whatsthematter
whatsthematter

今日唔知點解寧舍累...

今日唔知點解寧舍累... 回到家之後過冇耐就睡睡睡.... 起完身又睡多一陣子...

現在課程去到中段,仲有兩個月先完... 其實真係好耐, 因為我們番5日半,又要早起,我住得遠,又多野做等等, 時不時我都渴望自己可以唔讀... 點講呢... 我又唔會入依行架喇, 又唔覺得自己係依方面特別叻,無論看圖,計料,記SMM等。我好似好多其他野都做唔到咁,比如話加窗簾、加布門,搞屋企的野... 主要張cert我都唔知拿唔拿到,因為好多野都好難,冇信心拎到。如果唔係set到standard咁高,我仲會多D考慮吓讀埋下去既。

而家都係照著恆常進度咁去.... 同時間一路就諗吓其他出路,自己適合D咩....

近排都係諗到,自己係好少機會同到香港人共事,經同朋友同我細心分析之後。我諗到,如果7月份有教育展,我就可以認真咁睇下問下邊D學校真係適合自己。要考慮好多因素,比如話除了香港要認可,老師係外籍人士教比較好,仲睇吓有冇乜資助同時申請,係邊度讀,讀幾耐,彈性點樣.... 我自己身體負唔負荷得到。諗著到時搵Jerry/全/Teresa分別同我一齊去幾日咁逛。話說Miss都會企Booth, 到時留意吓問吓她教育展booth期都得。她點都會講既~

其實我真係唔知自己會唔會讀到.... 因為我成個人真係好累.... 我估係因為好多際遇上的野傷害得自己太深,而長期都唔開心其實就冇動力....

釵又搵唔到,而香港支出又咁鬼高,無形中自己都自卑。其實會感懷身世,人地可以勢利功利自私做小人的行為,點解自己做唔到..... 我輸的,係因為依D原因輸,而我跨唔出步,去做一個有手段的人,來換來穩定的工作事業。點解我成日都抱持個思想,期望人人都可以善良為人著想。而痛苦地活係依個亂世之中。我做唔到身不由己去做一個衰人。

全唔知會唔會之後番工。他番工就係搵真銀喇,番好既,他又唔係唔識做人。CV有工作經驗係好事。

另外我其實收到email通知做test.. 仲未細心睇。其實已經唔知幾時send的了,都唔份工係做乜,係邊度做... 不過都要睇一吓&可以的話搵人幫我溫吓書... 其實我試過skill test pass jor but冇去in.. 自己怕比人問野。但而家有D同學仔一齊感覺又好番D.

我狀態成日都唔好,屋企人又冇錢比我洗... 如果可以既,真係搵番科自己handle到的來讀,合眼緣的人先走去apply. 如果唔係真係好辛苦....

我其實內心真係想花時間精神專心地畫吓畫之類既.... 同埋唱吓歌。但其實好老實講,依D又增長唔到我自信&金錢既... 我係想個人冇咁chur...

Dama近日問我影唔影相,但夾唔到時間... 我放的日子不多。室內又有晒野比我唔洗自己準備我都有興趣影的,不過係free的時間不多。同埋自己都好耐冇keep吓咁制.... 聽講我們班番五日的機會不多... 我唔係特別話好想影,而係個人down down地又唔係話要影開心野的影吓其他有感覺的相其實有時都可以抒緩吓掛... 甜相個D就暫時唔好了..


CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…

发布评论