AlexKCC

crypto, outdoor, nature, books.

《何謂文化》讀後感

「文化,是一種包含精神價值和生活方式的生態共同體。它通過積累和引導,創建集體人格。」 - 余秋雨

喺舊公司 @kayanl420 推介咗位作者畀我依位小毒撚先知道原來有位咁嘅文人,當時都冇乜特別理同睇。一陣子後去到台灣漫遊入咗間二手書店見到余秋雨嘅着作《霜冷長河》就決定買嚟扮吓文青,睇完再睇,係嗰時先開始接觸文學散文,都好佩服佢入面唔同嘅《論》,清晰明白,未必會全盤認同但真係令小弟開眼界。

到有年書展見到依本《何謂文化》大特價賣三十蚊,咁就唯有買嚟扮多陣文青,因為想知何謂文化,等我扮得再似啲。

自序導讀,佢覺得中国突然渴求文化但唔知文化係乜,所以身為當代文人唯有指點吓迷津(我寫得衰,佢唔係咁寫)。回答分四個部份:《學理的回答》、《生命的回答》、《大地的回答》、《古典的回答》。

《學理》就係三篇海內外嘅演講加兩篇漫談,理論得嚟又平易近人,始終要用口講;《生命》就係用七篇文章寫文化巨匠,睇吓文人嘅風骨風範;真誠嘅讀後感,最後嗰兩章《大地》同《古典》真係睇唔明 ,大地係有堆碑文同明勝提額,古典就係有四篇古文佢用白話文翻譯:

《心經》、《離騷》、《逍遙遊》、《赤壁賦》。唯一好似明佢點解要講《逍遙遊》就係因為佢大用小用無用之用嘅哲學....

以下抄考一篇學理嘅回答:

余秋雨認為一個人身上要擁有真正嘅文化,必先祛病,再進補,簡為四點係兩個不再,兩個必要:不再扮演,不再黏住,必要庫存,必要風範。

所謂唔好扮嘢就已經好清楚,佢引用咗一段完全唔知講乜柒嘅文嚟大力抽擊,只有唔明白嘅人先會揾一堆深奧嘅詞彙嚟堆砌意義等人以為佢好撚勁,總之唔好扮四條;

不再黏相對就難好多,我理解佢係講緊執着,可以係對專業嘅執着:「我們經常會鬧的一個誤會, 是把專業當作了文化。其實專業以狹小立身,文化以廣闊為業。專業以界線自守,文化以交融為本,兩者有着不同的方向。」,對文物對官位對名對利對事業,因為佢認為文化係宏觀嘅;

必要庫存就真係文人了,因為就係叫你睇熟一堆書經藝術清單再自行融會貫通有所好....

最後嘅風範佢分四特徵唔一一列舉,用最後嗰句「在我看來,中華文化的復興,不在於出了幾部名作,得了幾個大獎,而在於由身外返回身上,看人格,看風範。」,或之後《生命的回答》其實都可以睇到所以風範係咩一回事。

文學嘢真係搞唔掂,節錄幾句:

「當文化一日沉澱為集體人格, 它也就凝聚成了民族的靈魂。」

「文化,就是要讓這種終極性的慈愛生命化、人格化,變成風範。。」

「文化的最終目標,是在人世間普及愛和善良。」

「文化是一種時間的積累,但也有責任通過引導而移風易俗。在這個動態過程中,漸漸積澱成一種集體人格。」

「快感不是美感,美是對人的提升。」

「所謂禮儀,就是一種便於固定、便於實行、便於審視、便於承繼的生活化了的文化儀式。」

「最有精神價值的作品,永遠面對着高貴的寂寞,雖然寂寞,卻能構成夜醒之人的精神嚮往與黑海的燈遠山的塔。」

「民綷對民主的損害甚至超過專制。因為專制讓人嚮往民主,民綷讓人誤解民主。」

「藝術的最佳背景,不是金色,而是黑色。」

書名: #何謂文化
ISBN: 978-988-8200-13-9
作者: #余秋雨
出版: #香港中和出版有限公司

#文化 #文青 #偽文青 #讀後感 #圖文並茂 #書 #書中自有黃金屋 #書中自有顏如欲玉 #閲讀報告 #books #書籍介紹 #閲讀 #閲讀筆記 #閲讀筆記 #講讀

Like my work??
Don't forget to support or like, so I know you are with me..

CC BY-NC-ND 2.0

文化悲剧、文化自信与文化自卑——新时代的迟疑与轻信

1

Want to read more ?

Login with one click and join the most diverse creator community.