AlexKCC

crypto, outdoor, nature, books.

《低端人口:中國,是地下這幫鼠族撐起來的》讀後感

「若是在法國,跟他類似處境的人會否挺身反抗體制?是否能有個工會或協會替他們捍衛權益?唯一能肯定的是,在中國,這是不可能的。共產黨容不下任何異議。號召仗義之士為一群面臨宰殺威脅的狗請名,比為這群受體制壓榨的人發聲來得容易多了。」

拎過2000年Jean Marin戰地記者獎嘅法國駐中國特派記者寫嘅第一本書,中国鼠族嘅田野調查報道。法文就2016出,中文就2018,不過你知啦近排中国全面脫貧了,書中嘅嘢都應該不再存在。如果你有興趣聽故事,睇返舊時中国班鼠族點樣掙扎求存咁本書實啱你,成本書就係作者以第一人稱田野調查鼠族同佢哋吹水嘅點點滴滴,筆觸平舖直敘冇特別煽情,可能因為法直譯中所以睇落都好順暢。本書中間穿插咗唔少作者認為同鼠族有關嘅政策,而較後亦都有最後走出洞口嘅成功例子同地面紫醉金迷嘅反差。如果中意理論向啲嘅依本就未必合你口味。

睇完只諗到一句:

「一命二運三風水」

記得第一次去老美LA瞓輕工業/舊區嘅床位,開頭行錯推錯門見到一堆亞裔人車緊衫,其實made in邊到都一樣...夜晚返去樓下成條街都係營同一堆流浪人。行咗幾個圈有個問我拎錢搭車返屋企因為佢嚟見工乜乜柒柒,有畀到係因為同佢吹咗都幾耐水而本身都有啲公司留落嚟嘅嘢食預咗畀人佢又接收埋,佢仲好好心咁話:’dont talk to stranger.'
'but i am now, it's ok, I'm safe.'
'I am different, do you what me walk you home? It's dangerous.' (睇返2017嘅post先記得)
自己返去途中又咁啱見到義工推車派熱狗嘢飲,行過去吹咗幾句就收皮了。第二朝走見到有啲建築物嘅圍欄就會定期噴水唔畀你喺佢出面起營,好似好仆街但其實條街都成日有尿味,講真香港公廁算係方便。

佢哋算唔算鼠族?

未知佢哋故事未知佢哋掙扎,其實問心係會先入為主地覺得佢哋懶嘅,所以我會覺得佢哋唔算。鼠係有種死唔去點都頂住嘅生命力,跟書嘅定義的話:收入不高但又要在大城市裏生存,住不起一般出租房,轉而租地下室而居的一群人。最少唔係瞓街(我又唔係話瞓街代表懶,再坐艇真係要瞓了)。
撇除個人觀感嘅話,其實堅尼系數大嘅就會有同樣問題?
香港市有冇類似問題?
每次喺鬧市總會見到一兩位推住紙皮步履蹣跚嘅老人,係咪又要怪佢後生唔好好儲錢呢?

保護網要保護到咩程度先令大家心服口服?「無條件基本收入」聽就好聽,但要知道有幾多企業家有信心由零開始都可以變返富豪?你有收入佢仲開心。《尋找快樂的故事》係就係真人真事,但「一將功成萬骨枯」,只能感激依一刻仲未使瞓街。

ISBN: 978-957-08-5109-0
作者: Patrick Saint-Paul(台譯:派屈克‧聖保羅)
譯者: 陳文瑤
法文書名:”Le Peuple Des Rats: Dans les sous-sols interdits de la Chine”
出版: #聯經出版事業股份有限公司

#低端人口 #窮人 #貧富懸殊 #大国崛起 #脫貧 #讀後感 #圖文並茂 #書 #書中自有黃金屋 #書中自有顏如欲玉 #閲讀報告 #books #書籍介紹 #閲讀 #閲讀筆記 #閲讀筆記 #講讀 #鼠族

Like my work??
Don't forget to support or like, so I know you are with me..

CC BY-NC-ND 2.0

《低端人口:中國,是地下這幫鼠族撐起來的》

[book] 低端人口:中國,是地下這幫鼠族撐起來的

大國光輝照不到的灰色角落--介紹《低端人口:中國,是地下這幫鼠族撐起來的》

Want to read more ?

Login with one click and join the most diverse creator community.