維多利亞
維多利亞

我讀文章,希望您能利用日碎時間來聽聽。不懂粵語沒有問題,有一些節目有中文字幕,希望見到您的留言。 youtube channel:https://bit.ly/321mQl1 patreon: http://www.patreon.com/victoriazaaitalk mewe: mewe.com/i/維多利亞齋講 paypal: [email protected]

奴隸獸

回想起來,我自己以前都是一隻奴隸獸。自從工作以來,雖然沒有做過很多不同的機構,轉工中間也不會多過兩個星期,有時稍為休息幾日就返新的公司,其中有一個好實際嘅問題:不上班就沒有工資 = 冇錢;尋常百姓都需要有固定收入,特別是要供樓的,有子女的,父母尚在的;就算沒有父母子女供養,養自己也要吧,唔駛供樓都要俾租都要生活交雜費吧。沒有固定收入的生活令人忐忑不安,作為一個香港人的確很不習慣,就算一時三刻生活不成問題,不安的心態不容易克服。

奴隸獸的生活我維持了好長的日子,甚至放長一點的假期也擔心會累及同事,令同事工作過多心中有愧。我以前的公司有sabbatical leave,可以冇薪放假最多三個月,其實可以申請然後休息一下在謀後路,老闆第一句會問:who’s your backup? 沒有一個好建議或合適人選,就咪開口哪。搵合適人選?呢樣真係好難,有邊個肯幫你頂檔幾個月?兩個星期都好勉強。故此,我從未試過申請,除非,除非我要入廠大修咁就冇辦法了,但邊個想因為健康問題而請假?

基督教論壇報

不過,凡事都有個心理關口要越過,如果過了一個臨界點你就會有一個『死就死』的衝動。我試過咁所以我好清楚:由去年到今天我都沒有收入,如果勉強要計,米記每個月都有幾蚊買杯咖啡,做過替工三週都叫係收入嘅,正式嘅收入就由去年四月開始就停了,時光飛逝,數一數已經十個月,這段日子當然係有出冇入。

十個月嘅今天,我還是過得好好的冇穿冇爛。沒有錢換來是另外一種『非香港』的生活模式,除非係非常有米嘅人,現實係好難保持優質生活又有錢,何況,有錢也不一定生活係優質;例如有一些人好富有住半山,但屋企破破爛爛,殘舊不堪也不裝修一下;值錢嘅只不過係佢層樓。原來食穀種都唔一定要好多錢,唔返工就唔駛買戲服,唔駛買化妝品,自己煮食(偶而都外出吃的),但係呢幾樣已經省唔少。這幾個月要穿的來來去去那幾件,衣櫃內的其他都沒有碰過,好像沒有必要帶過來。

要脫離奴隸獸生活,你也許需要一個臨界點;或者要有一個『捨得放棄果份唔錯收入』嘅頓悟,要捨得放棄,同斷捨離同樣係考驗;到時你就會知道怎麼做,多講無益。

有聲文章系列收聽平台:
https://anchor.fm/jetta-beretta
https://www.youtube.com/channel/UCDzGRn1ye_7M7sQP2R3ofgg?view_as=subscriber
CC BY-NC-ND 2.0

Like my work?
Don't forget to support or like, so I know you are with me..

Loading...

Comment