AlexKCC

crypto, outdoor, nature, books.

《丟掉50樣東西找回100分人生》讀後感

米開朗基羅:「大衛一直都在大理石裏,我只是把不屬於大衛的部分拿掉。」「我的工作做的就是這件事—幫人去除所有不相關的大理石。」- Gail Blanke《丟掉50樣東西找回100分人生》

我對斷捨離嘅概念係,間屋少咗雜物只係佢嘅副作用,真正作用係喺過程中悟到自己嘅執念,中間嘅悟先係重點,不過到斷捨離先再講。講返本書,雖然冇掛上「斷捨離」依個羊頭但跟到嚟做嘅話其實都會幫到好大忙。
「我們不是純粹為了創造整潔或井然有序的生活而丢東西,而是釐清自己的角色,決定那些東西現在對我們而言很重要,所以記得做這件事時,要試試問自己一個問題:「我到底在這裏做什麼?」 」
全書分四部分,由家、工作室、情緒再到未來,似係工具書咁可以跟住丢五十樣東西,當中作者分享咗好多個人或者佢朋友嘅掙扎,但對我嚟講好多廢話。

頭兩部分都係圍繞緊點樣揼嘢,五條大原則:
1-見到佢或者攞上手會令心情變差或者有唔好嘅感覺

2-不進則退,冇用冇感覺或對你人生冇正面貢獻又佔用空間

3-要令你諗好耐掙扎好耐嘅

4-唔好驚揼錯

5-同一組物品當一樣,例如十支斷墨又間唔中寫到嘅原子筆加三支十年冇用過嘅會考後備改錯帶同其它唔用嘅文具加埋當一樣,揼五十樣

跟住上面五大原則已經會出到一大堆對你嚟講係廢物嘅嘢,咁就可以分三大類:垃圾、捐嘅、同賣嘅。
上面主要係屋企嘅,咁喺工作室就可以多少少思考,你想喺你事業到呈現你係一個點嘅人?物件對你主張嘅價值有幫助先會留,同埋揼咁多嘢係為咗現在同未來,「好漢不提當年勇」,令你沉溺過去高潮嘅都唔會留。

之後兩部分就主題一轉去咗情緒到叫你揼走啲負面或者自我設限嘅想法:
「變得夠好,到底為了誰?」
「理直氣壯會毁了你」
「安全感會害你不安全」
「有事往壞處想你會如願」
「不可能每個人都喜歡你」
「丟掉「我都是靠自己」的想法」
「冒險就是不可預期」
「這世界不屬於適應的人,而是與眾不同的人。」冇反對聲音即係你做得未夠放。
......

睇完感覺有啲兀突,雖然感覺到佢係好順暢咁由家嘅個人感受轉去工作,練習熟咗點揼雜物就開始揼想法,「相信你已經體認到,實體雜物與情緒雜物之間是如何密切相關了。即便是丟掉老舊破損的浴室腳踏墊這樣無關重要的東西,也能輕易一併丟掉一些舊觀念。」,但畀我嘅感覺就係怪怪哋。當然做到佢講嘅嘢嘅話已經絕非等閒之輩。

最後嗰部分關於未來嘅就有啲啲咁少嘅成功學嘢,例如「勾勒一年半以來的願景」嘅一章:「此時此刻,你想成為怎樣的人,就能成為怎樣的人,但你必須寫下來,才能決定,也才能算數。」就是這樣,我要有一千粒BTC同一千粒ETH!係咪咁就得。

最後,我唔會留本書,本來都係執返嚟,又唔係話佢冇用,但唔啱我,成本書嗰五篇台灣序仲好睇。

如果對依類題目有興趣嘅可以睇睇Netflix嘅《怦然心動的人生整理魔法》(Tidying Up with Marie Kondo (近藤麻理惠))或者睇返山下英子嘅《斷捨離》。

#丟掉50樣東西找回100分人生

ISBN: 978-986-5612-13-9
作者: Gail Blanke(台譯:蓋兒·布蘭克)
譯者: 林麗冠
英文書名:”Throw Out Fifty Things - Clear the Clutter, Find your Life”
出版: #大是文化有限公司

#極簡 #極簡主義 #斷捨離 #整理 #收捨 #minimalist #minimalism
#讀後感
 #圖文並茂 #書 #書中自有黃金屋 #書中自有顏如欲玉 #閲讀報告 #books #書籍介紹 #閲讀 #閲讀筆記 #閲讀筆記 #講讀

Like my work??
Don't forget to support or like, so I know you are with me..

CC BY-NC-ND 2.0

23 本收納整理/斷捨離/極簡主義/簡單生活的入門書單推薦

《極簡主義》Minimalism│找出生命中重要的人事物…觀後感想

邁向極簡生活的第一步

Want to read more ?

Login with one click and join the most diverse creator community.