薯仔

拾荒者

拾荒書介:推理之門由此進

好喜歡讀楊照講書,深入淺出,睇咗佢講【百年孤寂】,容易理解很多。今日睇佢嘅【推理之門由此進】,介紹四位推理小說家同埋佢哋嘅作品。

第一個係柯南道爾,佢創作嘅福爾摩斯奠定咗推理小說嘅類型,而佢用華生講述福爾摩斯嘅故事又係一個空前嘅敍事模式,介乎全知與旁觀、主觀與客觀之間,令讀者對福爾摩斯更有真實感。

第二個係 Raymond Chandler 同佢創作嘅 Philip Marlowe,硬漢偵探 (hard-boiled detective)仍然係歐美偵探劇嘅主流,而楊照係通過村上春樹嘅演說高牆與蛋,同埋海明威嘅【老人與海】去解釋所謂 hard-boiled ,硬漢堅強下面嘅本質仍是蛋,只是有些堅持。

第三個作者寫嘅第一本小說就成為經典,講嘅係 Umberto Eco嘅【玫瑰的名字】,一本裝滿知識難以消化但又迷人嘅推理小說,然後你又會從中認識到歷史,原來十四世紀嘅歐洲人如此生活,如此信仰。

第四個係宮部美幸同佢嘅【模仿犯】,楊照介紹日本推理小說嘅本格派同社會派,講松本清張的社會派是如何革新推理小說,而宮部美幸既繼承社會派傳統,又革新手法與觀念,令讀者既體驗惡的極限,又對世界多一重認識,佢對1990 年代嘅日本精確描述而成為國民作家。

睇完本書我又諗吓推理小說橋段。之前睇咗【圖書館戰爭】,而【玫瑰的故事】係關於壟斷書籍嘅圖書館謀殺案,我諗到背景設係新腥港禁書下嘅圖書館,男主角係一個原來當咗廿年警察嘅老差骨,因為堅持某些原則而係反送終後辭職做私家偵探,受委託調查係圖書館失踪嘅少年。會唔會好老套?偏偏早兩年多咗離奇死亡案,然後今日又不斷禁禁禁,現實真係咁荒誕。



Like my work??
Don't forget to support or like, so I know you are with me..

CC BY-NC-ND 2.0

Want to read more ?

Login with one click and join the most diverse creator community.