AlexKCC
AlexKCC

crypto, outdoor, nature, books.

《區塊鏈社會學》讀後感

「社會體制就像技術上的通信協議,一層倚賴下一層,處於底層最難以被憾動的,是貨幣。我們自以為全面否定體制,事實上我們每天都在依賴體制最基礎的組成元素,甚至守護它。」 - 高重建

相信普羅大眾對「區塊鏈」最大認知會係比特幣,而連繫住嘅就係一堆騙案。開放啲嘅就可能覺得係非常高風險嘅投資機會所以未必掂,不過相信喺Matters嘅大家相對會對區塊鏈開放,如果你有啲好奇嘅話依本書講區塊鏈嘅書就啱你。每篇文都幾短用字貼地冇乜學術嘢好鬼101,不過記住睇完唔會炒crypto勁咗。本書從作者認為好緊要嘅幾隻常用詞彙開始:「學習」、「價值」、「金錢」、「國家」、「虛擬」慢慢帶出區塊鏈同信任、價值、媒體、治理嘅關係同可能性:

學習 - 「讀萬卷書不如直接上路」
知水嘅密度份子構成化學反應游水嘅運動科學等等等等,一日你未落過水游都唔會學識游水,區塊鏈都一樣,開個metamask唔使錢的。另外因為區塊鏈係好顛覆同挑戰常規,如果你係「不懂得或不捨得unlearn,對現體制以外的可能性失去想像力。」咁就比較難去接受。

價值 -「價格與價值脫鈎,才是常態。」
當我哋思考「值唔值」只用「價格」嚟考量一樣嘢嘅「價值」:「價格將會倒灌,反過來吞噬我們的核心價值觀。」;「價格遠高於價值的事物不斷被追逐,價值遠高於價格的公地commons沒人在乎。」
「經濟學101的供需理論告訴我們,愈是稀有,越是值錢,於是即使黃金、鑽石對我們的生活幫助不大,卻非常值錢,反而我們不能失去超過1分鐘的空氣,卻完全免費。嚴格來說,價格反映的是稀有性而非價值,只是人類社會沒找到被稀有性更佳的方式去粗略衡量價值…」

金錢 - 「相對於認定為有國家政府發行的法定貨幣才是金錢,比較準確和有用的世界觀是把各種資產按照價值釐定、儲存、交換三方面功能,尤其是交易能力,來衡量資產「金錢性」有多高。」
「真錢」同「唔係真錢」係個光譜,就算係「法定貨幣」,比百佳Coupon同塔利班出嘅「法幣」你揀相信你都會揀coupon依隻「假錢」而唔係政局不穩嘅法幣。

國家 - 我覺得要引用《警國論》一句:「國家原本就是警察。」
作中揾咗愛沙尼亞嘅e-Residency嚟做例子,既然國界國家嘅定義一直都變緊,一二戰打嘅係物理國界,嚟緊一定會出現嘅元宇宙條界又點定?「所謂法定貨幣就是有軍隊的貨幣、有政權撐腰的貨幣。」政府其實都只係所謂喺嗰個地理範圍可以「合法」地使用武力嘅團體。

虛擬 - 「物理與真之間、數位與假之間,並無必然關係,網站可以載滿可靠資訊,實體報紙可以寫滿虛假信息。載體的性質是一回事,訊息的真確性可是另一回事。」
點為之真?虛擬比到一種「扮真」嘅意思你,但正如虛擬銀行嘅錢都係「真」嘅,舊時代啲有網友、依加嘅wfh zoom meeting同埋開始愈嚟愈多嘅DAO(分佈式自治機構decentralized autonomous organisations)嘅同袍都係「數位」溝通,唔通叫佢做假同事?

講清楚以上常用但其實你講唔出係咩嚟嘅詞彙之後就開始講解區塊鏈同信任、價值、媒體、治理嘅關係同可能性,因為區塊鏈嘅可塑性迼遠超過「密碼貨幣」或者meme coin賺過千倍。

例如「價值」入面有章講通信協議,點解Line開唔到whatsapp又睇唔到Signal?明明Hotmail去gmail去yahoomail都冇問題?「互聯網不互聯」就係因為巨頭唔想用同一種通訊協議,FB收咗RSS皮就都係封閉與開放嘅博弈,而到暫時為止web2.0都係封閉贏緊,所以我先只可以好諷刺咁喺Meta(FB)嘅IG到叫你點都唔好開始入佢嘅Metaverse,有性睇《監控資本主義時代》,希望大家生生性性一齊見證同參與3.0。

好似講好多Blockchain 嘅好嘢,係咪烏托邦?絕對唔係,騙案嗰啲貪就無謂講了,冇BTC前啲人係咪洗唔到黑錢?話BTC係拎嚟洗黑錢真係三隻蝦。書中有推廣嘅Matters同LikeCoin依加都面對緊唔同嘅問題,Matters想吸引內容作家同推廣閱讀,但因為有利益就怕會圍爐或互相畀Like;Like想鼓勵創作化「讚」為「賞」等創作者嘅心血唔會全數被中心化嘅巨型科網公司獨吞,但如果Like價愈嚟愈高又肯定會有一堆刷Like方法出嚟。雖然以上兩樣嘢聽落令Matters & Like都有啲「冇咁完美」,但個人係好支持@Terence 喺佢篇"LIKE-OSMO 年化 179%,你在等甚麽?"嘅睇法:

不要 100% 正氣凜然,只有理想沒有麵包,徒然。幣圈就是資本主義的極致,你有七分正,都要有三分邪,meme、rebranding、KOL 等等,各種 marketing 方式都要有,各種人都要有。君不見這一年多來,各項目的社群是壯大了多少?看 GitHub 就知。

就係咪要理念到100%先代表Matters同Like有光環?水清無魚,大隱於市,我覺得最緊要調節好自己心態。

最後,如果你有印象強国都整緊數字人仔,你又知道香港遲早走唔甩,希望你諗諗依句:「兩國均迫不了對方就範,戰場變成其他國家,尤其第三世界,誰勝誰負,視乎人民幣的區塊鏈一帶一路延伸得遠,還是美元的區塊鏈天羅地網覆蓋得廣。」

youtube有好多資訊都係由幣價切入,而依本書可以畀到你更多關於區塊鏈嘅想像。

#區塊鏈社會學
ISBN: 978-988-8599-28-8
作者: @高重建
出版:天窗出版社有限公司

#crypto #密碼貨幣 #加密貨幣 #區塊鏈 #blockchain #制度 #民主社會 #社會 #公投 #自治 #讀後感 #圖文並茂 #書 #書中自有黃金屋 #書中自有顏如欲玉 #閲讀報告 #books #書籍介紹 #閲讀 #閲讀筆記 #閲讀筆記 #講讀

CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…
加载中…

发布评论