犢爸
犢爸

分身Acc,唔創作,紀錄真實心情同諗法。

與孩童相處的矛盾心態

文章記錄了作者觀察到兒子在公園遭朋友打後的心理變化,由最初的憤怒到後來主動向朋友要求道歉並重修舊好。作者對兒子的心態感到疑惑不解,但也不敢直接追問,只能在送兒子上學的短暫時間內默默觀察。這也引發作者對自己工作與家庭時間分配的反思。

實驗證明,lunch time做生活紀錄係不切實際。上午忙完一輪,食埋個飯,其實係完全唔想做任何野。

今朝本身想紀錄既野,到宜家已經開始有啲唔記得,一忽一忽咁。

我記得老婆琴晚話個囝放學係公園玩既時候,俾同佢玩開果個同伴打,之後仲係到嬉皮笑面,令到佢嬲到要即刻走。然後老婆就係臨訓既傾心事時段同個囝傾返呢件事。

老婆有問,「打完人跟住嬉皮笑臉」呢個畫面好似好熟口面。阿囝又真係答得出係佢平時爆嬲出左手打住媽媽之後果個樣。老婆問,咁你當時係咩心情。阿囝答,好驚,唔知點算。老婆再問,咁你覺得今日你個朋友打完你之後有可能係咩心情。阿囝突然爆氣:「佢特登嫁!」

咦?epic fail喎。

不過佢地再傾多陣,阿囝自己話聽日會再果個朋友講話「如果你下次唔小心打到我,其實只要你同我講sorry,我地就可以做返朋友嫁啦。」一陣返到屋企一定要跟進返呢件事既後續先⋯

我既感想其實係有啲怪,咁我冇係現場啦,始終真係唔知對方係有心定冇心。如果人地真係冇心既話,都ok既,但由阿囝中途爆氣話對方特登黎諗,咁件事既真相到底係咩?其實我就真係好懷疑⋯

不過我當下冇問到老婆,今朝送個囝返工期間都冇問個囝。其實我都唔知點問,有啲怕一問就好似challenge緊咁⋯唉⋯

星期一至五,可以陪個囝既時間基本上得送返學果半個鐘,另加自己放工後至佢訓覺之間大約個半鐘。其實已經揀左份under pay既工,為左唔洗OT,陪屋企既時間可以多返啲,但原來都仲係得好少。

諗返起,個囝疫情果時,話日日都可以對住爸爸媽媽覺得好開心⋯⋯

CC BY-NC-ND 4.0

Like my work?
Don't forget to support or like, so I know you are with me..

was the first to support this article
Loading...

Comment