過三年無見,人哋都可以用3秒時間就認得出我嘅背影,但係我要用咗成分鐘先認到。但係果一刻,能夠再一次相遇,我相信係一種緣份。需要知道,Cosplayer很多年紀開始進入20歲便開始離開這個界別,所以我好珍惜每一次仍然見到她出cos的時間。

相比去年,你與身體的關係發生了什麼變化?你有更喜歡現在自己的身體嗎?

我辭職後,終於有時間比自己身體休養生息,有機會可以比自己做一啲想做嘅野。至於喜唔喜歡現在自己的身體?我想減肥Www

跟我們分享你在 2021 年相遇的一本好書、一部好電影或一首好歌

由我中學畢業,到我出嚟社會工作,每當有唔如意嘅時候,我都會用我嘅爛日文閱讀嚟減壓,雖然我知咁樣好奇怪,但係呢個作品係八年入邊就係咁樣陪我渡過唔同嘅日子。如今,結束了……(之後我一定會講呢一套接近改變我人生嘅作品,依家就比我開天窗先……

用一張照片分享 2021 年對你有重大意義的時刻。

十年人事幾翻新,竟然可以係一個網站上留下來使用超過十年,我當初也意想唔到。不過由始至今,我也不是太喜歡用Facebook,一直也是主要在用Twitter,所以即使一直不入流也不覺得有問題,畢竟係華文地區Twitter一直都比Facebook少人用。不過光陰似箭,回想十年來所經歷的,有點歲月不饒人的感覺,例如: μ'sic Forever Snow Halataion 轉色、星期一的精神食糧《月曜日のたわわ》、或者近期四凸9800円事件等等,Twitter對我嘅生活已經無可取代(有機會再講吓點解我會主力使用Twitter)

請填空:2021,Back to matters)
問:明年(2022年)會唔會繼續拖稿?

其實,我自己想寫嘅嘢實在太多,開咗太多空頭支票無時間找數,但是因為我和你們一樣,一天只有24小時,七除八扣之下一天可能只餘下2-3小時可以創作,所以,請容許我說回這一句:相逢只是有緣,我只可以盡力去創作,但不太可能全心全靈投入創作,畢竟我也希望可以花少少時間係娛樂方面。

再一次衷心多謝你睇晒成篇文章,今次我都知道係無乜內容可言,但都希望大家可以慷慨解囊係下面拍五吓手,作為繼續支持我創作嘅原動力(土下座 當然亦都歡迎大家喺下面留言討論

Like my work??
Don't forget to support or like, so I know you are with me..

CC BY-NC-ND 2.0

Rainbow Gala 26:好好珍惜尚餘的時光

Want to read more ?

Login with one click and join the most diverse creator community.