聊聊

開始為退休做安排,希望5年內可以有被動收入HK$20000,以作退休之用,打算可以成立一個income model,將來退休金注入,有被動收入作退休之用。

民間經濟學

香港近年經濟狀況有點似”停脹”,講笑就係吹唔脹,科學家嘢留返比科學家研究,分享一下民間智慧。

交通關所有人事,可以見到一面。講返的士,大家知唔知有5座位或4座位選擇,不計司機在內。事實上,由於車廠關係,已經沒有5座位的士新車出產,所以新車以4坐位為標準,特別用途的士少數另計。

四人搭的士剛剛好,假如一百元車費,每人$25。如果五人就麻煩,2+3是一般組合,車費照舊$100,每人會$33或$50,多了50%或100%。對於的士司機來説,車費$100不變,或提高收入機會100%。另一方面,的士載客上升,空的士會減少,由於的士限量,乘客等的士會時間耐D,即求過於供。相信對的士司機的收入會提升,因為客接客吧。

不過,香港老闆醒目,會加車租去分享成果。事實上,對老闆來說,的士牌上升先係最重要,以股票為例,的士車租收入高,即PE或息率上升,帶車牌上升致PE調整到一個平衡位。呢招真係好,慢慢地令資產上升,理由就係的士車更新由5變4乘客,不過,只可以用一次吧,相信沒有3人的士。近來係石油汽的士,相信下一次是電動的士,更環保,更安全吧。

哈哈,今天電影見汽車意外,汽車爆炸場面,將來電動車普及化後,呢啲場面沒有了。

講開的士,講下小巴,小巴已經批準由16座改為19座,它是增加座位數量,和的士減座位相反。道理很簡單,以成本看,增加3座位即收入多18%每程車,3座位會用多些汽油,上落客,等車時間多了,即成本增加,不過,收入多過支出,加座位是可行的,真正數字留返比經濟學家研究。對乘客來說,車費沒有改變,所以無所謂。只是,小巴和巴士競爭,呢方面要傾。由於車費增加難,加座位不失方法去改善小巴財政。當巴士收入下跌,巴士加價時,大家又要破財了。

除了加價,除了巴士,分享一下香港人的智慧,純中佬個人觀察。相信大家有食過煲仔飯,煲仔飯最緊要是什麼?最重要係個煲,用瓦煲焗一陣可以出飯焦,飯焦香,十分好味。由於煲的原因,煲仔飯要堂食。不過,近來大快活出品外賣煲仔飯,加$6不用還煲,外賣特別包裝,小心點,不怕熱親。

中佬試完,$6買個瓦煲,十分便宜。事實上係咪呢?哈哈,生意人點會做蝕錢生意,中佬事後分享,首先,中佬果個唔係新煲,即係堂食完N次之後,再外賣比客戶,如果一個新煲用咗N次,它的價值已經低了,再用$6所謂外賣或成本價賣走埋個煲,一了百了。呢個方法賺更多。香港人真係有生意頭腦。

大快活在自由巿場競爭下找出新點子。對比的士、小巴在小巿場中取著數。競爭才是重點。

Like my work??
Don't forget to support or like, so I know you are with me..

CC BY-NC-ND 2.0
1

Want to read more ?

Login with one click and join the most diverse creator community.