甘米
甘米

love nature, love travel, love drawing, love photographing

My little detour - 《祝我生日快樂》

15 Jun 2019, sat (Day 17 晴(熱)Holguin -> Camaguey, Cuba)

今朝7點起身執執執, 點知肚痛疴左2次, 我覺得...應該係近排食得少, 所以腸胃得以清一清。 出去garden告別媽媽同還鎖鑰, 佢仲問我飲唔飲埋咖啡先添, 我都好想, 但我更怕遲到🤣。 媽媽話正門去車站近d, 我終於第一次踏足佢地嘅客廳, 吻別媽媽就出發了。

去到巴士站, 似乎都順利, 個check in小姐好好, 我問佢係咪要寄行李, 佢仲指埋個地方我睇(其實隔離房, 佢話10分鐘後開門可以放行李)。

等luggage room開後, 我攞左行李入去等, 管store room嘅阿伯又真係叫我等下喎, check in 姐姐就好好咁幫我寫tag, 仲話唔使上秤 (first 20kg free), 搞晒後佢交返比阿伯, 阿伯竟然問我攞tips, 但我無比。 之後等到9:40 都未有車, check in姐姐話25 mins delay喎, 好彩我偷聽到有人都係去Camaguey, 我決定死跟。 最後架車10:05am先到, 而等上車期間我見到的luggage係store room未有人嚟開門, 有個嬸嬸好緊張, 當然我都少少啦。 之後個阿伯終於嚟左開store room門, 無推車仔。穩陣起見我自己攞上車, hahaha。 架車終於係10:17am開車了。

架車會停Las Tunas, 到12點幾又停左係Guaimaro, 我見個個落晒車咪落車八下咩事 (丫, 唔記得講, 其實古巴人都好sweet, 司機break完開車走, 點知有個伯伯叫停司機, 原來坐佢隔離的女仔未返, 真係好窩心架啫!) 原來放飯45分鐘, 又唔比上返車, 我攞唔到水同野食嗰的....之後等到悶, 食左個叫mantecado的雪糕 (google話即係shortbread味喎), 我唔知即係咩味, 但無咩奶味都ok 嘅!

終於等到可以上返車, 再瞓多陣就到左Camaguey 喇! 落車攞埋行李, 堅定不移的走出的士陣, 我又開始漫長的搵屋之旅。 唔知係咪生日好彩d, 呢到民宿的標記易搵d, 行左5分鐘已經見到一間, 但佢full左, 佢叫我等陣然後介紹另一間比我 (Mayra Romis), 好彩都係行前一條街啫!homestay女主人咁啱先送走左個客, 咁佢清理一陣我就睇房, 佢開價20cuc一晚, 我話太貴後佢話15cuc, 之後我都話太貴, 但都睇左房先, 同我係Santa Clara嗰間差唔多, 普普通通但係單人房, 其實有的暗, 咁反正唔啱budget就諗住再搵, 佢減至12cuc再變10cuc, 唉, 好啦, 唔想再行。 咁比passport女主人登記, 估唔到佢係第一個親口同我講生日快樂嘅人。 

搞掂晒的野我又返去巴士站買飛,18/6凌晨 2:35的飛去Trinidad, 點解我又虐待自己, 但無法, 見到去千里達只有一班車, 承惠15cuc。

其實咁熱嘅月天氣真係好影響心情, 個人咩都唔想理, 直入city centre就算, 又提唔起勁影相, 真係慘。由於未食野, 求其買個火腿包先。

真...麵包夾火腿

行行下仲見國營雪糕店, 等我湊下熱鬧先, 用左2.6cup買女左個sunday supreme, 不過得返士多啤梨味, 佢再放左d似餅乾碎同serum上去, 底下仲墊隻蕉仔, 其實味道都ok, 係多烏蠅囉。

跟住係公園坐左陣網追下新聞。唉, 有同路人掛banner犧牲左😪, 更影響心情。再去買水(0.7cuc)同飲左杯啡, 跟手食多個火腿意粉 (20cup, 本身叫雞肉意粉粉但賣晒)就返去。 佢地好好, 加左勁多芝士比我, 再加火腿同拿破崙嗰個汁....凍嘅, 算啦, 反正鋪左咁多芝士都好難搞, 我盡量將佢諗成火山咁, 食佢中間未被芝士覆蓋嗰d。

之後7點左右係homestay附近睇小朋友打baseball, 再同屋主個女同孫女吹左陣水就返房休息了, 不過最後忍唔住都要睇下新聞...


今日共用: 35.75cuc +22.6cup

5cup ice cream

20 cuc homestay

15cuc bus ticket to 

5cup ham bread

2.6cup supreme sunday at 國營雪糕店

0.7cuc 水

0.05cuc coffee

20 cup spaghetti con jamon (點知勁多cheese伴碟)

CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…
加载中…

发布评论