薯仔
薯仔

拾荒者

美食秘史

「食色性也」,我喜歡睇一些食嘅故事,當年係台北之旅就買咗哩本【達文西廚房 : 意大利烹飪秘史】。

義大利文藝復興亦令義大利美食更精緻同更豐富,第一本講烹飪並出版嘅書係1472年面世。當時嘅廚師有崇高嘅地位,代表知識同品味。果陣肉食嘅級別係根據動物離地幾遠而定,豬最低級,羊、牛次之,而禽鳥係上貨,宴會必定有嘅係孔雀!由外地引入嘅食材,如阿拉伯嚟嘅稻米、茄子、蔗糖同硬質小麥,又如美洲引入嘅蕃茄,就大大改變義大利美食,包括 pasta 嘅發明。達文西有一套飲食心得,包括不饑不食、食不饜足、細嚼慢嚥,似係養生之法,佢又設計咗榨橄欖油同燒烤肉嘅機器,不過佢晚年成為素食者。

我以為如果有人寫一本【新強國烹飪秘史】,應該可以大賣,尤其最近高官同土豪嘅鴻門宴,大家都花生食咗乜又有乜人參加。有一章必定講高級食材同盛器,有人翻舊聞講強國貪官最高級食材係人奶,仲要由美乳盛載,方便上下開餐。義大利美食真係要行開。

CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…

发布评论