潮乜春

一個喜歡創作嘅宅人,希望可以用宅人眼光出發,講解日常的生活的大小事? 唔理係動漫、F1、科技、定係生活上芝麻綠豆嘅小事,星期六準時0000更新~

第一次自己整生日蛋糕

剛過去的星期一,家母生日。原本諗住請父母去酒店吃自助餐,但是平時去開的酒店變成了檢疫酒店,而且家母最近受到牙齒問題困擾,曾表示希望痊愈後才去吃自助餐,所以我便萌生起你自己整生日蛋糕的念頭~

對於我呢種未夠30歲嘅年輕人來講,我們呢一代人往往經常被人話唔識煮飯嘅細佬。但說來慚愧,我由好細個開始已經識得煮飯。但係我識煮飯嘅原因絕對唔係因為家人外出工作而需要自己入廚,而係因為細個真係好貧窮,日常最大嘅娛樂就係企係廚房門口睇屋企人煮飯,久而久之就學識咗煮飯。第一次一個人一手包辦由街市買餸到煮好一餐飯,大約都係八歲定九歲左右。久而久之,雖然日常真正需要入廚房煮飯嘅日子真係唔多,甚至乎我最多都係煲水煮即食麵。但係正如呼吸一樣,當日常經常要使用到嘅時候,瞇埋眼都知道要點樣做。

升起中~

係疫情之前,每逢朋友聚會,不管是朋友家、自己家還是Party Room,只要有廚房,我便會展示自己的廚藝。自己煮雖然時間上消耗比較長,而且唔一定會比叫到會或者叫外賣便宜,但畢竟由選購材料到烹煮也是自己一手包辦,食物嘅新鮮絕對比較好,而且一定比較健康。不過如果真係要用好多油炸嘅食物真係不了,雖然我自己都好鍾意食油炸食物,但係炸完食物果一鑊油如何處理先係最大問題。以前可以去日本嘅時候,我經常會買定幾包吸油用嘅粉放係屋企。炸完全部食物之後,只需要一包吸油用的粉,所有油便會變成固體,方便清理。但畢竟消耗也用光了,而且不想單單為購買一包粉而選擇集運或者郵寄到香港,所以便一直沒有回購至今。所以現在如果想食油炸食物,我一定會選擇出街食,畢竟乾手淨腳,唔使自己煩如何處理使用完的油。

另一方面,作為一個經常會外出公幹或旅行的人,雖然能夠經常品嚐世界各地不同的美食,但是畢竟經常外出進食也會感到懼怕,所以往往在旅程最後一天便會選擇入住能夠烹煮處的民宿。即使和朋友旅行,不管是台灣或者日本,往往也會抽一天時間出來特別早入住民宿,然後購買當地食材烹煮,品嚐與別不同的美食,畢竟我出去食別人煮的食物同自己煮的食物總會有一些分別。就算在日本,也不可能每一餐也是去松江品嚐300円的牛肉飯。不過遺憾的是雖然我經常前往日本,但是截至目前為止我仍然沒有在日本吃過松屋,因為我不是選擇去光顧女僕咖啡店就是選擇光顧地道的壽司店,而且一定是有河豚供應的那些店舖。

好啦講返正題,始終家母最近受到牙齒問題困擾,即使去酒店食自助餐,但是因為牙痛都唔會食到好多,所以就打算痊愈後再去光顧。原本只是打算購買蛋糕了事,但可惜嘅係一個蛋糕嘅價格實在太不合理。一個一磅裝的蛋糕最平也要接近$250,雖然比不上自己製作蛋糕所花的時間,而且一定比自己製作的美觀。但是,如果真的要我付$250,倒不如我自己製作,畢竟心意上會更加好。不過大家唔好以為我真係咩都識煮,雖然我中西合璧,大部份菜餚都懂得如何烹煮,但是說到西式或者中式甜品,我真的是完全一概不曉。不是完全不懂得最基本的做法,而是因為家中一直沒有焗爐,所以未能夠涉獵。對於我來講,唔識嘅時候問Google大神應該都可以解決到所有問題,但係始終借焗爐呢個問題先係最重要。所以一直去到星期六也在困擾應該購買現成蛋糕還是自己製作。

幸好,經過各方打聽,有朋友家中有焗爐,亦都願意借給我,咁我就懷着滿心歡喜咁去購買材料。雖然有基本認識,但係彷彿有一切也不認識,畢竟我也是第一次親手製作蛋糕。幸好購買材料的時候有已預先攪拌好的麵粉,只需要加水和雞蛋便可以放入焗爐焗製,對於我這一種完全不會理會份量的人來說絕對是十分方便。容許我講少少題外話,我由細到大我都唔知是麼是叫做份料。以前在朋友身邊烹煮嘅時候,朋友們經常問我該落多少油、鹽、糖、生粉等等,但是我一切也是回答隨緣。因為對於我來講,好難講一概而論到底要落幾多份量先至啱,畢竟全憑經驗同感覺,所以我班朋友成日都係度鬧我煮飯好求其Www

家人一直也喜歡吃栗子蛋糕,但是因為我幼稚園時候的陰影,所以我由細到大對於栗子蛋糕也有一種厭倦。但畢竟是家人生日,孝順他們是基本,所以便選擇製作栗子蛋糕。Google上面只要打"栗子蛋糕製作方法"等等的關鍵字,已經可以搵到各式各樣的食譜,所以製作方法等等就自己上網查詢,我就唔係度特別敘述。

家母生日當天,收到另一位朋友的回覆,他表示他居住的地方有入牆式焗爐,如果需要可以去佢屋企製作蛋糕,唯一條件是要將所有使用過的工具清潔和放回原位便可以了。相比起輕便的焗爐,能夠使用一次入牆式焗爐,對我來講絕對係初體驗,所以便選擇前往另一個朋友的家,而且重點是他家和我家的距離只有十分鐘的步程,製作完成後拿回家也比較方便,所以便選擇了找他。而且他居住在服務式住宅,設備相對上比較齊全。直到我到達他家共用廚房後,突然感覺自己變成了一個很專業的廚師,雖然頂級的設備完全沒有,但是作為一般的烹煮已經十分足夠,所以對我來講亦都係一個幾良好嘅初體驗。而且因為是共用廚房,不只有一個入牆式焗爐,而是有三個,剎那間不知道應該用什麼文字表達我當刻的喜悅感。

正如我頭先啱啱咁講,因為我係一個完全唔會理會說明書上份量要求的人,所以就隨便決定份量。不幸的是,開出來的粉漿實在太多,不單止可以焗製一個八吋大的蛋糕,而且還可以製作十二個杯子蛋糕,剛好也有製作杯子蛋糕所需用的模具,所以便額外製作了十二個杯子蛋糕。

甩模具時太心急了,爛了少少 Q.Q
媽媽,生日快樂~

大家從相片中可見,雖然我烹煮嘅技術仍然有待提升,但係凡事也要有第一次,而且味道也不錯,所以我覺得對自己來講絕對係成功。至於多餘的十二個杯子蛋糕,我便放在一個多購回來的蛋糕盒中,然後我便動作感謝禮物,送給願意借我在他公眾廚房的朋友。他收到後馬上拿了出來,表示十分好食。

和朋友分開後便馬上拿回家的雪櫃冷藏,畢竟製作完成後一直也是放在室溫,沒有經過雪櫃冷藏。吃完晚餐,經過了兩小時的冷卻後,便正式和家母慶祝生日。雖然稱不得上十分漂亮,而且因為不是採用無糖的栗子蓉,甜度也略帶偏甜。但是畢竟是親手製作,心意上絕對可以補足,而且相比起直接從外面購買,我自家製作的蛋糕絕對是真材實料,所以家人吃得很開心。唯獨是因為實在肥膩了,結果還餘下¼個,變成了我隔天的午餐Www

我終於解鎖了我人生入邊用一次入牆式焗爐呢一個項目,卻是在意想不到的情景達成這項成就。如果之後有機會,再同大家分享我煮食嘅心得?歷程?總之就係諸如此類啦,今日就講住咁多先,下星期六再見~

Like my work??
Don't forget to support or like, so I know you are with me..

CC BY-NC-ND 2.0

Want to read more ?

Login with one click and join the most diverse creator community.