潮乜春
潮乜春

一個喜歡創作嘅宅人,希望可以用宅人眼光出發,講解日常的生活的大小事? 唔理係動漫、F1、科技、定係生活上芝麻綠豆嘅小事,星期六準時0000更新~

日本風俗店迷思ー二

上一次就同大家好簡略咁講咗普遍人對風俗店嘅誤解,反正我手上仲有好多資料可以分享,加上上一篇文章咁多人支持,咁所以我決定再寫多一篇同大家分享額外唔同嘅迷思,繼續改變大家對風俗店的印象。

首先,


本篇文章只適合18歲以上人士觀看,如未成年者請即按上一頁或按離開。


本篇文章只適合18歲以上人士觀看,如未成年者請即按上一頁或按離開。


本篇文章只適合18歲以上人士觀看,如未成年者請即按上一頁或按離開。


因為很重要所以說三次。好啦,當你睇到呢度,我相信你都係已經年滿十八歲。我開始之前想講多兩句,其實我目的唔係想物化女性諸如此類,只係想大家深入了解就算係好多人眼中唔光彩或者好污糟嘅行業入邊,都有好多各式各樣唔同嘅故事,希望大家唔好再用有色眼鏡黎睇人類自古以來就有嘅最原始嘅行為。

如果未睇過嘅,歡迎撳呢度睇返上一篇嘅文章,之後再返黎繼續睇;如果你之前已經睇過嘅,歡迎你返黎繼續睇第二篇迷思。

無料案內所

『無料』係日文解釋係免費;『案內所』即係介紹所,咁『無料案內所』即係免費嘅介紹所咁解。呢個字除咗係風俗行業之外,大家喺日本大部份機場或者唔同嘅遊客區、鐵路站都唔難見到呢個詞語嘅蹤影。但係既然係免費,咁點解無料案內所仲可以生存到?甚至乎頻密程度可以行兩步就一間,咁究竟咩葫蘆賣咩藥?

首先,唔知大家有無發現,無料案內所主要集中係風俗區外圍,主要是圍繞泡泡浴店附近。門口總係有五光十色嘅霓虹燈招牌吸引。但係入到去就會發現其實只有大約1、200尺嘅店舖,而且內裏除了一張枱同埋側邊好多唔同店家嘅海報之外,什麼也沒有。其實無料案內所絕對唔係提供任何服務嘅地方,相反地佢只係一個介紹嘅地方。作用就類似房屋中介,介紹客人到合適嘅舖頭。相對上,只要同越多的店家有良好的關係,可以合作店家的數目自然會增加。

之但係既然都係免費,咁點樣比鋪租?同埋人工燈油火蠟都係錢,邊度搵錢?俗語都有話:免費嘅永遠係最貴。無錯,佢係唔會直接收你一分一毫,但係魔鬼在細節,由你選擇無料案內所果一刻,你已經墮入圈套。

首先可以分為兩大類,第一類就係由泡泡浴店家直接經營,唔使擔心收入問題,而且可以有多一個地方宣傳自己店舖;另一類就係純粹合作關係,但係呢一類往往就會好着緊收入。無論係邊一種店舖形式都好,其實背後運作原理都係差唔多。無料案內所主要就係比圖片你選擇合適嘅店家、或者詢問你想選擇什麼類型,然後再幫你打電話去找合適嘅店家,之後就會安排黑服開車過黎無料案內所接你到達你所選擇的店家。

到而家為止你都可能仲係覺得無可能賺到錢,但係其實你俾錢果一刻其實已經係俾咗無料案內所嘅介紹費。正如我頭先咁講,佢的而且確無直接收你介紹費,但係佢會透過店家收回手續費/介紹費。風俗行業,特別係泡泡浴店,其實就無一個明碼實價講明收費,甚至乎唔同時段唔同選擇都有唔同嘅收費。你去LAWSON買支牛奶可能全日本都係賣200円;但係同一間泡泡浴店,今天去和明天去的價錢可能也相差1000-2000円,更何況你係透過無料案內所介紹。唔少黑服都有講過,既然呢一行嘅收費唔係咁明顯,其實中間你可能俾人收貴咗都唔知。根據佢地嘅講法,大約會俾你就咁Walk-in貴5-10%,而且好多時會比直接去到店家光顧的其他人搶先一步,始終人地俾咗錢先,優先選擇權一定係別人手上。

其實就算你直接Walk-in走入去泡泡浴店都好,你都唔可能問到一個實際嘅價錢。因為就算連黑服,佢地都唔知道實際收費標準係點樣。更加你係透過人地介紹?佢地亦都講過,一間店舖比客人睇嘅收費表絕對有四、五張,而且全部都唔同價錢,咁所以與其俾人賺多一筆,咁不如留返啲錢買手信會更加好。

咩人會選擇無料案內所?係以前互聯網未有咁發達嘅時候,無料案內所就係一個最大嘅介紹場合,因為一本目錄已經整合晒附近全部店舖嘅資訊,所以全盛時期嘅無料案內所絕對可以話係比便利店更加頻密,總有一間係左近。不過自從互聯網發達,大部份人都會上網尋找資訊,而且絕大部份店家更會自行開設網站介紹。所以相比以前,現今選擇透過無料案內所介紹的人逐漸減少,主要都係一些上咗年紀唔識用互聯網嘅人會去無料案內所。其實佢地都有講過,即使無料案內所如同所有合法風俗店一樣,受到政府法例監管,但係仍然會有少部份無良心嘅店家,為了從中賺取介紹費,會向外國遊客推薦一些不合法的風俗店,加上語言不通,所以好容易墮入圈套自己都唔會知道,所以都係建議直接選擇Walk-in走入店家會比較好。

心態

雖然呢我就無同任何女生有交換SNS或者交換LINE等等聯絡方式,但係幸好認識企係門口身穿黑服嘅朋友,所以都可以係從旁敲擊為什麼會有這麼多女生願意投入這個行業。

其實我諗就算係以前定而家都好,做呢行嘅好多都係為了生活而迫於無奈選擇,但係近呢十幾年以來其實個諗法完全唔同晒。相比起以前迫於無奈選擇嘅心態,依家個心態更加係似搵零用錢。以前好多女生都明白呢一行業雖然比其他行業嘅工資高好多倍,但係始終係一個污糟嘅工作環境,加上自己唔鍾意,所以只係當作返工咁看待。咁既然都用咁嘅心態返工,服務水準當然唔會好。

但係近呢十幾年以來,好多人心態上開始截然不同嘅改變。唔再係用以前為咗生活迫於無奈選擇嘅心態,而為咗搵零用錢,當中絕大部份更加係主動應徵呢一個行業。其實最主要原因都係因為近十幾年,性文化開始容易接納,而且態度變得開放,對於風俗店嘅排斥感接近消失。而且相比起係辦公室工作,呢一份工最多都只係需要面對客人,唔使面對麻煩嘅上司。而且當中亦都不乏有人係話既然要揀工作,點解唔揀一份有樂趣嘅工作。無錯,文化嘅改變絕對係加速咗呢一個行業嘅轉型,但係亦都開始扭曲咗好多年輕人嘅價值觀。不過相比起偷呃拐騙,佢地又真係的確靠自己努力黎都賺錢,所以其實都好矛盾。

不過又咁講,年輕人嘅心態就係咁,但係如果相對上上咗年紀嘅女生想法(30歲左右),佢地嘅心態又好似好正常,因為純粹為咗搵錢,走去做自己覺得開心嘅工作,最少起碼自己會樂在其中。相比起入咗一間唔鍾意嘅公司工作之後,仲要面對超級麻煩嘅上司,風俗店其實都算係一個避風港。但係,我諗只係適用於年輕人。日本相比起其他地方,25~28歲才結婚其實已經叫晚婚;加上日本同亞洲好多地方都係一樣,樓價貴,而且有全球最長嘅OT時間,加上傳統大和撫子觀念,所以好多女生結婚之後便會辭去工作,全職打理家庭。但係基於前面種種原因,一對夫妻能夠見面嘅時間其實唔多。因為空閒時間好多,所以其實亦都有好多人妻決定投身風俗行業。(係呀你無估錯,謎片嘅內容其實係真係會發生)但係,佢地投身風俗行業嘅原因,金錢往往都係其次,最主要都係想好好享受性愛。因為好多時,佢地老公可能一個月淨係會同佢地發生一、兩次關係,但係往往25~30呢個年紀荷爾蒙分泌最大,所以佢地真係純粹為咗滿足而投身呢一個行業。不過又咁講,相比起年輕貌美,對人妻呢一類有興趣嘅人其實比想像中多好多。甚至乎聽門口黑服講,真係會有客人專登問有無得揀人妻,即係可以鹹魚青菜,各有所好。

店舖類型

其實上一篇大家有無發現,我係淨係一直都係講風俗店、風俗店,係無特別指明係邊一類,因為實在太多唔同類型嘅舖頭,例如有大家睇謎片成日都會見到嘅泡泡浴、電話預約去府(類似台灣嘅外送茶)、脫衣舞酒吧、甚至乎係大家比較少聽到嘅粉紅沙龍等等,因為實在有太多唔同嘅風俗店,所以難以逐一介紹。

雖然有好多唔同嘅分類,不過其實主要可以分為兩大類:純粹解決性慾 和 來一場有時間限制的戀愛 這兩種。不過亦都要重新講一講先,如果想進行本番(性交),只可以在泡泡浴店內進行,在其他風俗店進行本番行為,除咗有機會被店家罰錢和驅趕離開店舖外,更有機會視為犯法。

首先講咗前者先:純粹解決性慾。其實呢一類就如字面咁講,純粹就係為咗解決性慾,所以往往都係用一個快嘅速度為主。例如粉紅沙龍。粉紅沙龍,顧名思義就係係一個店舖入邊,類似去餐廳食飯坐包廂/卡位,然後有好多唔同嘅矮牆相隔,然後燈光較都好暗,之後女生就會用盡一切方法幫你發洩性慾,除了本番(插入),一次大約都係20分鐘左右。(簡單啲講即係香港以前嘅魚蛋檔)不過反而其實好多黑服一直都唔建議光顧,因為真係牽涉到安全問題。一來就係如果你係一個極度重視私隱度嘅人,呢個地方絕對唔適合你,因為即使開到音樂好大聲,燈光調校到非常昏暗,但係都總會聽到同見到其他在做什麼。第二就係因為客人流量極大,一天最少15~20名客人,而且大部份時間都是口交,而且大部份粉紅沙龍都唔會主動提供口交套,係安全方面絕對係有所擔憂。加上大部份在粉紅沙龍工作嘅女生,都係在風俗店退役後轉戰粉紅沙龍,雖然技術上有一定保障,但係相比起泡泡浴店的青春貌美,粉紅沙龍就係比較多年紀相對上比較大嘅人在工作。

另一個就係:來一場有時間限制的戀愛。其實呢一類呢就主要係指泡泡浴店同電話預約到府。咁你可能會問兩者有咩分別?前者係唯一一個合法可以進行本番行為嘅店舖,後者係唔得。咁如果係咁,點解電話預約到府會比泡泡浴店有更加多人認識同選擇?其實係因為電話預約到府唔需要特定在指定地方開舖,只要有人手和網絡,就可以開工。加上相比起泡泡浴店,電話預約到府嘅女生真係純粹以兼職為主,大部份都係有正常工作,只係收工或者週末先至會接受預約,所以相對上顏值會比較高,而且相比起泡泡浴店,有更多唔同嘅女生選擇和玩法。另外規則列明唔可以提供本番,咁所以其實算係遊走係灰色地帶。但係我相信好多人都知道,即使電話預約到府說明唔可以本番,但係網上面都有成功本番例子。咁其實真係好現實咁講,你估大家真係唔知咩?不過,閂左房門之後其實邊個知道?當然有絕大部份都係加錢了事,但係始終都係一句:出門在外人生路不熟,唔好做啲令到自己有機會犯法嘅行為。

之後就講泡泡浴店,相信呢個對於睇開謎片嘅大家都唔會陌生。但係好多人都唔知道嘅係其實係呢啲店舖做嘅女生,其實都要經過基本嘅訓練先可以迎接客人。(大約一星期左右)我仲好記得有一次玩完之後,同門口果黑服一齊去食飯,跟住我同佢講:我真係一生人沖涼都未試過用咁多鹼液,真係覺得好奢侈。其實如果講起泡泡浴,好多黑服都推薦我一定要試一次水床。詳細玩法就相信大家睇謎片會好過我係度講,不過淨係想講相比起一般床上運動,絕對係另一個境界,絕對值得一試。不過因為女生需要一定技巧,加上需要佔地比較大嘅浴室先至可以玩到,所以如果係遇到新人或者一啲好細嘅店舖就未必有提供,所以可以先上網確認。

円交?爸爸活?

其實近呢兩、三年,疫情嘅影響相信大家有目共睹。對於需要人與人之間親密交流嘅行業來講,疫情嘅打擊係好大。但係始終風俗行業主要客戶群唔係遊客,所以一開頭都有好大嘅影響,但係半年前開始已經回復失地,開始回到疫情前水平,甚至乎比疫情之前更加星光燦爛,例如秋葉原附近相比以前,開了更多唔同主題的風俗店,但係因為同行競爭過大,街上拉客情況已經接近討厭程度。但係相比起風俗店遍地開花嘅情況,円交嘅問題忽然之間爆破,而且對傳統風俗業帶黎衝擊性嘅影響。

爸爸活,又稱円交(呢個係日文,因為讀音同性交類似,有興趣就自己上網睇來源啦)。根據網上資料,爸爸活係近年JK經濟學衍生嘅產物,大約就係指女高中生為咗錢而選擇提供不同服務,有合法嘅陪食飯陪睇戲,到唔合法嘅本番行為,都可以同統稱做爸爸活。不過大部份當然係指唔合法提供性服務。

首先要講一樣大家一定唔知道嘅嘢,係日本,全部打開門光明正大做生意嘅風俗店,政府都有指定嘅營業時間,如果我無記錯好似係朝早10點到凌晨12點定2點(視乎店舖類型而定),總之就唔係好似便利店咁24小時營業。咁但係因為近呢幾年疫情關係,風俗行業亦都需要縮短營業時間。但係正所謂人有三急,肉火焚身嘅時候既然唔可以光顧風俗店,咁爸爸活就成為咗另類出路。而且價錢上只需要泡泡浴店嘅三分一,所以都吸引咗一班客群。雖然政府都會定期掃蕩,但係正所謂野火燒不盡,走咗之後咪又係繼續企係牆邊等客人搵上門。而且加上SNS盛行,好容易就可以係LINE同5ch上面搵到。當然會修改部份字眼,但係其實表達嘅意思都係一樣。

既然明知唔合法,但係點解女生仲要選擇爸爸活?相比起風俗店,選擇爸爸活的女生目的只有一個,就是錢。加上日本嘅法例講明未成年人士唔可以在風俗場所打工,所以就衍生了爸爸活出現。但係,無論點都好,我係絕對唔建議光顧爸爸活。首先因為全部都係無人管理,健康方面絕對有所隱憂;其次係因為唔知背後會唔會有唔同人操控,所以可能光顧之後身體缺少了一部份的肝和腎也不出奇;再者就係因為大部份選擇爸爸活的女生都仍然係高中生,根據日本法例,與未成年少女發生性行為係犯法,咁所以亦都避免以身試法,而且日本嘅法律程序比起台灣或者香港複雜。

但係點解仲會有咁多人選擇爸爸活而唔係選擇合法嘅風俗店?我相信呢個始終都係一個供求問題,有邊個唔鍾意年輕貌美嘅女生,而且價錢只需要風俗店嘅三份一左右,更甚者係因為大部份女生也是為了金錢而選擇爸爸活,所以可以接受加錢進行不安全的性行為,所以亦都造成一個好大嘅安全隱憂。但係當慾火焚身嘅時候,我相信你就會比下面果個小腦蓋過你用日常黎思考嘅大腦。

另外亦都要再溫馨提示多一次:出外遊玩時請緊記做足安全措施。

最後,我亦都要再次再次提醒各位,本人絕對不鼓勵大家光顧風俗店,而且如果已經結婚,請好好珍惜你的伴侶,不要作出一些令人懷疑的行為。今次就繼續純粹當係一個分享,其實上一篇我真係無諗過有咁多人睇,大家拍手嘅數目絕對係令到我覺得我應該繼續同大家分享好多人誤會嘅地方。咁所以你係左下面嘅拍手係咪好重要呢?如果未拍手嘅就快啲拍5下支持啦(土下座。另外,大家如果仲有咩係想知或者更了解嘅,唔該你係下面留言同我講,因為雖然我同佢地嘅對話有好多,但係始終都係好零碎,唔知道大家想知道的咩,所以如果有一個大方向反而我可以直接講果一部份,甚至乎可以直接問。咁所以如果真係想繼續知道更多嘅,而且我又可以問到嘅,我絕對唔介意出現《日本風俗店迷思ー三》

多謝你又睇完一篇令你奇怪知識又增加了嘅文章,下星期六再見。

CC BY-NC-ND 2.0

Like my work?
Don't forget to support or like, so I know you are with me..

was the first to support this article
Loading...
Loading...

Comment