Dorje Drolo

惟願覺醒智慧遍現諸空之壇城

凈除業障法|觀修上師金剛薩埵之引導

願一切有情籍金剛薩埵佛尊之大威德力,凈除生生世世一切罪障,獲得金剛薩埵佛之果位。

སྒྲིབ་པ་སྦྱོང་བ་བླ་མ་རྡོ་རྗེ་སེམས་དཔའི་བསྒོམ་བཟླས།

清淨違緣罪障唸修金剛薩埵




སྒྲིབ་གཉིས་དྲི་མས་དབེན་ཀྱང་སྦྱོང་ཚུལ་སྟོན།།

離二障垢然示淨除障,


ལམ་མཆོག་མཐར་ཕྱིན་ངེས་ཀྱང་སློབ་པའི་ཚུལ།།

究竟勝道然現修學相,


སྲིད་ཞིའི་མཐའ་ལས་འདས་ཀྱང་སྲིད་ན་སྣང་།།

超有寂邊然顯三有中,


མཚུངས་མེད་བླ་མའི་ཞབས་ལ་ཕྱག་འཚལ་ལོ།།

無等上師足下我敬禮。




སྒྲིབ་པ་སྦྱོང་བ་བླ་མ་རྡོ་རྗེ་སེམས་དཔའི་བསྒོམ་བཟླས་ལ།ཆོས་གསན་པའི་ཚུལ་ལ་སོགས་པ་འདྲ།དངོས་གཞི་གསན་པར་བྱ་བའི་ཆོས་ལ།

清淨違緣罪障——唸修金剛薩埵分五:一、懺悔之理;二、四種對治力;三、真實唸修金剛薩埵;四、唸修百字明;五、懺悔之功德。


ཟབ་མོའི་ལམ་གྱི་ཉམས་རྟོགས་ཁྱད་པར་ཅན་སྐྱེ་བ་ལ་བར་དུ་གཅོད་པའི་གཙོ་བོ་ནི་སྡིག་སྒྲིབ་བག་ཆགས་ཡིན།དེ་ཡང་ཀུན་གཞིའི་མེ་ལོང་ལ་རྟོགས་པའི་གཟུགས་བརྙན་འཆར་བར་བྱེད་པ་ལ་སྒྲིབ་པ་སྦྱོང་བ་གལ་ཆེ་སྟེ།དཔེར་ན་མེ་ལོང་ལ་གཟུགས་བརྙན་འཆར་བར་བྱེད་པ་ལ་བྱི་དོར་བྱེད་པ་གལ་ཆེ་བ་ལྟར་ཡིན།དེའི་ཕྱིར་སྒྲིབ་པ་སྦྱོང་བའི་ཐབས་གྲངས་མེད་པ་ཞིག་རྒྱལ་བས་བསྟན་པ་ལས།དེ་དག་ཐམས་ཅད་ཀྱི་མཆོག་ཏུ་གྱུར་པ་ནི།བླ་མ་རྡོ་རྗེ་སེམས་དཔའི་སྒོམ་བཟླས་ཡིན།

丁一、懺悔之理:


相續中生起甚深道之殊勝証相的主要障礙,就是罪障、習氣。爲了使阿賴耶的明鏡中顯現証悟的影像,淨除罪障是至關重要的一環,這就好比鏡中要映現出影像,擦拭鏡麵十分關鍵一樣。爲此,佛陀宣説了不可勝數淨除罪障的方便法門,而在這所有法當中最爲殊勝的就是唸修上師金剛薩埵。


དེ་ཡང་སྤྱིར་སྡིག་པའི་ལས་གང་ཡང་བཤགས་པས་མི་འདག་པ་མེད་དེ།སྔོན་གྱི་དམ་པ་དག་གི་ཞལ་ནས།སྤྱིར་སྡིག་པ་ལ་ཡོན་ཏན་མེད་ཀྱང་།བཤགས་པས་འདག་པ་སྡིག་པའི་ཡོན་ཏན་ཡིན་གསུངས།དེས་ན་ཕྱི་སོ་ཐར་གྱི་སྡོམ་པ་དང་འགལ་བ།ནང་བྱང་ཆུབ་སེམས་ཀྱི་བསླབ་བྱ་དང་འགལ་བ།གསང་བ་སྔགས་ཀྱི་དམ་ཚིག་ཉམས་པ་སོགས་སྡིག་པའི་ལས་ཅི་ཙམ་ཚབ་ཆེ་ཡང་།བཤགས་པས་མི་འདག་པ་མེད་དེ།བྲམ་ཟེའི་ཁྱེའུ་མི་གདུང་བའམ་སོར་མོའི་ཕྲེང་བ་ཅན་གྱིས་མི་སྟོང་དགུ་བརྒྱ་གོ་དགུ་བསད་པ་ཡང་།བཤགས་པས་སོར་ཆུད་དེ་ཚེ་དེ་ལ་དགྲ་བཅོམ་པའི་གོ་འཕང་ཐོབ།རྒྱལ་པོ་མ་སྐྱེས་དགྲས་རང་གི་ཕ་བསད་པ་ཡང་ཕྱིས་བཤགས་པས་སོར་ཆུད་དེ།དམྱལ་བ་དར་གྱི་ཕོ་ལང་བརྡབས་པ་ཙམ་མྱོངས་ནས་ཐར་པ་སོགས་དུ་མ་རྫོགས་པའི་སངས་རྒྱས་ཀྱིས་མདོ་སྡེ་རྣམས་ལས་གསུངས།དེས་ན་མགོན་པོ་ཀླུ་སྒྲུབ་ཀྱི་ཞལ་ནས་ཀྱང་།གང་ཞིག་སྔོན་ཆད་བག་མེད་གྱུར་པ་ལ།།ཕྱིས་ནས་བག་དང་ལྡན་པར་གྱུར་པ་དེ།།ཟླ་བ་སྤྲིན་བྲལ་ལྟ་བུར་རྣམ་མཛེས་ཏེ།།དགའ་བོ་སོར་ཕྲེང་མཐོང་ལྡན་བདེ་བྱེད་བཞིན།།ཞེས་གསུངས།

總的來説,不管是什麼罪業,隻要懺悔就沒有不能清淨的。如古代諸大德也曾經這樣説過:本來罪業無功德,然懺可淨爲其德。所以,無論是違犯外別解脫戒、內菩薩學處,還是失毀密宗三昧耶等等,即便是罪業再多麼嚴重,通過懺悔也能得以清淨。舉個例子來説:婆羅門央具理魔羅,也就是指鬘王,他殘暴地屠殺了九百九十九個人,但是通過懺悔而清淨罪障,並且在即生中獲得了阿羅漢果位;再有未生怨王雖然殺害了自己的父親,但後來通過懺悔而恢複清淨,結果僅僅感受了如綢線球觸地即刻彈起般短暫的地獄之苦,便從中獲得解脫……佛陀在諸經藏中講述了許多通過懺悔而得清淨的公案。怙主龍樹菩薩説:“何人昔日頗放逸,爾後行爲倍謹慎,如月離雲極絢麗,難陀指鬘能樂同。”


དེ་ཡང་གཉེན་པོ་སྟོབས་བཞི་ཚང་བའི་སྒོ་ནས།སྙིང་ཐག་པ་ནས་ལེགས་པར་བཤགས་ན་འདག་པ་ཡིན་གྱི།རང་བཞིན་དུ་ཁ་ཡེངས་མིག་ཡེངས།སེམས་རྣམ་རྟོག་གཞན་གྱི་རྗེས་སུ་འབྲངས་བཞིན་དུ།ངག་ནས་མཐོལ་ལོ་བཤགས་སོ་སོགས་བཤགས་ཚིག་ཙམ་ཁ་ཏོན་བྱེད་པ་དང་།ཕྱིས་ཀྱང་བཤགས་པས་ཆོག་པས་ཕྱིན་ཆད་སྡིག་པའི་ལས་བྱས་ཀྱང་མི་གནོད་དོ་སྙམ་པ་སོགས་ཀྱི་སྒོ་ནས་ཤགས་པ་བྱས་ཀྱང་མི་འདག་སྟེ།རྗེ་མི་ལའི་ཞལ་ནས།སྡིག་བཤགས་པས་ཨེ་འདག་སྙམ་པ་ན།།དགེ་བ་དྲན་ན་འདག་པ་ཡིན།།ཞེས་གསུངས།དེས་ན་བཤགས་པ་གང་ལ་ཡང་གཉེན་པོ་སྟོབས་བཞི་ཚང་བ་ནི།ཅི་ནས་ཀྱང་གལ་ཆེ།

如果具足四種對治力而誠心誠意、認認真真加以懺悔,就能清淨罪業。反之,一邊東張西望、鬍言亂語、自心隨着其他分別妄唸轉,一邊口中髮露懺悔等等,僅僅是口頭上唸誦懺悔文或者認爲以後懺悔也可以、今後造罪也無害,諸如此類。如果是這樣,那麼儘管做了懺悔,但是罪業也不會完全清淨,誠如米拉日巴尊者説:“若想懺罪能淨否?憶唸善法則清淨。”所以,不論是任何人進行懺悔,儘其所能具足四種對治力都相當關鍵。


དེ་ལ་སྟོབས་བཞི་ནི།རྟེན་གྱི་སྟོབས།ཉེས་བྱས་སུན་འབྱིན་གྱི་སྟོབས།སྡོམ་པའི་སྟོབས།གཉེན་པོ་ཀུན་སྤྱོད་ཀྱི་སྟོབས་དང་བཞི་ཡིན།

丁二(四種對治力)分四:一、所依對治力;二、厭患對治力;三、返回對治力;


四、現行對治力。


དང་པོ་རྟེན་གྱི་སྟོབས་ནི།

戊一、所依對治力:


སྐབས་འདིར་རྡོ་རྗེ་སེམས་དཔའ་ལ་སྐྱབས་སུ་བཟུང་ནས་སྨོན་འཇུག་གི་བྱང་སེམས་དང་ལྡན་པ་དེ་ཡིན།སྐབས་གཞན་ཏུ་ཡང་སྡིག་པ་བཤགས་པའི་ཡུལ་དེ་ཉིད་རྟེན་ཡིན་ཏེ།དཔེར་ན་ཕུང་པོ་གསུམ་པའི་དུས་སངས་རྒྱས་སོ་ལྔ་དང་།དེ་བཞིན་དུ་དགེ་བའི་བཤེས་གཉེན་ནམ།སྐུ་གསུང་ཐུགས་རྟེན་ལ་སོགས་པ་གང་གི་དྲུང་ནས་བཤགས་པ་བྱེད་ཀྱང་དེ་ཉིད་རྟེན་གྱི་སྟོབས་ཡིན།དེ་བཞིན་དུ་སྨོན་འཇུག་བྱང་ཆུབ་ཀྱི་སེམས་བསྐྱེད་པ་ནི།སྡིག་བཤགས་པ་ཐམས་ཅད་ལ་མེད་དུ་མི་རུང་།བྱང་ཆུབ་ཏུ་སེམས་བསྐྱེད་པ་མེད་ན་སྡིག་ལྟུང་སྟོབས་བཞི་ཚང་པས་བཤགས་ཀྱང་ཅུང་ཟད་སྲབ་དུ་འགྲོ་བ་ཙམ་ལས་རྩ་བ་ནས་འདག་པར་མ་གསུངས།བྱང་ཆུབ་ཀྱི་སེམས་བཅོས་མ་མ་ཡིན་པ་དེ་རྒྱུད་ལ་སྐྱེས་ན།སྔོན་ཆད་སྡིག་པའི་ལས་ཅི་ཙམ་བྱས་པ་ཐམས་ཅད་རང་བཞིན་གྱིས་དག་པར་གསུངས་ཏེ།སྤྱོད་འཇུག་ལས།སྡིག་པ་ཤིན་ཏུ་མི་བཟད་བྱས་ན་ཡང་།།དཔའ་ལ་བརྟེན་ནས་འཇིགས་པ་ཆེན་པོ་ལྟར།།གང་ལ་བསྟེན་ནས་ཡུད་ཀྱིས་གྲོལ་འགྱུར་ན།།དེ་ལ་བག་ཅན་རྣམས་ཀྱིས་ཅིས་མི་བསྟེན།།དེས་ནི་དུས་མཐའི་མེ་བཞིན་སྡིག་ཆེན་རྣམས།།སྐད་ཅིག་གཅིག་གིས་ངེས་པར་སྲེག་པར་འགྱུར།།ཞེས་གསུངས།

在這裡,所依對治力就是指,將金剛薩埵作爲皈依境,具足願菩提心與行菩提心。在別的場合也有其他懺罪的所依對境,比如在《三聚經》中的三十五佛或者善知識、佛像、佛經、佛塔等前進行懺悔都屬於所依對治力。此外,髮願行菩提心在一切懺罪當中都是必不可少的。如果沒有髮菩提心,即使具足四種對治力來懺悔墮罪,也隻能稍稍減輕而不能達到徹底清淨的效果。如果相續中生起了無偽菩提心,那麼往昔造了多少罪業都會自然而然清淨,如《入行論》雲:“如人雖犯極重罪,然依勇士得除畏,若有速令解脫者,畏罪之人何不依。菩提心如末劫火,剎那能毀諸重罪。”


གཉིས་པ་ཉེས་བྱས་སུན་འབྱིན་གྱི་སྟོབས་ནི།

戊二、厭患對治力:


སྔར་བྱས་ཀྱི་སྡིག་པ་མི་དགེ་བའི་ལས་ཐམས་ཅད་ལ་འགྱོད་སེམས་བྱེད་པ་དེ་ཡིན།དེ་ལྟར་སྡིག་པ་ལ་སྡིག་ཏུ་མཐོང་ཞིང་།དེ་ལ་འགྱོད་སེམས་དྲག་པོའི་སྒོ་ནས་མི་འཆབ་པར་བཤགས་པ་མེད་ན་མི་འདག་སྟེ།ཕུང་པོ་གསུམ་པ་ལས་ཀྱང་།མཐོལ་ལོ་བཤགས་སོ།།མི་འཆབ་པོ།།མི་སྦེད་དོ།།ཞེས་གསུངས།དེ་བཞིན་དུ་མཁས་གྲུབ་ཀརྨ་ཆགས་མེད་ཀྱིས་ཀྱང་།འགྱོད་པ་མེད་ན་བཤགས་པས་མི་འདག་པས།།སྔར་བྱས་སྡིག་པ་ཁོག་ཏུ་དུག་སོང་ལྟར།།ངོ་ཚ་འཇིགས་སྐྲག་འགྱོད་པ་ཆེན་པོས་བཤགས།།ཞེས་གསུངས།

所謂的厭患對治力,就是説對於以往自己所造的一切罪業生起後悔之心。如果既沒有將罪業視爲罪業也沒有以強烈的追悔心進行髮露懺悔,顯然不能得以清淨。如《三聚經》中雲:“髮露懺悔,不覆不藏。”此外大成就者噶瑪喬美仁波切也説:“若無悔心懺不淨,往昔罪業如服毒,當以大慚畏悔懺。”


གསུམ་པ་སྡོམ་པའི་སྟོབས་ནི།

戊三、返回對治力:


རང་གིས་སྔར་བྱས་པའི་སྡིག་པའི་ལས་དེ་ཉིད་དྲན་ཏེ།ད་ཉི་མ་ཕྱིན་ཆད་སྲོག་དམར་པོ་འདི་ལ་བབ་ཀྱང་།དེ་ལྟ་བུའི་སྡིག་པའི་ལས་མི་བགྱིད་དོ་སྙམ་པ་དེ་ཡིན།ཕུང་པོ་གསུམ་པ་ལས་ཀྱང་།སླན་ཆད་ཀྱང་གཅོད་ཅིང་སྡོམ་པར་བགྱིའོ།།ཞེས་གསུངས་པ་དང་།དེ་བཞིན་དུ་བདེ་སྨོན་ལས་ཀྱང་།ཕྱིན་ཆད་སྡོམ་སེམས་མེད་ན་མི་དག་པས།།ཕྱིན་ཆད་སྲོག་ལ་བབ་ཀྱང་མི་དགེའི་ལས།།ད་ནས་མི་བགྱི་སེམས་ལ་དམ་བཅའ་བཟུང་།།ཞེས་གསུངས།

返回對治力是指回想起自己往昔所造的罪業後髮誓從即日起縱然遇到生命危險也決不再造這樣的罪業。如《三聚經》中説:“從今以後,必斷嚴戒。”《極樂願文》中也説:“若無戒心不淨故,髮誓今後遇命難,亦不造諸不善業。”


བཞི་པ་གཉེན་པོ་ཀུན་ཏུ་སྤྱོད་པའི་སྟོབས་ནི།

戊四、現行對治力:


སྔར་བྱས་ཀྱི་སྡིག་པའི་གཉེན་པོར་དགེ་བའི་ལས་གང་འགྲུབ་སྒྲུབ་པ་དང་།ཁྱད་པར་རྒྱལ་བ་སྲས་དང་བཅས་པ་ལ་ཕྱག་འཚལ་བ།གཞན་གྱི་བསོད་ནམས་ལ་རྗེས་སུ་ཡི་རང་བ།དགེ་བའི་རྩ་བ་བྱང་ཆུབ་ཏུ་བསྔོ་བ།སྨོན་པ་དང་འཇུག་པའི་བྱང་ཆུབ་ཏུ་སེམས་བསྐྱེད་པ།གནས་ལུགས་མ་བཅོས་པའི་ངོ་བོ་སྐྱོང་བ་སོགས་ཡིན་ཏེ།

現行對治力,是指儘心儘力奉行對治往昔所造罪噁的善業。尤其是頂禮佛及佛子、隨喜他人福德、一切善根回向菩提、髮願行菩提心、護持無偽實相之本體等等,這些都屬於現行對治力。


སྔོན་མཉམ་མེད་དྭགས་པོ་རིན་པོ་ཆེའི་སློབ་མ་སྒོམ་པ་ཞིག་གིས།སྔར་གསུང་རབ་ཀྱི་བླུས་ཟོས་པ་དྲན་ནས་འགྱོད་དེ་ཞུས་པས།གསུང་རབ་དེ་ཉིད་བཞེངས་ཤིག་གསུངས།གསུང་རབ་དེ་བཞེངས་པར་བརྩམས་པས་རྣམ་གཡེང་མང་དུ་བྱུང་།དེས་སུན་ནས་སྐུ་མདུན་དུ་ཕྱིན་ཏེ།གསུང་རབ་བཞེངས་པ་ལ་ཡང་རྣམ་གཡེངས་མང་པོ་རང་བྱུང་།སྡིག་པ་བཤགས་པ་ལ་ཡང་ངོ་བོ་སྐྱོང་བ་རང་ལས་ཟབ་པ་མེད་དམ་ཞུས་པས།དྭགས་པོ་རིན་པོ་ཆེ་དགྱེས་ཏེ།དོན་དུ་དེ་ག་རང་ཡིན།སྔར་བྱས་པའི་སྡིག་པའི་ཕུང་པོ་རི་རབ་ཙམ་ཡོད་ཀྱང་།ངོ་བོ་མཐོང་བའི་སྐད་ཅིག་ལ་འདག་པ་ཡིན་གསུངས།

從前,無等塔波仁波切的一個修行弟子向他請教:“我往昔以販賣佛經維生,如今想起真是追悔莫及,請問上師,我該如何進行懺悔呢?”仁波切説:“就造那些經典吧!”於是那個人着手造經典,結果經常心思外散。他又懷着十分沮喪的心情前去上師麵前匯報説:“造經典時我心思也是經常散亂,對於懺悔罪業來説,恐怕沒有比護持本性更甚深的吧?”上師異常歡喜地説:“實際上就是如此,縱然往昔所造的罪業積如山王,也能在現見本性的瞬間得以清淨。”


དེས་ན་སྡིག་པ་སྦྱོང་བ་ལ་བྱང་ཆུབ་ཀྱི་སེམས་སྒོམ་པ་དང་གནས་ལུགས་མ་བཅོས་པའི་རྒྱུན་སྐྱོང་བ་གཉིས་ལས་ཟབ་པ་མེད་པས་འདིར་ཡང་དེ་གཉིས་དང་མ་བྲལ་བའི་སྒོ་ནས་རྡོ་རྗེ་སེམས་དཔའ་བསྒོམས་ཏེ་བདུད་རྩི་འབེབས་སྦྱོང་བྱེད་པ་དང་།ཡིག་བརྒྱ་བཟླ་བ་སོགས་ཡིན།

因此,淨除罪業的方法沒有比修菩提心以及恆時護持無偽的實相更爲甚深的了。在這裡,也要在不離開這二者的基礎上,觀修金剛薩埵、降下甘露、淨除罪障、唸誦百字明等等。


དེ་ལྟར་གཉེན་པོ་སྟོབས་བཞིའི་དག་པ་དྲན་པའི་ངང་ནས།རྡོར་སེམས་སྒོམ་བཟླས་བྱེད་པ་དངོས་ནི།རང་ཉིད་ཐ་མལ་དུ་གནས་པའི་སྤྱི་བོར་མདའ་གང་ཙམ་གྱི་སྟེང་གི་ནམ་མཁར་པདྨ་དཀར་པོ་འདབ་མ་སྟོང་བརྡལ་ཞིག་བསྒོམ།དེའི་སྟེང་དུ་ཟླ་བའི་དཀྱིལ་འཁོར་ཉ་གང་བ་ཞིག་བསྒོམ།ཉ་གང་ཟེར་བ་དེ་ཆེ་ཆུང་གི་ཚད་མ་ཡིན་གྱི།ཟླ་བའི་ཆ་ཤས་ཐམས་ཅད་ཁ་གང་བའི་ཚེས་བཅོ་ལྔའི་ཟླ་བ་ལྟ་བུ་ཕྱོགས་ཐམས་ཅད་ལ་ཡ་ཡོ་འཁྱག་འཁྱོག་མེད་པར་ཀྱི་ལེར་ཡོད་པའི་དོན་ཡིན།དེའི་སྟེང་དུ་ཧཱུྃ་ཡིག་དཀར་པོ་འོད་ཟེར་བཀྲག་མདངས་དང་ལྡན་པ་གཅིག་སྒོམ།གཞན་མའི་ལུགས་ལ་ཧཱུྃ་ཡིག་དེ་ལས་འོད་ཟེར་སྤྲོ་བསྡུ་སོགས་ཡོད་ཀྱང་རང་ལུགས་ལ་མེད།དེ་ནས་སྐད་ཅིག་གིས་ཧཱུྃ་ཡིག་དེ་ཉིད་གནས་འགྱུར་ནས།ངོ་བོ་དུས་གསུམ་སངས་རྒྱས་ཐམས་ཅད་འདུས་པའི་ངོ་བོ་མཚུངས་མེད་་ཐུགས་རྗེའི་གཏེར་མཛོད་དཔལ་ལྡན་རྩ་བའི་བླ་མ་ཡིན་པ་ལ།རྣམ་པ་ལོངས་སྤྱོད་རྫོགས་པའི་སྐུ་སྟོན་པ་རྡོ་རྗེ་སེམས་དཔའ་སྐུ་མདོག་དཀར་པོ་གངས་རིའི་ཕུང་པོ་ལ་ཉི་མ་འབུམ་གྱིས་འཁྱུད་པ་ལྟ་བུ།ཞལ་གཅིག་ཕྱག་གཉིས་ཕྱག་གཡས་རིག་སྟོང་གི་རྡོ་རྗེ་རྩེ་ལྔ་པ་ཐུགས་ཀར་གཏོད་པའི་ཚུལ་གྱིས་འཛིན་པ།གཡོན་སྣང་སྟོང་གི་དྲིལ་བུ་དཀུ་ལ་བརྟེན་པ།ཞབས་གཉིས་རྡོ་རྗེའི་སྐྱིལ་མོ་ཀྲུང་གིས་བཞུགས་པ།སྐུ་ལ་ལོངས་སྤྱོད་རྫོགས་པའི་རྒྱན་ཆས་བཅུ་གསུམ་གྱིས་སྤྲས་པ།དེ་ཡང་དར་གྱི་ཆས་གོས་ལྔ་དང་།རིན་པོ་ཆེའི་རྒྱན་བརྒྱད་ལས།དང་པོ་དར་གྱི་ཆས་གོས་ལྔ་ནི།ཅོད་པན་དང་གཅིག།སྟོད་གཡོགས་དང་གཉིས།དར་དཔྱངས་དང་གསུམ།སྐུ་རེགས་དང་བཞི།སྨད་དཀྲིས་དང་ལྔའོ།།རིན་པོ་ཆེའི་རྒྱན་བརྒྱད་ནི།དབུ་རྒྱན་དང་གཅིག།སྙན་རྒྱན་གཡས་གཡོན་གཉིས་གཅིག་ཏུ་བརྩིས་པ་དང་གཉིས།མགུལ་རྒྱན་དང་གསུམ།དཔུང་རྒྱན་གཉིས་གཅིག་ཏུ་བརྩིས་པ་དང་བཞི།དོ་ཤལ་དང་སེ་མོ་དོ་གཉིས་གཅིག་ཏུ་བརྩིས་པས་ལྔ།ཕྱག་གདུབ་གཉིས་གཅིག་ཏུ་བརྩིས་པས་དྲུག།སོར་གདུབ་རྣམས་གཅིག་ཏུ་བརྩིས་པས་བདུན།ཞབས་གདུབ་གཉིས་གཅིག་ཏུ་བརྩིས་པས་བརྒྱད་དོ།།ཡུམ་སྙེམས་མ་དཀར་མོ་དང་གཉིས་མེད་དུ་འཁྲིལ་བ།སྐུ་སྣང་ལ་རང་བཞིན་མ་གྲུབ་པ་སྣང་སྟོང་ཆུ་ཟླ་ལྟ་བུའམ།མེ་ལོང་དུ་གཟུགས་བརྙན་ཤར་བ་ལྟ་བུ་བཀྲ་ལམ་མེ་ཡོད་པ།རང་གི་སྤྱི་བོར་རང་གི་ཁ་ལྟ་ཕྱོགས་སུ་ཞལ་གྱུ་ནས་བཞུགས་ཡོད་པ་དེ་ལྟ་བུ་ཞིག་བསྒོམ་པ་དེ་རྟེན་གྱི་སྟོབས་ཡིན།དེ་ནས་དེ་ལྟར་གསལ་བཏབ་པ་དེ་ཡང་ཐང་སྐུ་དང་གྱང་སྐུ་ལྟ་བུའི་ལེབས་ལ་བཅར་བཅར་པོ་ཡང་མ་ཡིན།ས་སྐུ་དང་གསེར་སྐུ་ལྟ་བུའི་དངོས་པོ་གདོས་བཅས་ཀྱི་རང་བཞིན་སེམས་མེད་བེམས་པོའི་རྣམ་པ་ལྟ་བུའང་མ་ཡིན།སྣང་ཆ་ནས་སྤྱན་གྱི་དཀར་ནག་ཚུན་ཆད་མ་འདྲེས་པར་གསལ་བ་ལ།སྟོང་ཆ་ནས་དངོས་པོ་གདོས་བཅས་ཤ་ཁྲག་ནང་ཁྲོལ་ལ་སོགས་པའི་རྣམ་པར་གྲུབ་པ་སྤུ་ཙམ་ཡང་མེད་པ།ནམ་མཁར་འཇའ་ཚོན་ཤར་བའམ།ཤེལ་བུམ་དྲི་མ་མེད་པ་ལྟ་བུ།

丁三、真實唸修金剛薩埵:


在憶唸四對治力之後,進入真正唸修金剛薩埵的階段,首先自己平平常常地安住下來,在頭頂上方一箭左右的虛空中觀想一朵千瓣白蓮花,它的上麵有一輪圓月。所謂的“圓”並不是指它大小的尺度,而是指明月的所有部分完整無缺,就像十五的月亮一樣毫無彎彎曲曲而是圓溜溜的意思。接下來再觀想月輪上有一個光閃閃的白色吽字。雖然其他宗派有觀想從“吽”字放光、收光等步驟,但(寧提派)自宗並沒有這種觀想。然後觀想一瞬間“吽”字就變成了本體爲三世諸佛的總集、無等大悲寶藏具德根本上師,形象是報身的本師金剛薩埵主尊,他的身色潔白宛如十萬個太陽照耀在雪山上一般,一麵二臂,右手在胸前握持表示明空的五股金剛杵,左手依於腰際部位握着代表現空的金剛鈴,雙足金剛跏趺坐,身上以十三種報身服飾莊嚴。十三種報身服飾也就是綾羅五衣與珍寶八飾。其中的綾羅五衣:是指冕旒、肩披、飄帶、腰帶、裙子;珍寶八飾:頭飾、耳環(左右二者算爲一個)、項鏈、臂釧(左右二者算爲一個)、瓔珞、手鐲(左右二者算爲一個)、指環(所有的指環算爲一個)、足鐲(左右二者算爲一個)。金剛薩埵與白慢佛母無二雙運,身體現而無自性,現空猶如水月或鏡中現影像一般了了分明。觀想自己頭頂上的聖尊麵向與自己麵向相同,以上是所依對治力。這種明觀既不是觀想成唐卡或壁畫一樣扁平的,也不是觀成土像、金像那樣實質物體自性或無情物的形體一般。從顯現的角度而言,包括主尊的雙目黑白顏色在內都要互不混雜地觀想得清清楚楚;從空性的側麵來説,沒有一絲一毫實質身軀的血肉內髒等等,就像空中顯現彩虹或無垢水晶寶瓶一樣。


དྲིན་ཆེན་རྩ་བའི་བླ་མ་དང་མགོན་པོ་རྡོ་རྗེ་སེམས་དཔའ་གཉིས་སུ་མེད་པའི་རང་བཞིན་ཐུགས་ཡེ་ཤེས་ཀྱི་མཁྱེན་ཆ་དང་བཅས་པས།བདག་དང་སེམས་ཅན་ཐམས་ཅད་ལ་ཐུགས་བརྩེ་བ་ཆེན་པོས་རྗེས་སུ་དགོངས་ཏེ་བཞུགས་པའི་སྤྱན་སྔར།རང་གི་ཚེ་རབས་འཁོར་བ་ཐོག་མ་མེད་པ་ནས་བཟུང་སྟེ་དུས་ད་ལྟ་ལ་ཐུག་གི་་བར་དུ།ལུས་ངག་ཡིད་གསུམ་གྱི་སྒོ་ནས་སྡིག་པ་མི་དགེ་བ་བཅུ།མཚམས་མེད་པ་ལྔ།ལྕི་བ་བཞི།ལོག་པ་བརྒྱད།ཕྱི་སོ་སོར་ཐར་པའི་སྡོམ་པ་དང་འགལ་བ།ནང་བྱང་ཆུབ་སེམས་དཔའི་བསླབ་བྱ་དང་འགལ་བ།གསང་བ་རིག་འཛིན་སྔགས་ཀྱི་དམ་ཚིག་དང་འགལ་བ།འཇིག་རྟེན་པའི་མནའ་ཟོས་པ།རྫུན་བཤད་པ།ཁྲེལ་དང་ངོ་ཚ་ཉམས་པ་ལ་སོགས་སྡིག་པའི་ལས་བསགས་ཚད་དངོས་སུ་དྲན་པ་ཐམས་ཅད་བློ་ལ་བླངས་ཏེ།བླ་མ་རྡོ་རྗེ་སེམས་དཔའི་སྤྱན་སྔར་རང་ཉིད་ངོ་ཚ་འཇིགས་སྐྲག་འགྱོད་པ་དང་བཅས་པས་ཤ་ཟིང་སྤུ་ཟིང་བྱེད་ཅིང་མཐོལ་ལོ་བཤགས་སོ་སྙམ་པ་དང་།དེ་བཞིན་དུ་རང་གི་ཡིད་ལ་མི་དྲན་པའང་ཚེ་རབས་འཁོར་བ་ཐོག་མ་མེད་པའི་དུས་ཚུན་ཆད་ནས་བསགས་པ་དུ་མ་ཞིག་ཡོད་ངེས་པས།དེ་དག་ཐམས་ཅད་མི་འཆབ་བོ།།མི་སྦེད་དོ།།མཐོལ་ལོ་བཤགས་སོ།།བཟོད་པར་གསོལ་ལོ།།སྡིག་པ་དང་སྒྲིབ་པ་དེ་དག་ཐམས་ཅད་དུས་ད་ལྟ་ཉིད་དུ།མྱུར་བ་ཉིད་དུ།འདུག་ས་འདི་རུ་ལྷག་མ་ཙམ་ཡང་མེད་པར་བྱང་ཞིང་དག་པ་ཞིག་ཐུགས་རྗེ་མ་ཆུང་སྙམ་པ་ནི་སུན་འབྱིན་པའི་སྟོབས།

這樣明觀以後,自己誠心憶唸:與大恩根本上師無二無別的怙主金剛薩埵,您以大慈大悲垂唸我與一切衆生,我自己從無始以來迄今爲止,身語意所造的十不善業、五無間罪、四重罪、八邪罪,違犯外別解脫的律儀、內菩薩乘的學處以及持明密乘三昧耶戒,背棄世間的盟誓、説妄語、無慚無愧等等凡是能直接回憶起來的一切罪業在上師金剛薩埵麵前,滿懷慚愧、畏懼、追悔之情以緻於心驚肉跳、毛骨悚然,髮露懺悔,此外自己想不起來的,在無始流轉輪回的生生世世中肯定也積累了許多罪業,這一切罪業在此不覆不藏一並髮露懺悔,請求寬恕,但願這所有罪障就在此時此地急快盪然無存全部清淨,以上觀想是厭患對治力。


སྔོན་ཆད་ནི་བདག་མི་ཤེས་རྨོངས་པའི་དབང་གིས་སྡིག་པ་དང་མི་དགེ་བའི་ལས་དེ་དག་བསགས་པ་ལགས་ཀྱི།ད་ནི་དྲིན་ཆེན་གྱི་བླ་མའི་ཐུགས་རྗེ་ལ་བརྟེན་ནས་ཁེ་ཉེན་ཤེས་པའི་རང་བཞིན་ཅན་ཡིན་པས།ད་ཕྱིན་ཆད་ནི་སྲོག་ལ་བབ་ཀྱང་སྡིག་པའི་ལས་དེ་ལྟ་བུ་མི་བགྱིད་དོ།།སྙམ་པ་ནི་སྡོམ་པའི་སྟོབས་ཏེ།དེ་ལྟ་བུའི་དག་པ་དྲན་པའི་ངང་ནས།ཨཱཿབདག་ཉིད་ཐ་མལ་སྤྱི་བོ་རུ།།སོགས་ནས།མ་ལུས་བྱང་བར་མཛད་དུ་གསོལ།།ཞེས་བརྗོད།

心裡默想:我以往因爲愚昧無知而造下了那些罪業,如今依靠大恩上師的慈悲而變成了懂得利害的人,從今以後,即使遇到生命危險也決不造那樣的罪業,這是返回對治力。




接着唸誦(寧提前行儀軌):


ཨཱཿ

啊啊


བདག་ཉིད་ཐ་མལ་སྤྱི་བོ་རུཿ

大涅踏瑪謝喔熱 於我庸俗頭頂上


པད་དཀར་ཟླ་བའི་གདན་གྱི་དབུསཿ

班嗄達哦旦戒爲 白蓮月墊之中央


ཧཱུྃ་ལས་བླ་མ་རྡོ་རྗེ་སེམསཿ

吽累喇嘛多吉塞 吽成金剛薩埵師


དཀར་གསལ་ལོངས་སྤྱོད་རྫོགས་པའི་སྐུཿ

嘎薩龍秀湊波革 皎潔受用圓滿身


རྡོ་རྗེ་དྲིལ་འཛིན་སྙེམས་མ་འཁྲིལཿ

多吉這怎尼瑪徹 雙運慢母持鈴杵


ཁྱོད་ལ་སྐྱབས་གསོལ་སྡིག་པ་སྦྱོངཿ

秋拉加索的巴炯 祈淨罪障皈依您


འགྱོད་སེམས་དྲག་པོས་མཐོལ་ལོ་བཤགསཿ

救塞紥佈透漏夏 以猛悔心髮露懺


ཕྱིན་ཆད་སྲོག་ལ་བབ་ཀྱང་སྡོམཿ

辛恰晝拉瓦江鬥 後遇命難亦戒犯


ཁྱོད་ཐུགས་ཟླ་བ་རྒྱས་པའི་སྟེང་ཿ

秋特達瓦記波盪 於您心間明月上


ཧཱུྃ་ཡིག་མཐའ་མར་སྔགས་ཀྱིས་བསྐོརཿ

吽葉踏瑪鄂記夠 吽字週圍咒繞旋


བཟླས་པ་སྔགས་ཀྱིས་རྒྱུད་བསྐུལ་བསཿ

得巴鄂記傑革爲 誦咒打動相續故


ཡབ་ཡུམ་བདེ་རོལ་སྦྱོར་མཚམས་ནསཿ

呀葉德則救擦內 父母雙運交界處


བདུད་རྩི་བྱང་ཆུབ་སེམས་ཀྱི་སྤྲིནཿ

德則相切塞戒珍 菩提甘露如雲湧


ག་བུར་རྡུལ་ལྟར་འཛག་པ་ཡིསཿ

嘎哦德達匝巴意 降下白如冰片汁


བདག་དང་ཁམས་གསུམ་སེམས་ཅན་གྱིཿ

大盪卡色塞堅戒 我與三界衆有情


ལས་དང་ཉོན་མོངས་སྡུག་བསྔལ་རྒྱུཿ

累盪拗夢德愛傑 業及煩惱痛苦因


ནད་གདོན་སྡིག་སྒྲིབ་ཉེས་ལྟུང་གྲིབཿ

那敦的這尼洞這 病魔罪障煞氣垢


མ་ལུས་བྱང་བར་མཛད་དུ་གསོལཿ

瑪利相瓦匝德索 無餘清淨祈加持


དེ་ནས་རྡོར་སེམས་ཡབ་ཡུམ་གཉིས་སུ་མེད་པའི་ཐུགས་ཀར་ཟླ་བའི་དཀྱིལ་འཁོར་ཡུངས་ཀར་སླེབས་པ་ཙམ་གྱི་སྟེང་དུ་ཧཱུྃ་ཡིག་དཀར་པོ་སྤུས་བྲིས་པ་ལྟ་བུ་ཞིག་གསལ་ལ།ཨོཾ་བཛྲ་ས་ཏྭ་ས་མ་ཡ་སོགས།ཡི་གེ་བརྒྱ་པ་ཚར་གཅིག་བརྗོད་པས།

丁四、唸修百字明:


隨後於金剛薩埵佛父佛母無二無別的心間觀想一輪明月,大小就像壓扁的芥子,月輪的上麵有一個白色吽字,宛如毛髮冩成的一樣,一邊這樣觀想一邊唸誦一遍百字明:


ཨོཾ་བཛྲ་ས་ཏྭ་ས་མ་ཡ།མ་ནུ་པ་ལ་ཡ།བཛྲ་ས་ཏྭ་ཏྭེ་ནོ་པ།ཏིཥྟ་དྲྀ་ཌྷོ་མེ་བྷ་ཝ།སུ་ཏོཥྱོ་མེ་བྷ་ཝ།སུ་པོཥྱོ་མེ་བྷ་ཝ།ཨ་ནུ་རཀྟོ་མེ་བྷ་ཝ།སརྦ་སིདྡྷི་མྨེ་པྲ་ཡ་ཙྪ།སརྦ་ཀརྨ་སུ་ཙ་མེ།ཙིཏྟཾ་ཤྲི་ཡཾཿཀུ་རུ་ཧཱུྃ།ཧ་ཧ་ཧ་ཧ་ཧོཿབྷ་ག་ཝཱན་སརྦ་ཏ་ཐཱ་ག་ཏ།བཛྲ་མ་མེ་མུཉྩ།བཛྲི་བྷཱ་ཝ།མ་ཧཱ་ས་མ་ཡ་ས་ཏྭ་ཨཱཿ

嗡班紥薩埵薩瑪雅、嘛努巴拉雅、班紥薩埵底諾巴底叉、知桌美巴哇、蘇埵卡約美巴哇、蘇波卡約美巴哇、阿努日阿埵美巴哇、薩哇斯德瑪美紥雅叉、薩哇嘎嘛色匝美則當、協央格熱吽、哈哈哈哈吙、班嘎哇納、薩哇達他嘎達、班紥嘛麥母雜、班紥巴哇、嘛哈薩瑪雅薩埵啊。


ཧཱུྃ་གི་མཐའ་སྐོར་དུ་ཡི་གེ་བརྒྱ་པོ་རྭ་ལངས་པ་ལྟ་བུ་གཅིག་ལ་གཅིག་མ་རེག་ཙམ་དུ་བསྐོར་བར་བསམ།དེ་ནས་རང་གི་ངག་ནས་ཡི་གེ་བརྒྱ་པ་གསོལ་འདེབས་ཀྱི་ཚུལ་དུ་བཟླས་པས།ཡིག་འབྲུ་རྣམས་ལས་ཐུགས་རྗེ་ཡེ་ཤེས་ཀྱི་བདུད་རྩི་འཁྱགས་རོམ་མེས་ཞུ་བ་ལས་ཆུ་འཐིགས་པ་ལྟར།ཐིག་ཐིག་ཧྲམ་ཧྲམ་དུ་བབས་པ།སྐུའི་དབྱིབས་བརྒྱུད་ཡབ་ཡུམ་སྙོམས་པར་ཞུགས་པའི་སྦྱོར་མཚམས་ནས་ཐོན་རང་གཞན་སེམས་ཅན་ཐམས་ཅད་ཀྱི་སྤྱི་བོ་ནས་ཞུགས།ལུས་ཀྱི་ནང་གི་ནད་ཐམས་ཅད་ཁྲག་རུལ་རྣག་རུལ།གདོན་ཐམས་ཅད་སྲོག་ཆགས་སྡོམ་སྡིག་པ་སྦལ་པ་ཉ་སྦྲུལ་ལྕོང་མོ་ཤིག་ལ་སོགས་པའི་རྣམ་པ།སྡིག་སྒྲིབ་ཐམས་ཅད་དུད་ཁུ་སོལ་ཁུ་ཐལ་དུད་སྤྲིན་པ་རླངས་པའི་རྣམ་པར་ཆུ་སྣ་རྒྱུག་པས་ས་རྡུལ་དེད་པ་ལྟར་བདུད་རྩིའི་རྒྱུན་གྱིས་ཐོགས་པ་མེད་པར་དེད་དེ་རྐང་མཐིལ་འོག་སྒོ་བ་སྤུའི་བུ་ག་རྣམས་ནས་ནག་ཉིལ་གྱིས་ཕྱིར་ཐོན།རང་གི་འོག་ཏུ་ས་གས་པའི་མར་ཞབས་ན།འཆི་བདག་ལས་ཀྱི་གཤིན་རྗེ་ལ་འཁོར་ལན་ཆགས་བུ་ལོན་ཤ་མཁོན་གྱི་བདག་པོ་བདག་མོ་ཐམས་ཅད་ཀྱིས་བསྐོར་ཏེ་ཁ་ལག་སྦར་གསུམ་ཟེད་ནས་ཡོད་པའི་ནང་དུ་སོང་བར་བསམས་ལ་ཡིག་བརྒྱ་བཟླ།དེ་ཡང་དམིགས་པ་ཐམས་ཅད་གཅིག་ཆར་དུ་གསལ་ནུས་ན་དེ་ལྟར་བྱ།དེ་ལྟར་མི་ནུས་ན་རེས་འགའ་རྡོ་རྗེ་སེམས་དཔའི་སྐུ་ཞལ་ཕྱག་སོགས་ལ་དམིགས་པ་གཏད་དེ་བཟླ།རེས་འགའ་རྒྱན་ཆ་ལུགས་ལ་དམིགས་པ་གཏད་དེ་བཟླ།རེས་འགའ་བདུད་རྩིའི་རྒྱུན་གྱིས་ནད་གདོན་སྡིག་སྒྲིབ་བཀྲུ་བ་ལ་དམིགས་པ་གཏད་དེ་བཟླ།རེས་འགའ་འགྱོད་པ་དང་སྡོམ་སེམས་དྲན་པར་བྱས་ཏེ་བཟླ།དེ་ནས་མཐར་ས་འོག་ན་འཁོད་པའི་འཆི་བདག་ལས་ཀྱི་གཤིན་རྗེ་ལ་སོགས་ལན་ཆགས་བུ་ལོན་ཤ་མཁོན་གྱི་བདག་པོ་རྣམས་ཀྱང་ངོམས་ཤིང་ཚིམ།ལན་ཆགས་འཁོར།བུ་ལོན་སོད།ཤ་མཁོན་བྱང་།སྡིག་སྒྲིབ་དག་གཤིན་རྗེ་དེའི་ཁ་ལག་སྦར་གསུམ་ཡང་ཟུམ།ས་གས་པ་ཡང་སོས།

觀想百字明好似豎立的獸角一般互不抵觸,旋繞着“吽”字。之後自己的口中以祈禱的方式唸誦百字明,觀想從所有的咒字中猶如寒冰被火融化形成水滴一樣源源不斷地降下智悲甘露,通過身體從佛父佛母雙運的密處流出,由經自他一切衆生的頭頂流入,使體內的所有疾病變成膿血,所有魔障變成蜘蛛、青蛙、魚、蛇、蝌蚪、蝨子等小含生的形象,所有罪障變成菸汁、炭汁、灰、菸、雲、氣的形態,這一切的一切猶如飛瀉的洪水衝走塵土一般全部被甘露流毫無阻礙地衝走,從足底、肛門、所有毛孔的部位黑乎乎地排出體外。這時再觀想自己下方的大地裂開,所有男女怨家債主圍繞着死主閻羅王,它們全都是張着口、伸着手、張着爪來盛接(上麵的膿血等全部衝到它們的口手爪中)。一邊這樣觀想一邊唸誦百字明。如果能一次性地明觀一切所緣境,就這樣來觀想。如果實在做不到這一點,那麼就時而專心緻誌觀想金剛薩埵的身體、顏麵、手臂等來唸誦;時而全神貫注地觀想主尊的服飾來唸誦;時而觀想甘露流洗滌魔障、罪障而專心唸誦;時而以悔前戒後的心理來唸誦。最後觀想居於地下的死主閻王等所有怨家債主全部心滿意足,至此已經化解了宿怨、償清了業債、清淨了罪障。閻羅王等也都閉上了它們的口、手、爪,裂開的大地又恢複到原狀。


རང་གི་ལུས་འདི་ཡང་ཕྱི་གསལ་ནང་གསལ་འོད་ཀྱི་རང་བཞིན་དུ་ཡོད་པའི་ལུས་དབུས་སུ་རྩ་དབུ་མ་དང་།དེ་ལས་གྱེས་པའི་འཁོར་ལོ་བཞི་པོ་གདུགས་ཀྱི་རྩིབས་མ་ལྟ་བུ།ལྟེ་བ་སྤྲུལ་པའི་འཁོར་ལོ་རྩ་འདབ་དྲུག་ཅུ་རྩ་བཞི་ཁ་ཡར་གྱུ་བ།སྙིང་ག་ཆོས་ཀྱི་འཁོར་ལོ་རྩ་འདབ་བརྒྱད་ཁ་མར་གྱུ་བ།མགྲིན་པ་ལོངས་སྤྱོད་ཀྱི་འཁོར་ལོ་རྩ་འདབ་བཅུ་དྲུག་ཁ་ཡར་གྱུ་བ།སྤྱི་བོར་བདེ་ཆེན་གྱི་འཁོར་ལོ་རྩ་འདབ་སུམ་ཅུ་རྩ་གཉིས་ཁ་མར་གྱུ་བ་དེ་ལྟར་གསལ་གདབ།སླར་ཡང་བདུད་རྩིའི་རྒྱུན་སྔར་ལྟར་བབ་པས།རང་གི་ལུས་སྤྱི་བོ་བདེ་ཆེན་གྱི་འཁོར་ལོ་ནས་བཟུང་སྟེ་རྩ་འཁོར་ལོ་བཞི་པོ་ཐམས་ཅད་དང་།དེ་ལས་གྱེས་པའི་ལུས་ཀྱི་ནང་ཐམས་ཅད་རྐང་ལག་གི་སོར་མོའི་རྩེ་ཚུན་ཆད།ཤེལ་བུམ་འོ་མས་གང་བ་ལྟར་བདུད་རྩིའི་རྒྱུན་གྱིས་སྐྱ་ལྟེམ་མེ་གང་།བུམ་དབང་།གསང་དབང་།ཤེར་དབང་།ཚིག་དབང་རིན་པོ་ཆེ་སྟེ་དབང་བཞི་ཐོབ།ལས་ཀྱི་སྒྲིབ་པ།ཉོན་མོངས་པའི་སྒྲིབ་པ།ཤེས་བྱའི་སྒྲིབ་པ།བག་ཆགས་ཀྱི་སྒྲིབ་པ་སྟེ་སྒྲིབ་པ་བཞི་དག།དགའ་བ།མཆོག་དགའ།ཁྱད་པར་གྱི་དགའ་བ།ལྷན་ཅིག་སྐྱེས་པའི་དགའ་བ་སྟེ་དགའ་བ་བཞིའི་ཡེ་ཤེས་རྒྱུད་ལ་སྐྱེས།སྤྲུལ་སྐུ།ལོངས་སྐུ།ཆོས་སྐུ།ངོ་བོ་ཉིད་སྐུ་སྟེ་སྐུ་བཞིའི་གོ་འཕང་རྒྱུད་ལ་བཞག་པར་བསམ།དེ་ནས།མགོན་པོ་བདག་ནི་མི་ཤེས་རྨོངས་པ་ཡིས།།སོགས་ནས།བྱང་ཞིང་དག་པར་མཛད་དུ་གསོལ།།

接下來觀想自己的身體是內外透明光的自性,身體中央有一個中脈,它分出的四輪形如傘輻,臍部幻化輪有六十四個脈瓣,瓣端朝上;心間法輪有八個脈瓣,瓣端朝下;喉間受用輪有十六個脈瓣,瓣端朝上;頭頂大樂輪有三十二個脈瓣,瓣端朝下,這些脈瓣也都如前一樣降下甘露,從自身頭頂大樂輪開始直到四脈輪以及由它們分出的體內一切部分,包括手足的指尖在內全部像水晶瓶裡裝滿乳汁一樣盈盈充滿白色的甘露,自他一切衆生由此獲得了寶瓶、秘密、智慧、句義四種灌頂,清淨了業障、煩惱障、所知障、習氣障四障,相續中生起了喜、殊喜、極喜、俱生喜四喜智慧,現前了化身、報身、法身、自性身四身果位。



接着唸誦:


མགོན་པོ་བདག་ནི་མི་ཤེས་རྨོངས་པ་ཡིཿ

滾波大訥莫西夢巴意

怙主我以愚昧無知故


དམ་ཚིག་ལས་ནི་འགལ་ཞིང་ཉམསཿ

大策累訥嘎揚年

於三昧耶有失犯


བླ་མ་མགོན་པོས་སྐྱབས་མཛོད་ཅིགཿ

喇嘛滾佈加湊戒

上師怙主予救護


གཙོ་བོ་རྡོ་རྗེ་འཛིན་པ་སྟེཿ

湊喔多吉怎巴得

亦即主尊金剛持


ཐུགས་རྗེ་ཆེན་པོའི་བདག་ཉིད་ཅནཿ

特吉親波大涅堅

具足大悲體性者


འགྲོ་བའི་གཙོ་ལ་བདག་སྐྱབས་མཆིཿ

晝哦湊拉大加切

衆生主尊我皈依


སྐུ་གསུང་ཐུགས་རྩ་བ་དང་ཡན་ལག་གི་དམ་ཚིག་ཉམས་པ་ཐམས་ཅད་མཐོལ་ལོ་བཤགས་སོཿ

大盪思堅他加戒革頌特匝瓦盪菸拉各大

髮露懺悔身語意所失毀的一切根本支分


策年巴踏加透漏夏瘦的巴盪這巴尼洞

三昧耶,祈求賜予加持一切罪障、


這莫湊踏加向揚大巴匝德索

墮罪、垢染全部清淨。


ཞེས་གནོང་ཚིག་བརྗོད་མ་ཐག་ཏུ།བླ་མ་རྡོ་རྗེ་སེམས་དཔའ་དགྱེས་བཞིན་ཞལ་འཛུམ་པ་དང་བཅས་ཏེ།རིགས་ཀྱི་བུ་ཁྱོད་ཀྱི་སྡིག་སྒྲིབ་ཉམས་ཆགས་ཐམས་ཅད་དག་པ་ཡིན་ནོ།།ཞེས་གནང་བ་བྱིན་ཏེ་འོད་དུ་ཞུ་ནས་རང་ལ་ཐིམ་པའི་རྐྱེན་གྱིས་རང་ཉིད་སྔར་བསྐྱེད་པ་དང་འདྲ་བའི་རྡོ་རྗེ་སེམས་དཔར་གནས་འགྱུར།དེའི་ཐུགས་ཀར་ཟླ་བའི་དཀྱིལ་འཁོར་ཡུངས་འབྲུ་གླེབས་པ་ཙམ་གྱི་སྟེང་དུ།དབུས་སུ་ཧཱུྃ་མཐིང་ག།དེའི་མདུན་དུ་ཨོཾ་དཀར་པོ།གཡས་སུ་བཛྲ་སེར་པོ།རྒྱབ་ཏུ་ས་དམར་པོ།གཡོན་དུ་ཏྭ་ལྗང་གུ་རྣམས་གསལ་ནས།ཨོཾ་བཛྲ་སྟྭ་ཧཱུྃ།ཞེས་བཟླས་པ་དང་མཉམ་དུ་ཡིག་འབྲུ་ལྔ་པོ་ལས།འོད་ཟེར་ཁ་དོག་དཀར་སེར་དམར་ལྗང་མཐིང་ག་ལྔ་ཡར་འཕྲོས་པའི་རྩེ་ལ་སྒེག་སོགས་འདོད་ཡོན་གྱི་ལྷ་མོ་རྣམས་ཀྱི་ཕྱག་ན་བཀྲ་ཤིས་རྟགས་བརྒྱད།རྒྱལ་སྲིད་སྣ་བདུན།འཕན་གདུགས།རྒྱལ་མཚན།བླ་རེ།གསེར་གྱི་འཁོར་ལོ་རྩིབས་སྟོང་།དུང་དཀར་གཡས་སུ་འཁྱིལ་བ་ལ་སོགས་མཆོད་རྫས་དཔག་ཏུ་མེད་པ་སྤྲོས་ནས།ཕྱོགས་བཅུའི་ཞིང་ཁམས་རབ་འབྱམས་བསམ་གྱིས་མི་ཁྱབ་པ་ན་བཞུགས་པའི་རྒྱལ་བ་སྲས་དང་བཅས་པ་ཐམས་ཅད་ལ་ཐུགས་མཉེས་པའི་མཆོད་པ་ཕུལ།ཚོགས་རྫོགས་སྒྲིབ་པ་དག་ཐུགས་རྗེ་དང་བྱིན་རླབས་ཐམས་ཅད་འོད་ཟེར་ཁ་དོག་སྣ་ཚོགས་པའི་རྣམ་པར་བྱུང་ནས་རང་ལ་ཐིམ་པས།མཆོག་ཐུན་མོང་གི་དངོས་གྲུབ་ལམ་དང་འབྲེལ་བ་རིག་འཛིན་བཞི་དང་།མཐར་ཐུག་གི་འབྲས་བུ་མི་སློབ་ཟུང་འཇུག་གི་གོ་འཕང་མངོན་དུ་གྱུར་པར་བསམ་པ་དེ།རང་དོན་ཆོས་སྐུའི་རྟེན་འབྲེལ་བསྒྲིགས་པ་ཡིན།ཡང་ཡིག་འབྲུ་ལྔ་པོ་ལས་འོད་ཟེར་ཁ་དོག་སྣ་ཚོགས་བརྒྱ་སྟོང་གྲངས་མེད་པ་མར་འཕྲོས།ཁམས་གསུམ་རིགས་དྲུག་གི་སེམས་ཅན་ཐམས་ཅད་ལ་ཕོག།དེ་རྣམས་ཀྱི་རྒྱུད་ལ་ཡོད་པའི་སྡིག་སྒྲིབ་སྡུག་བསྔལ་བག་ཆགས་དང་བཅས་པ་ཐམས་ཅད་མུན་པར་ཉི་མ་ཤར་བ་ལྟར་སང་སང་དག།ཕྱི་སྣོད་ཀྱི་འཇིག་རྟེན་ཐམས་ཅད་མངོན་པར་དགའ་བའི་ཞིང་ཁམས་དང་།ནང་བཅུད་ཀྱི་སེམས་ཅན་ཐམས་ཅད་རྡོ་རྗེ་སེམས་དཔའ་དཀར་སེར་དམར་ལྗང་མཐིང་ག་ལྔའི་རང་བཞིན་དུ་གྱུར་ནས།དེ་ཐམས་ཅད་ཀྱི་ཞལ་ནས།ཨོཾ་བཛྲ་སྟྭ་ཧཱུྃ།ཞེས་འུར་དི་རི་རི་སྒྲོགས་པར་བསམས་ནས་བཟླ་བ་ནི།གཞན་དོན་གཟུགས་སྐུའི་རྟེན་འབྲེལ་བསྒྲིགས་པ་ཡིན།དེ་ལྟར་ཡང་ཆོས་སྤྱོད་བག་ཆགས་རང་གྲོལ་ལས།འཕྲོ་འདུས་དོན་གཉིས་བྱས་ནས་རྟོག་སྒྲིབ་སྦྱངས།ཞེས་གསུངས་པ་ཡང་འདི་ལྟ་བུའི་དམིགས་གནད་ལ་ཟེར་བ་ཡིན།དམིགས་པའི་གནད་འདི་ལྟ་བུ་ལ་བརྟེན་ནས་གསང་སྔགས་རྡོ་རྗེ་ཐེག་པ་ཐབས་མཁས་པའི་གནད་ཀྱིས་བསོད་ནམས་དང་ཡེ་ཤེས་ཀྱི་ཚོགས་བསམ་གྱིས་མི་ཁྱབ་པ་ཡང་སྐད་ཅིག་མ་རེ་ལ་རྫོགས་ཤིང་།ནམ་མཁས་གར་ཁྱབ་ཀྱི་སེམས་ཅན་གྱི་དོན་ཡང་མཉམ་དུ་སྒྲུབ་ནུས་པ་ཡིན།དེ་ལྟར་བཟླས་པ་ཅི་རིགས་པ་བྱས་པའི་རྗེས་སུ་ཐུན་བསྡུ་རན་པ་ན།ཕྱི་སྣོད་ཀྱི་འཇིག་རྟེན་མངོན་དགའི་ཞིང་དུ་སྣང་བ་ཐམས་ཅད་ནང་བཅུད་ཀྱི་རྡོར་སེམས་རིགས་ལྔའི་ལྷ་ཚོགས་ལ་བསྡུ།དེ་རྣམས་ཀྱང་རིམ་གྱིས་འོད་དུ་ཡལ་ནས་རང་ལ་བསྡུ།རང་ཡང་མཐའ་ནས་རིམ་གྱིས་འོད་དུ་ཡལ་ནས་ཐུགས་ཀའི་ཨོཾ་ལ་ཐིམ།ཨོཾ་བཛྲ་ལ།བཛྲ་ས་ལ།ས་ཏྭ་ལ།ཏྭ་ཧཱུྃ་གི་ཞབས་ཀྱུ།འ་ཆུང་ཧ་ཁོག།མགོ་བོ་ཟླ་ཚེས་ཐིག་ལེ་ནཱ་དའི་བར་རིམ་བཞིན་ཐིམ་ནས།ནཱ་ད་ཡང་ནམ་མཁར་འཇའ་ཚོན་ཡལ་བ་ལྟར་མི་དམིགས་སྤྲོས་པ་དང་བྲལ་བའི་ངང་ལ་དར་ཅིག་ལྷོད་དེ་མཉམ་པར་བཞག།དེ་ནས་ཡང་རྣམ་རྟོག་ཞིག་འཆར་བ་རྩོམ་པ་ན།སླར་ཡང་སྣོད་བཅུད་ཐམས་ཅད་རྡོ་རྗེ་སེམས་དཔའི་ཞིང་ཁམས་སུ་བཀྲ་ལམ་གྱིས་གསལ་ལ།དགེ་བ་འདི་ཡིས་མྱུར་དུ་བདག།རྡོ་རྗེ་སེམས་དཔའ་འགྲུབ་གྱུར་ནས།


懺悔文唸誦完畢,緊接着觀想上師金剛薩埵和顏悅色地説:“善男子,你的一切罪障、所失毀的戒律均已清淨。”這般予以認可之後,上師金剛薩埵化光融入自身,以此爲緣,自己變成了與前麵觀想一模一樣的金剛薩埵,在心間扁芥子大小的月輪上,中央是藍色的吽字,吽的前麵是白色的嗡字,右邊是黃色的班紥,後方是紅色的薩字,左邊是綠色的埵字,然後在唸誦“嗡班紥薩埵吽”的同時,觀想五咒字放射白、黃、紅、綠、藍五色光,光的頂端有嬉女等供養天女揮手散出八吉祥徽、輪王七寶、幡傘、寶幢、華蓋、千輻金輪、右旋海螺等無量供品,供養居於十方廣大無邊、不可思議剎土中的諸佛菩薩,令他們心生歡喜,從而圓滿了資糧、清淨了罪障。再觀想所有佛菩薩的一切大悲、加持成五顏六色各種各樣的光融入自身,自己現前了殊勝與共同成就、與學道相關的四種持明以及究竟果位——無學道雙運果位,這是準備自利法身的緣起。又觀想這五個咒字向下放射出無量光芒照耀三界六道一切衆生,使他們相續中所有的一切罪障、痛苦、習氣等猶如太陽出現在黑暗處一樣菸消雲散,一切外器世界變成現喜剎土,一切內情衆生變爲白、黃、紅、綠、藍五色金剛薩埵的自性,之後他們全部口誦“嗡班紥薩埵吽”,傳出一片嗡嗡之聲,這是準備他利色身的緣起。如《法行習氣自解脫續》中説:“射收二利淨除分別障。”這其中講的也是上述的這種要訣。依靠這樣的觀想要訣,加上密宗金剛乘善巧方便的要點一瞬間就可以圓滿不可思議的福慧資糧,同時也能夠成辦利益天邊無際衆生的事業。如此儘力唸誦金剛薩埵心咒。到最後收座時觀想爲現喜剎土的一切外器世界全部收攝在內情五部金剛薩埵尊衆之中,他們也依次化光融入自身,自身也從邊緣逐漸化光融入心間的“嗡”字中、“嗡”融入“班紥”、“班紥”融入於“薩”、“薩”融於“埵”、“埵”融入“吽”字的“雅佈傑”、“雅佈傑”融入“小阿”、“小阿”融入“哈”、“哈”融入頭部的日月明點中,到“那達”之間次第融入,最後“那達”也如彩虹消於空中般消失得無影無踪,就這樣在無緣離戲的境界中稍許放鬆而入定。當又開始生起分別唸時,再度將一切器情明觀爲金剛薩埵剎土,並唸誦:


དགེ་བ་འདི་ཡིས་མྱུར་དུ་བདག།

給瓦德噫涅德達 我今速以此善根


རྡོ་རྗེ་སེམས་དཔའ་འགྲུབ་གྱུར་ནས།།

多吉森華哲傑內 成就金剛薩埵尊


འགྲོ་བ་སེམས་ཅན་གཅིག་ཀྱང་མ་ལུས་པ།།

桌瓦久江瑪利巴 令諸衆生無一餘


དེ་ཡི་ས་ལ་འགོད་པར་ཤོག།

得耶薩拉夠巴秀 悉皆安置於此地


སོགས་བསྔོ་བ་དང་སྨོན་ལམ་བྱ།དེ་ལྟར་རྡོར་སེམས་བསྒོམ་བཟླས་བྱེད་པ་འདི་ལ་སོགས་པ་བཟླས་བརྗོད་གང་བྱེད་ཀྱི་དུས་སུ་སེམས་དམིགས་པ་ལས་གཞན་དུ་མ་ཡེངས་པ་དང་།བཟླས་བརྗོད་མི་ཚིག་གིས་བར་མ་ཆོད་པ་ནི་ཅི་ནས་ཀྱང་གལ་ཆེ་སྟེ།རྒྱུད་ལས་ཀྱང་།གལ་ཏེ་ཏིང་འཛིན་འདི་མེད་ན།།རྒྱ་མཚོའི་འཇིང་གི་ཕ་ཝང་བཞིན།།བསྐལ་པར་བཟླས་ཀྱང་འབྲས་མི་འབྱིན།།ཞེས་དང་།དེ་བཞིན་དུ་དག་དང་མ་དག་སྟོང་འགྱུར་ཡིན།།ཏིང་འཛིན་ཡོད་མེད་འབུམ་འགྱུར་ཡིན།།ཞེས་གསུངས།སྔགས་དང་བསྙེན་པ་བཟླ་བའི་དུས་སུ་ཐ་མལ་མ་དག་པའི་ལེང་གཏམ་གཞན་དང་བསྲེས་ནས་བཟླ་བ་ནི།སྔགས་མ་དག་པ་ཡིན་ཏེ།དཔེར་ན་གསེར་དང་དངུལ་ལ་ར་གན་ནམ་ཟངས་ལ་སོགས་པ་ཅུང་ཟད་འདྲེས་ཀྱང་།གསེར་མིན་ནམ་དངུལ་ལོག་ཏུ་གྲགས་ཏེ།དེས་གསེར་དངུལ་གྱི་གོ་མི་ཆོད་པ་དང་འདྲ།དེས་ན་ཨོ་རྒྱན་ཆེན་པོའི་ཞལ་ནས་ཀྱང་།།ལོ་གཅིག་འབག་བསྙེན་བྱས་པ་བས།།ཟླ་གཅིག་སྨྲ་བཅད་བྱས་པ་དགའ།།ཞེས་གསུངས།

以此等來作回向、髮願。在唸修金剛薩埵等任何唸誦期間,心思專注所緣而不散他處、不夾雜閒言碎語,這一點相當相當重要。如續部中説:“若無此等持,如海底磐石,誦數劫無果。”又説:“淨與不淨差千倍,有無等持差十萬。”唸修密咒時,如果摻雜一些庸俗不堪的閒言碎語來唸誦,那麼他所唸的密咒就是不清淨的唸誦。舉個例子來説,就算是在純金、白銀中摻雜微量的黃銅或普通銅,也隻能被人們稱爲非金或偽銀了,它們再也起不到純金純銀的作用。鄔金蓮花生大師也説:“雜有綺語誦一年,不如禁語誦一月。”


དེས་ན་ད་ལྟའི་དུས་གྲོང་ཆོག་པ་རྣམས་ཀྱང་ཚོགས་གྲལ་སོགས་སུ་འདོན་པ་དང་བཟླས་བརྗོད་ཀྱི་དུས་སྨྲ་བཅད་བྱེད་པ་ནི་ཅི་ནས་ཀྱང་གལ་ཆེ།ཐ་མལ་པའི་ངག་འཁྱལ་དང་འདྲེས་པའི་འདོན་ཟློས་སོགས་ལ་སྙིང་པོ་ཅི་ཡང་མེད་པ་དང་།ཁྱད་པར་གཤིན་པོ་སོགས་ཀྱི་དོན་ཡིན་ན།བར་དོ་ན་གནས་པའི་སེམས་ཅན་དེ།འཇིགས་སྐྲག་དང་སྡུག་བསྔལ་ལ་སོགས་པས་གདུང་བའི་ཚེ་ཕན་དུ་རེ་ནས་ཡོན་གནས་དང་བླ་མཆོད་ལ་སོགས་པའི་དྲུང་དུ་རྒྱུག།དེའི་ཚེ་དེ་དག་གི་ཏིང་ངེ་འཛིན་མི་གསལ་བ་དང་།སྡོམ་པ་དང་དམ་ཚིག་མི་དག་པ་དང་།ཆགས་སྡང་གི་གཏམ་དང་རྟོག་པ་ལ་སོགས་པ་འཆར་གྱིན་ཡོད་ན།བར་དོའི་འགྲོ་བ་དེ་མངོན་ཤེས་དང་ལྡན་པ་ཡིན་པས།དེ་དག་ཤེས་ནས་བླ་མཆོད་ལ་ལོག་ལྟའམ་ཞེ་སྡང་སྐྱེས་ནས་རྐྱེན་དེས་ངན་སོང་དུ་འགྲོ་བར་བཤད་པས།དེ་ལྟ་བུའི་བླ་མཆོད་ནི།ཡོད་པ་ལས་ཀྱང་མེད་པ་དགའ།

當今時代,有些經懺師在大衆中唸經、誦咒期間,儘力做到禁語也是十分重要的一點。雜有庸俗綺語的唸經、誦咒等沒有什麼實義,特別是做超度亡靈等佛事時,那些正在中陰界遭受恐懼、痛苦等逼迫的衆生爲了獲利,會滿懷希望地跑到上師僧人們麵前,那時如果他們既不能明觀等持,也不具足清淨的戒律與誓言,而且口中説些貪嗔的話,心裡一直鬍思亂想,結果具有神通的那些中陰身知曉後,便對這些上師僧人們起邪見或生嗔心,以此爲緣將墮入噁趣。這類上師僧人有還不如沒有的好。


ཁྱད་པར་གསང་སྔགས་རྡོ་རྗེ་ཐེག་པའི་ཆོ་ག་རྣམས་ནི།བསྐྱེད་རིམ་གསལ་འདེབས་བརྗོད་པ་ཚིག་གི་སྒོ།ཞེས་བསྐྱེད་རིམ་གྱི་གནད་དེ་དག་གསལ་འདེབས་པའི་ཚིག་ཙམ་ཡིན་པ་ལ།གསལ་འདེབས་རྒྱུའི་བསྐྱེད་རྫོགས་ཀྱི་དོན་ལ་བློ་ཁ་ཙམ་ཡང་མི་ཕྱོགས་པར་ཁ་ཚིག་སྟོང་པ་ཞིག་གིས་གསལ་གསལ་བསྒོམ་བསྒོམ་དམིགས་དམིགས་ལ་སོགས་པ་ཆོ་གའི་ཚིག་རིགས་མང་པོ་ཞིག་གྱར་མ་གྱེར་ཁུག་འུར་འུར་ཆེམ་ཆེམ་དུ་གྱེར་ཏེ།དོན་གྱི་སྙིང་པོ་ངག་གི་བཟླས་བརྗོད་བསྙེན་པ་དངོས་ལ་ཐུག་ཙ་ན།བློ་བག་གིས་ལྷོད་ཐ་ན་ལུས་ཚུགས་དྲང་པོ་ཞིག་ཡོད་པ་ཡན་ཆད་ཤིག་གིས་བཤིག།མི་དགེ་བ་བརྒྱ་ཕྲག་གི་འབྱུང་ཁུངས་ཐ་མ་ཁ་ལ་སོགས་པ་གཞི་བ།ཕུ་མདའ་ལ་ཤོད་ཀྱི་གཏམ་འབྲེལ་བ་མེད་པའི་ངག་འཁྱལ་མང་པོའི་གཏེར་སྒོ་ཕྱེ།ཕྲེང་བ་སྟོང་བགྲང་རྒྱུ་ནག་བདའ་བདའ་བྱེད་པས་དུས་འདའ།ཕྱི་འཕྲེད་ཙ་ན་གནམ་ལ་གཅིག་བལྟས་ནས།བཛྲ་པུཥྤེ་དྷཱུ་པེ་ཟེར་ཞིང་རོལ་མོ་འུར་ཆེམས་སེ་གཏོང་བ་ནི།ཆོ་གའི་གཟུགས་བརྙན་ལས་ཀྱང་ཡང་བརྙན་ཐ་ཆད་པ་ཡིན་པས།དེ་ལྟ་བུ་ལས་ནི་བསམ་པ་རྣམ་པར་དག་པའི་སྒོ་ནས་ལྟུང་བཤགས་སམ་བཟང་སྤྱོད་ཚར་རེ་ཙམ་བཏོན་ན་དེ་དགའ་ངེས་སོ།།

尤其密宗金剛乘所有的儀軌就是所謂的“明觀生次詞句門”。本來,明觀生起次第的要義必須要依靠詞句來觀想,可是有些人對於本該觀想的生圓次第的意義,絲毫也不專注,隻是口頭上以各種不同的語調鏗鏘有力、抑揚頓挫地吟誦“明明觀觀修修”等儀軌的詞句,到了最爲關鍵的諷誦心咒的時候,心情頓然放鬆下來,甚至原來端坐的身姿也已經東倒西歪了,開始吸起百噁之源的菸草,談論“溝頭溝尾”等無關語,開啟了衆多綺語伏藏之門,就像捋黑色腸子般空空地數着唸珠來混日子。到了下午時分抬頭望望天空,便開始唸誦“班紥佈白得貝……”,吹打法器髮出巨響(而唸完儀軌)。這種諷誦儀軌簡直是形象中最低等的形象,諸如此類的形象佛事,真不如以清淨心唸誦一遍《三十五佛懺悔文》或《普賢行願品》好。


དེ་ལྟར་མ་དག་པའི་བཟླས་བརྗོད་དང་ཆོ་གའི་གཟུགས་བརྙན་ལ་བརྟེན་ནས་གཤིན་པོ་ངན་སོང་དུ་འཕེན་པའི་བླ་མཆོད་དེས་ནི།གསོན་པོའི་སྐུ་རིམ་བྱས་ཀྱང་ཕན་ལས་གནོད་པ་ཆེ་བ་དེ་དང་འདྲ།དེ་ལྟ་བུ་དེས་དཀོར་ཟོས་པ་ཡང་ལྕགས་ཀྱི་ཐོ་ལུམ་མེ་འབར་བ་ཟོས་པ་དང་འདྲ་ངེས་པ་དེ་ཡིན་ནོ།།དེས་ན་དད་ཟས་དང་གཤིན་དཀོར་ཟ་བ་རྣམས་ནི་བླ་མའམ་གྲ་པ་སུ་ཡིན་ཀྱང་འདྲ་སྟེ།ཤ་ཆེ་ཆུང་ཐུད་སྲབ་འཐུག་འབུལ་བ་བཟང་ངན་ཁོ་ན་ལ་ཐུགས་དམ་གྱི་མཐིལ་དུ་མི་བྱ་བར།ནད་པའམ་ཤི་པོ་སུ་ཡིན་ཀྱང་འདྲ་སྟེ་གལ་འགགས་ལ་བབ་སྟེ་སྡུག་ཐུག་པའི་སེམས་ཅན་སྐྱབས་དང་བྲལ་བ་དེ་ལ་ཕན་འདོད་ཀྱི་བྱམས་པ་དང་སྙིང་རྗེ་བྱང་ཆུབ་ཀྱི་སེམས་ཀྱིས་ཟིན་པར་བྱས་ནས།བསྐྱེད་རྫོགས་རང་གིས་གང་ཤེས་སྙིང་ཐག་པ་ནས་མ་ཡེངས་པར་འབད།དེ་ལྟར་མི་ཤེས་པ་རྣམས་ཀྱང་ཚིག་རྗེས་དོན་དྲན་ཙམ་མམ།ཐ་ན་ཡང་ཉམ་ཐག་པའི་སེམས་ཅན་ལ་བྱམས་པ་དང་སྙིང་རྗེ་དཀོན་མཆོག་གསུམ་གྱི་བདེན་མཐུ་བསླུ་བ་མེད་པ་ལ་དད་པ་ངེས་ཤེས་སོགས་ལུས་ངག་ཡིད་གསུམ་ཆུན་གཅིག་དྲིལ་གྱིས་འབད་དེ།ཆོ་ག་དང་བཟླས་བརྗོད་སོགས་སྒྲ་དག་སྒྲོས་གཙང་བ་རེ་འགྲུབ་ངེས་བྱས་ན།སྐྱབས་གནས་དཀོན་མཆོག་གསུམ་གྱི་ཐུགས་རྗེ་རྒྱུ་འབྲས་བསླུ་བ་མེད་པའི་ནུས་མཐུ་བྱང་ཆུབ་སེམས་ཀྱི་ཕན་ཡོན་ཚད་མེད་པ་རྣམས་ལ་བརྟེན་ནས།ནད་པ་དང་ཤི་པོ་གང་ཡིན་དེ་ལ་ཕན་ཐོགས་ངེས་ཤིང་།མིའི་སྟན་ཐོག་ནས་རང་གི་སྒྲིབ་པ་སྦྱོང་ཟེར་བ་ལྟར།རང་གཞན་གྱི་ཚོགས་གཉིས་མཉམ་དུ་རྫོགས།འབྲེལ་ཚད་ཐར་པའི་ལམ་ལ་འགོད་པ་ཡིན་པས་དེ་ལྟ་བུ་རེ་ལ་ཅི་ནས་ཀྱང་འབད་དགོས་སོ།།

依靠這種不清淨的唸誦及形象的儀軌將亡魂引入噁趣的那些上師僧人們,對活人作佛事也同樣隻能是弊大於利。這類人享用信財,確實好似食用熾燃的鐵丸一般。所以,享用信財、亡財者,無論是上師還是普通僧人都是同樣,切切不要隻是將注意力放在肉塊大小、油餅薄厚、供養好壞上,而應當對於那些處於緊要關頭、倍受痛苦、無依無怙的病人或死者一視同仁,髮心利益他們,以慈悲心、菩提心攝持而行事,專心緻誌勤奮努力唸修自己所了達的生圓次第法門。不能做到這樣的人,也應該隨着詞句思考意義,或者至少也要懷着一顆慈悲的心腸憐憫這些可憐的衆生、對三寶的無欺諦實力生起信心、定解等等,總之身語意三門要集中精力。如果能夠做到儀軌唸誦音正、清晰、髮心清淨,那麼依靠皈依處三寶的大悲力、無欺因果的威力以及菩提心的無量功德等,必定會使病人或死者受益匪淺。而且,誠如人們所説的“於人墊上淨己障”,同時也能使自他二種資糧得以圓滿,並將凡是結緣的衆生安置在解脫道中。因此,我們必須竭儘全力這樣去做。


ལར་ད་ལྟའི་དུས་ན་བླ་མའམ་སེར་མོ་ཅུང་ཟད་བཟང་དུ་རེ་བ་རྒྱུ་འབྲས་ཤེས་པ་རྣམས་ནི།དཀོར་གྱི་ཉེས་དམིགས་ཙམ་ལ་འཇིགས་ནས་ནད་པ་དང་ཤི་བོ་སྡུག་ཐུག་པའི་སེམས་ཅན་དེ་ལ།བྱིན་རླབས་དང་བསྔོ་སྨོན་ཙམ་ཡང་མི་བྱེད་པར་བྱམས་སྙིང་རྗེ་བྱང་ཆུབ་སེམས་ཀྱི་རྩ་བ་གཅོད།ཕལ་ཆེར་ནི་ཧ་ཅང་རང་འདོད་ཆེ་ཆེས་པས་སྦྱིན་བདག་གི་ཚོགས་གྲལ་དུ་འོང་།དེ་ཚང་ལ་དགོས་རྒྱུའི་འདོན་པ་དེ་མི་འདོན་པར།རང་གི་ཁ་ཏོན་ནག་ལྕིབས་ལྕིབས་ཞིག་བླངས་ཏེ་དེ་ཆགས་མི་ཉན་པའི་ཁུར་གྱིས་འདོན་ཚུལ་བྱེད།དེ་དག་སུ་ཡིན་ཀྱང་འདྲ་སྟེ་རང་དོན་གྱི་འདོན་པ་དང་བཟླས་བརྗོད་སོགས་ཅུང་ཟད་རེ་བྱེད་པ་དེ་ལ་གཟབ་གཟབ་ལྟ་བུ་རེ་བྱེད་ཅིང་།དེ་རང་གི་སྒྲིབ་སྦྱོང་ངམ་དཀོར་སྦྱོང་ཡིན་ཁུལ་བྱེད།སྦྱིན་བདག་གི་འདོན་པ་མང་ཚོགས་ཀྱི་གྲལ་དུ་བྱེད་པ་དེ་ལ་ནི་ཁ་ཡེངས་མིག་ཡེངས་ཁྲལ་རྒྱུག་མ་བྱེད།གང་བསྐྱབ་པར་བྱ་རྒྱུའི་སེམས་ཅན་ཤི་གསོན་སུ་ཡིན་ཀྱང་།དེའི་དོན་ནི་བློ་ལ་མི་འཆར་བ་དེ་རྣམས་ནི་བྱམས་སྙིང་རྗེ་བྱང་ཆུབ་སེམས་ཀྱི་རྩ་བ་ཆད་པ་ཡིན་པས།རྗེས་ནས་དཀོར་སྦྱོང་བྱས་ཀྱང་རང་འདོད་ཡིད་བྱེད་ཀྱི་བློ་ངན་དེས་དཀོར་སྒྲིབ་སྦྱོང་བ་ཡང་དཀའ།

如今有些本來被人們一緻共稱爲比較賢良並且明曉因果的上師僧人們,卻因爲害怕享用信財、亡財的過患,甚至對病人、死者等倍受痛苦的衆生連加持、回向、髮願等佛事也不肯做,這真正已經斷絶了慈悲心、菩提心的根本。另有些過於注重一己私利的人,到了施主家以後,在大衆行列中,需要爲施主家唸誦的經不唸,反而取出自己那黑乎乎的唸誦集,認爲自己的誦經功課不能間斷而裝模作樣地唸起來,他們對自己的一點點唸經、誦咒竟然如此認真謹慎,並且認爲這完全可以淨除自己的罪障以及享用信財的罪過,而在爲施主家唸誦的大衆行列中卻東張西望、鬍言亂語、心不在焉,全然不考慮那些本該救護的衆生——死者或活人的利益。這些人已經斷絶了慈悲菩提心的根本。即使他們後來儘力淨除享用信財的罪過,然而以自私自利的噁心也很難清淨享用信財的障礙。


དང་པོ་ཉིད་ནས་བྱམས་སྙིང་རྗེ་བྱང་ཆུབ་ཀྱི་སེམས་ལ་གཞི་བཅོལ།བསྐྱེད་རྫོགས་སོགས་ཅི་ཤེས་ཅི་ནུས་ལ་སྙིང་ཐག་པ་ནས་འབད།སེམས་ཅན་ལ་ཕན་འདོད་ཀྱི་ཀུན་སློང་དང་མ་བྲལ་བ་བྱས་ན།རང་གི་ཁྱིམ་ནས་བསྐྱེད་རྫོགས་བསྒོམས་ཏེ་བཟླས་བརྗོད་བྱས་པ་དང་།གཞན་གྱི་ཁྱིམ་ནས་བསྐྱེད་རྫོགས་བསྒོམས་ཏེ་བཟླས་བརྗོད་བྱས་པ་ལ་ནི་ཁྱད་པར་སྤུ་ཙམ་ཡང་མེད་ཅིང་།གང་ལྟར་ཡང་རང་འདོད་ཀྱི་བློ་དང་བྲལ་ཏེ།གཞན་དོན་ལ་དམིགས་དགོས་པ་ནི་འདྲ་འདྲ་ཡིན་པས་དེ་ལྟ་བུ་རེ་ངེས་པར་དགོས་སོ།།

所以説,如果我們最初就能以慈悲、菩提心爲本,儘己所知、儘己所能、誠心誠意精進修行生圓次第等都不離開想利益衆生的動機,那麼無論是在自家還是到他家觀修生圓次第、唸經、誦咒都沒有絲毫差別。不管怎樣,遠離私欲之心,一心一意利益他衆,這點都是完全相同的,因此我們一定要、必須要希求這種目標。


དེ་ལྟར་སེམས་དམིགས་པ་ལས་གཞན་དུ་མི་ཡེངས་ཤིང་ཐ་མལ་གྱི་སྨྲ་བ་དང་མ་འདྲེས་པར།དུས་གཅིག་ལ་ཡི་གེ་བརྒྱ་པ་ལན་བརྒྱ་རྩ་བརྒྱད་བཟླས་ན་སྔར་བྱས་ཀྱི་སྡིག་སྒྲིབ་དང་ཉམས་ཆགས་ཐམས་ཅད་ངེས་པར་དག་པ་བླ་མ་རྡོ་རྗེ་སེམས་དཔའི་ཞལ་གྱིས་བཞེས་པ་ཡིན་ཏེ།དྲི་མེད་བཤགས་རྒྱུད་ལས་ཀྱང་།བདེ་བར་གཤེགས་པ་ཐམས་ཅད་ཀྱི་ཐུགས་ཀྱི་ཡང་སྙིང་ཉམས་ཆགས་དང་རྟོག་སྒྲིབ་ཐམས་ཅད་སྦྱོང་བར་བྱེད་པ།ཡི་གེ་བརྒྱ་པ་ཞེས་བྱ་བ་བཤགས་པ་ཐམས་ཅད་ཀྱི་རྒྱལ་པོ་འདི་དུས་གཅིག་ལ་ལན་བརྒྱ་རྩ་བརྒྱད་དུ་བཟླས་ན་ཉམས་ཆགས་ཐམས་ཅད་བསྐངས་ཏེ།ངན་སོང་གསུམ་དུ་ལྟུང་བ་ལས་ཐར་བར་འགྱུར་རོ།།རྣལ་འབྱོར་བ་གང་ཞིག་གིས་ཡི་དམ་དུ་བཅས་ནས་འདོན་ན།མི་དེ་ཚེ་འདི་ལའང་དུས་གསུམ་གྱི་སངས་རྒྱས་ཐམས་ཅད་ཀྱིས་སྲས་ཀྱི་དམ་པར་དགོངས་ནས་སྲུང་སྐྱོབ་མཛད་ལ།ཤི་འཕོས་ནས་ཀྱང་བདེ་བར་གཤེགས་པ་རྣམས་ཀྱི་སྲས་ཀྱི་ཐུ་བོར་འགྱུར་བ་གདོན་མི་ཟའོ།།ཞེས་གསུངས།དེ་བཞིན་དུ་གསང་སྔགས་རྡོ་རྗེ་ཐེག་པའི་སྒོར་ཞུགས་ནས་རྩ་བ་ཡན་ལག་གི་དམ་ཚིག་ཉམས་ཆགས་གང་བྱུང་ཡང་།ཉིན་རེ་བཞིན་རྡོ་རྗེ་སེམས་དཔའ་བསྒོམས་ནས་ཡི་གེ་བརྒྱ་པ་ཉི་ཤུ་རྩ་གཅིག་རེ་བཟླས་ན།དེས་ལྟུང་བ་བྱིན་གྱིས་བརླབས་པ་ཞེས་བྱ་སྟེ།ལྟུང་བ་བྱུང་བའི་རྣམ་སྨིན་གོང་ནས་གོང་དུ་འཕེལ་འགྲོ་རྒྱུ་མེད་པ་དང་།ཡི་གེ་བརྒྱ་པ་འབུམ་ཕྲག་གཅིག་བཟླས་ན་ལྟུང་བ་ཐམས་ཅད་རྩ་བ་ནས་དག་པར་སྙིང་པོ་རྒྱན་ལས་གསུངས་ཏེ།པད་དཀར་ཟླ་བའི་གདན་གནས་པའི།།རྡོ་རྗེ་སེམས་དཔའ་ལེགས་དམིགས་ཏེ།།ཡི་གེ་བརྒྱ་པ་ཆོ་ག་བཞིན།།ཉི་ཤུ་རྩ་རེ་བཟླས་གྱུར་ན།།ལྟུང་སོགས་བྱིན་གྱིས་བརླབ་འགྱུར་ཕྱིར།།འཕེལ་བ་རུ་ནི་མི་འགྱུར་ཞེས།།གྲུབ་པ་མཆོག་རྣམས་ཀྱིས་བཤད་པས།།རྟག་པར་ཏུ་ནི་ཉམས་སུ་བླང་།།འབུམ་ཕྲག་གཅིག་ཏུ་བཟླས་གྱུར་ན།།རྣམ་པར་དག་པའི་བདག་ཉིད་འགྱུར།།ཞེས་གསུངས།


丁五、懺悔之功德:


如果一心專注所緣境、不摻雜庸俗的話語一次性地唸誦一百零八遍百字明,那麼往昔所造的一切罪障及所失毀的戒律一定會得以清淨,這是上師金剛薩埵親口允諾的。《無垢懺悔續》中也説:“百字明是一切善逝的智慧精華,能夠淨除所失毀的戒律與分別唸的罪障,堪稱爲一切懺悔之王。倘若一次性唸誦一百零八遍,便可酬補一切所失之戒,不會墮入三噁趣。任何一位瑜伽行者如果能髮誓唸誦,不但此人今生會被三世諸佛視爲勝妙長子而加以護佑,而且命終之後也無疑會成爲諸佛的長子。”此外,進入密宗金剛乘之門以後,無論失毀了根本誓言還是支分誓言,如果每天觀想金剛薩埵而唸誦二十一遍百字明,就叫做加持墮罪,也就是説,墮罪所産生的異熟果不會越來越增長。如果唸誦十萬遍百字明,則可徹底清淨一切墮罪。如《莊嚴藏續》中説:如果唸誦十萬遍百字明,那麼一切墮罪都能從根本上得以清淨,此續中雲:“妙觀白蓮月墊上,上師金剛薩埵尊,依百字明之儀軌,倘若唸誦二十一,即將加持墮罪等,使其不複得增長,諸成就者所宣説,故當恆時而修持,倘若已誦十萬遍,必成清淨之本性。”


དེའི་ཕྱིར་ན་ད་ལྟའི་དུས་འདིར་བོད་ཡུལ་འདི་ན་བླ་མ་སེར་མོ་མི་སྐྱ་ཕོ་མོ་ཡན་ཆད་དབང་རེ་ཐོབ་མ་མྱོང་བ་ནི་སུ་ཡང་མེད།དེས་ན་གསང་སྔགས་ཀྱི་སྒོར་མ་ཞུགས་པ་སུ་ཡང་མེད་པ་ཡིན་ལ།གསང་སྔགས་ཀྱི་སྒོར་ཞུགས་ཕྱིན་ཆད་ནི།དམ་ཚིག་མ་བསྲུངས་ན་དམྱལ་བ་དང་།བསྲུངས་ན་རྫོགས་པའི་སངས་རྒྱས་ཀྱི་གོ་འཕང་ཐོབ་པ་གཉིས་ལས་འགྲོ་ས་གཞན་མེད་པ།དཔེར་ན་སྦྲུལ་སྙུག་དོང་དུ་བཅུག་པ་ལྟ་བུར་གསུངས།སྦྲུལ་ཞིག་སྙུག་དོང་དུ་བཅུག་ན།ཡང་ན་དེ་ཡར་ཁ་དང་ཡང་ན་མར་ཞབས་གཉིས་ལས་འགྲོ་ས་མེད་པ་ལྟ་བུ་ཡིན།ཡོན་ཏན་མཛོད་ལས་ཀྱང་།སྔགས་ལ་ཞུགས་པའི་སྐྱེས་བུ་ངན་སོང་དང་།།སངས་རྒྱས་གཉིས་ལས་འགྲོ་ས་གསུམ་པ་མེད།།ཞེས་གསུངས།དེས་ན་གསང་སྔགས་ཀྱི་དམ་ཚིག་ནི།ཕྲ་ཞིང་གྲངས་མེད་ལ་སྲུང་དཀའ་བ་ཡིན་པས།ཇོ་བོ་རྗེ་ལྷ་ཅིག་ལྟ་བུས་ཀྱང་།སྔགས་ལ་ཞུགས་པའི་དུས་ཉེས་པ་ཅར་རྒྱག་ཉར་རྒྱག་བྱུང་གསུངས་ན།ད་ལྟ་རང་རེ་གཉེན་པོ་ཆུང་བ།དྲན་པ་ཉམས་པ།ཤེས་བཞིན་མེད་པ།ལྟུང་བའི་རྣམ་གྲངས་ལེགས་པར་མི་ཤེས་པ་རྣམས་ལ་ནི།ལྟུང་བའི་རྣམ་གྲངས་ཆར་པ་བཞིན་འབབ་པར་གདོན་མི་ཟ་བས།དེ་དག་གི་གཉེན་པོར་དུས་དང་རྣམ་པ་ཐམས་ཅད་དུ་རྡོར་སེམས་སྒོམ་བཟླས་འདི་ལ་ཡི་དམ་དུ་བཟུང་ནས་ཐ་ན་ཡང་ཡིག་བརྒྱ་ཉེར་གཅིག་རེ་མ་ཆག་པར་བྱེད་པ་ནི་གལ་ཆེའོ།།

當今時代在藏族這片領域內,上師僧人包括俗家男女在內,可以説沒有誰未曾受過灌頂,所以沒有誰不是入了密宗之門的。趣入密乘之後,如果不守誓言勢必會招緻墮落地獄的下場,倘若守誓言便可以獲得圓滿佛果,除了這二種可能性以外別無出路,就像把蛇放在竹筒中一樣。比如説,竹筒裡的蛇,隻能是上去或下去,再沒有別的出路。《功德藏》中也説:“入密士夫之去處,噁趣佛外無三處。”分類細緻、種類衆多的密宗三昧耶戒又是極其難以守護的,所以阿底峽尊者也曾經説:“進入密乘時接連不斷地出現過失。”既然尊者尚且如此,那麼如今我們這些對治力薄弱、喪失正唸、無有正知、不曉墮罪種類的人,所犯的墮罪數量毫無疑問會多如雨水,因此我們應當立下誓言:隨時隨地唸修金剛薩埵對治這些墮罪,從今以後最起碼也是做到每天不間斷唸誦二十一遍百字明,這一點極爲重要。


གལ་ཏེ་རང་ངོས་ནས་བསྐྱེད་རྫོགས་ཀྱི་གནད་ལ་མཁས་པ།དྲན་པ་དང་ཤེས་བཞིན་གསལ་བ་སོགས་ལ་བརྟེན་དམ་ཚིག་ཉམས་པའི་སྐྱོན་མ་བྱུང་ཡང་།གཞན་རྩ་བའི་དམ་ཚིག་ཉམས་པ་དག་དང་གཏམ་བསྲེ་བ་དང་།སྤྱོད་ལམ་གྱིས་འབྲེལ་པ།ཐ་ན་ལུང་པ་གཅིག་གི་ཆུ་ལ་བཏུང་བས་ཀྱང་ཟླས་ཉམས་དང་ཞོར་ཉམས་ཀྱི་ཉེས་པ་སྐྱེད་པ་ཡིན་པས་བཤགས་སྦྱོང་ལ་འབད་དགོས་ཏེ།རྒྱུད་ལས་ཀྱང་།ཉམས་ལ་འགྲོགས་ཤིང་ཉམས་པ་སྐོང་བ་དང་།།ཉམས་དང་སྣོད་མིན་རྣམས་ལ་ཆོས་བཤད་དང་།།ཉམས་ལ་མི་འཛེམ་ཉམས་པ་དེ་དག་གི།ཉམས་གྲིབ་སྐྱོན་གྱིས་གོས་པར་གྱུར་ཏོ་འཚལ།།ཚེ་འདིའི་རྐྱེན་དང་ཕྱི་མའི་སྒྲིབ་གྱུར་རྣམས།།རང་གནོང་འགྱོད་པའི་སེམས་ཀྱིས་མཐོལ་ལོ་བཤགས།།ཞེས་གསུངས།

如果自己已經精通了生圓次第的要訣,即使依靠正知正唸明觀等方法沒有犯過失毀三昧耶的錯誤,但是,也會因爲與其他失毀根本誓言的人互相交談、接觸往來,甚至共同飲用一山谷的水也會産生相對失戒、株連失戒的罪過,所以我們務必要精進懺悔、淨除罪障。續部(《無説義懺續》)中説:“酬補失罪交往失戒者,於失戒非器者宣講法,不加警惕彼等失戒者,必將染上冒瀆晦氣過,一切此生違緣來世障,以悔自過之心髮露懺。”


ཚོགས་གྲལ་གཅིག་ན་དམ་ཚིག་ཉམས་པའི་མི་གཅིག་ཡོད་ཀྱང་།དེའི་ཉམས་གྲིབ་ཀྱིས་ཕོག་སྟེ་དམ་ལྡན་བརྒྱ་སྟོང་ཡོད་ཀྱང་སྒྲུབ་པའི་འབྲས་བུ་ཅུང་ཟད་ཀྱང་མི་འབྱིན་པ་འོ་མ་རུལ་པ་ཐིགས་པ་གཅིག་གིས་མ་རུལ་པ་ཟངས་གང་ཡང་རུལ་བར་བྱེད་པ་དང་།སྦལ་པ་རྨ་ཅན་གཅིག་གིས་སྦལ་པ་ཐམས་ཅད་རྨ་ཅན་དུ་བྱེད་པ་ལྟ་བུ་ཡིན་ཏེ།ཇི་སྐད་དུ།ཇི་ལྟར་འོ་མ་ཐིགས་པ་གཅིག།རུལ་བས་ཐམས་ཅད་རུལ་བ་ལྟར།།རྣལ་འབྱོར་ཉམས་གྱུར་གཅིག་གིས་ནི།།རྣལ་འབྱོར་ཅན་ཀུན་མ་རུངས་བྱེད།།ཅེས་གསུངས།

在(僧衆)集會行列中,即便隻有一個破誓言的人,在場的人也都將被他的冒瀆晦氣所染污,具體點説,就算是有成百上千的具誓言者也不會得到絲毫修行的成果,就像一滴壞奶損壞滿滿一鍋鮮奶或者一隻帶瘡的青蛙傳染同住的全部青蛙一樣。如頌雲:“猶如一滴腐奶汁,可毀一切鮮奶汁,失毀誓言之一人,能毀諸具誓言者。”


དེར་མ་ཟད་བླ་མ་སྐྱེས་བུ་དམ་པ་གྲུབ་པ་ཐོབ་པ་ཞིག་ཡིན་ཀྱང་ཉམས་གྲིབ་ཀྱིས་མི་གོས་པ་ནི་སུ་ཡང་མེད་དེ།འགྲོ་མགོན་གླིང་རྗེ་རས་པ་ལྟ་བུ་ཡང་ཙཱ་རིའི་གནས་ནང་དུ་ཞིང་སྐྱོང་གི་མཁའ་འགྲོས་བར་ཆད་བརྩམས་ནས་ཉི་མའི་གུང་ལ་མུན་རུབ་སྟེ་སྐར་མ་ཁྲ་གྱི་ལེ་འཆར་བའི་མུན་པ་བྱུང་ཡང་།ཐོགས་པ་མེད་པར་དམར་ནག་རྐྟའི་མཚོ་འགྲམ་དུ་ཕྱིན་ནས་རྡོ་རྗེའི་གླུ་བླངས་ཏེ་བྲོ་བརྡུངས་རྡོ་ལ་ཞབས་རྗེས་བཞག་པ་ད་ལྟ་ཡང་མཇལ་དུ་ཡོད་པ་དེ་ལྟ་བུའི་གྲུབ་ཐོབ་ཡིན་ཀྱང་།ཕྱིས་སློབ་མ་དམ་ཚིག་ཉམས་པ་ཞིག་མདུན་དུ་བྱུང་བས་ཉམས་གྲིབ་ཀྱིས་ཐུགས་མྱོས་ཏེ་གསུང་སྨྲ་མི་ཤེས་པར་གྱུར་པའི་ལོ་རྒྱུས་ཡོད།དེ་བཞིན་དུ་གྲུབ་ཐོབ་ཨུ་རྒྱན་པའི་མགུར་ལས་ཀྱང་།གངས་ཅན་གྱི་སྤྲང་པོ་རིན་ཆེན་དཔལ།།དགྲ་ཉམས་གྲིབ་མིན་པས་ཐུབ་མ་མྱོང་།།གྲོགས་བླ་མ་མིན་པས་སྐྱོབ་མ་མྱོང་།།ཞེས་གསུངས།

不僅如此,就算是一位上師、高僧大德、成就者也避免不了被冒瀆晦氣染污上。舉個例子來説,往昔卓滾朗吉日巴尊者曾在匝熱地區期間,一次,由於鬼神製造違緣,將正午的太陽隱蔽不見,變成繁星閃爍的漆黑夜晚,可是尊者卻無阻無礙地來到了黑紅血湖畔,唱起金剛歌、跳起金剛舞,並在石頭上留下足跡,至今仍然清晰可見。雖然是這樣一位大成就者,但是後來因爲一個破誓言的弟子來到他麵前,結果染上了冒瀆晦氣而導緻神誌不清,不能言語成了啞人。此外,成就者俄堅巴也曾在道歌中説:“雪域乞人仁親花(指其本人),僅有失戒敵可害,唯有師尊能救護。”


དེས་ན་གསང་སྔགས་རྡོ་རྗེ་ཐེག་པའི་དམ་ཚིག་འདི་ནི་ཉམས་ན་ཉེས་པ་ཆེ་ཞིང་སྲུང་བར་ཡང་ཤིན་ཏུ་དཀའ་བས།རང་རྒྱུད་ལ་མི་བརྟགས་པར་ང་དམ་ལྡན་ཡིན་ནོ་སྙམ་ནས་ང་རྒྱལ་བྱས་པས་ནི་ཅི་ཡང་མི་འོང་སྟེ།སྔགས་གཞུང་དག་ལས།སྒོ་གསུམ་དཀྱིལ་འཁོར་གསུམ་གྱི་ཁྱེར་སོ་དང་སྐད་ཅིག་མ་གཅིག་བྲལ་ཀྱང་།གསང་སྔགས་ཀྱི་དམ་ཚིག་ལས་འདས་པར་བཤད་པ་ཡང་ཡོད་པས།

所以説,如若失毀密宗金剛乘的三昧耶戒,罪過極其嚴重,並且守持也十分睏難。不觀察自相續認爲我具足誓言而心生我慢的人,終究一事無成。正如密宗諸續部中説:“三門即使一剎那離開三壇城之本性也違越密宗誓言。”


བསྲུང་དཀའ་ཞིང་རྒྱས་པར་དབྱེ་ན་ས་མ་ཡ་འབུམ་སྡེའི་གྲངས་སུ་གསུངས་པས་རྣམ་གྲངས་མང་ལ་ཉམས་པའི་ཉེས་པ་ཡང་།རྒྱུད་ལས།རྡོ་རྗེ་སྲིན་པོས་སྙིང་ཁྲག་འཐུང་བ་དང་།།ཚེ་ཐུང་ནད་མང་ནོར་ཡལ་དགྲས་འཇིགས་དང་།།མནར་མེད་དམྱལ་བ་ཤིན་ཏུ་སྐྱི་གཡའ་བར།།སྡུག་བསྔལ་མི་བཟད་ཡུན་རིང་གནས་པར་འགྱུར།།ཞེས་གསུངས་པ་ལྟར་ཡིན་པས།རང་གི་བློ་ལ་མངོན་པ་དང་མི་མངོན་པའི་ཉམས་ཆགས་ཉེས་ལྟུང་ཐམས་ཅད་ཀྱི་གཉེན་པོར་དུས་དང་རྣམ་པ་ཐམས་ཅད་དུ་རྡོར་སེམས་སྒོམ་བཟླས་དང་ཡིག་བརྒྱའི་བཤགས་པ་བྱེད་པ་ལ་འབད་དགོས་ཏེ།སྔོན་གྱི་དམ་པ་དག་གི་ཞལ་ནས་ཀྱང་།དང་པོ་ནས་སྡིག་གིས་མ་གོས་པ་དང་།གལ་སྲིད་གོས་ན་བཤགས་པ་བྱེད་པ་གཙོ་ཆེ་བ་ཡིན་གསུངས།བཤགས་ན་འདག་པ་ཡང་གསང་སྔགས་ཀྱི་དམ་ཚིག་ཉམས་པ་འདི་སླ་བ་ཡིན་ཏེ།ཉན་ཐོས་ཀྱི་ལུགས་ལ་རྩ་ལྟུང་སྐོར་གཅིག་བྱུང་ན་རྫ་བེའུ་ཆག་པ་དང་འདྲ་སྟེ་སླར་གསོ་བའི་ཐབས་མེད་པར་གསུངས།བྱང་སྡོམ་རིན་པོ་ཆེའི་ཉེར་སྤྱད་ཆག་པ་དང་འདྲ་སྟེ།དཔེར་ན་རིན་པོ་ཆེའི་ཉེར་སྤྱད་ཆག་ན་མགར་བ་མཁས་པ་ལ་བརྟེན་ནས་བཅོས་སུ་ཡོད་པ་ལྟར།གཞན་རྐྱེན་དགེ་བའི་བཤེས་གཉེན་ལ་བརྟེན་ནས་གསོ་རུང་བར་གསུངས།གསང་སྔགས་ཀྱི་སྡོམ་པ་ནི་རིན་པོ་ཆེའི་ཉེར་སྤྱད་ཅུང་ཟད་ཞོམ་པ་དང་འདྲ་སྟེ།རང་ཉིད་ཀྱིས་ཀྱང་ལྷ་སྔགས་ཏིང་འཛིན་ལ་བརྟེན་ནས་བཤགས་པ་བྱས་ཀྱང་ལྷག་མ་མེད་པར་དག་པར་གསུངས་པ་ཡིན།དེ་ཡང་འཕྲལ་དང་འཕྲལ་དུ་བཤགས་ན་འདག་སླ་སྟེ།ཡུན་ལོན་ནས་ནི་ཉེས་པ་གོང་ནས་གོང་དུ་འཕེལ་བ་ཡིན་པས་བཤགས་ལྷག་པར་དཀའ་ཞིང་།ལོ་གསུམ་འདས་ཕན་ཆད་བཤགས་པའི་ཡུལ་ལས་འདས་པས་བཤགས་པ་བྱས་ཀྱང་མི་འདག་པར་གསུངས་སོ།།

顯而易見,(密宗金剛乘的誓言)有多麼的難以守護。如果詳細分類,不下十萬種誓言,數量繁多,而且失毀誓言的罪過也相當嚴重。誠如續部中説:“金剛羅剎痛飲其心血,短壽多病失財畏怨仇,長久住於無間地獄中,極其恐怖感受難忍苦。”因此,我們必須隨時隨地兢兢業業觀修金剛薩埵,唸誦百字明,懺悔對治一切能想起或想不起所失毀的戒律、墮罪。古大德也曾經説過:初需未染罪,一旦染上罪,懺悔極關要。如果加以懺悔,那麼失毀密宗誓言的罪業也可輕而易舉得以清淨。聲聞乘中説:如若違犯一次根本墮罪,就像瓷器破碎一般無法恢複。破菩薩戒則如同珍寶用品破碎一般,比如,珍寶用品碎了,可以依靠能工巧匠得以修複。同樣,依靠他緣善知識可以酬補菩薩戒;密乘戒則好似稍有凹陷的珍寶用品一樣,也就是説,自己依靠本尊、密咒、等持進行懺悔完全可以清淨無餘。如果(違犯後)毫不遲疑立即懺悔,就容易清淨,時間拖得越久,罪業會越來越增長,懺悔也有一定的難度。一旦超過了三年以上,就已經逾越了懺悔的期限,即使作懺悔也無法清淨。


གཞན་ཡང་ངག་ནུས་དང་བྱིན་རླབས་ཀྱི་སྒོ་ནས་གཞན་གྱི་སྲུང་སྐྱོབ་བྱེད་པ་དང་།སད་སེར་དང་ནད་ཡམས་གཅོད་པ།ནད་པ་དང་སྲིའུ་གསོ་བ་སོགས་རང་དོན་དང་གཞན་དོན་སྦྲེལ་མར་བྱེད་པ་རྣམས་ཀྱང་།ངག་ནུས་དང་བྱིན་རླབས་ཡོད་པར་བྱེད་པ་ལ།ངག་གི་སྒྲིབ་པ་དག་དགོས་ཤིང་།ངག་གི་སྒྲིབ་པ་དག་པར་བྱེད་པ་ལ་སྙིང་པོ་ཡི་གེ་བརྒྱ་པ་ལས་ལྷག་པ་གང་ཡང་མེད་པས།དུས་དང་རྣམ་པ་ཐམས་ཅད་དུ་ཡིག་བརྒྱའི་བཟླས་པ་ལ་འབད་པ་གལ་ཆེ་སྟེ།རྗེ་བླ་མའི་ཞལ་ནས་ཀྱང་།ཞལ་ཀྱལ་གྱི་ཚུལ་དུ།གཞན་ལ་སྲུང་སྐྱོབ་བྱེད་པ་དང་།དཀོར་ཟ་བ་རྣམས་ཀྱིས་དང་པོ་རང་གི་ངག་སྒྲིབ་སྦྱོང་བ་ལ་ཡིག་བརྒྱ་འབུམ་ཐེར་བརྒྱ་རེ་མ་ཐོན་པའི་ཐབས་མེད་ཅེས་གསུངས་ཏེ།རྗེའི་ཞལ་སློབ་ཏུ་གྱུར་པ་ལ།ཡིག་བརྒྱ་འབུམ་ཕྲག་ཉིས་བརྒྱ་རེ་དང་བརྒྱ་རེ་ཐུབ་པ་དུ་མ་ཡོད་ཅིང་།ཐ་མ་རྣམས་ཀྱང་ཡིག་བརྒྱ་འབུམ་ཕྲག་གཉིས་གསུམ་རེ་མ་སོང་བ་ནི་སུ་ཡང་མེད་པ་ལྟ་བུ་ཡིན་ནོ།།ད

此外,作爲憑藉咒力與加持來救護他衆、中止冰雹、消除瘟疫、治病救人以及使幼童健康成長等等兼顧自他二利的人們也是一樣,要想具備咒力及加持,必須淨除語障。而使語障清淨的方法也無有比精華百字明更爲殊勝的。所以,隨時隨地精進唸誦百字明至關重要。我的至尊上師曾經以開玩笑的口吻説:“想救護他衆、享用信財亡財的人首先必須淨除語障,爲此唸誦一千萬遍百字明是必不可少的。”上師的弟子中有許多已經唸誦了一、兩千萬遍百字明,最低也都圓滿唸誦了二、三十萬遍。


དེས་ན་བླ་མ་རྡོ་རྗེ་སེམས་དཔའ་ནི།རིགས་བརྒྱ་རིགས་གཅིག་ཏུ་འདུས་པའི་རང་བཞིན།གསང་ཆེན་རིགས་གཅིག་རྡོ་རྗེ་སེམས་དཔའ་ཞེས་བྱ་སྟེ།ཡི་དམ་གྱི་ལྷ་ཞི་ཁྲོ་རབ་འབྱམས་བསམ་གྱིས་མི་ཁྱབ་པ་དག་ཀྱང་།རྡོ་རྗེ་སེམས་དཔའ་ལམ་འདུས་པ་མེད།ངོ་བོ་རྩ་བའི་བླ་མ་དང་དབྱེར་མེད་དུ་བསྒོམས་པས།བླ་མའི་རྣལ་འབྱོར་ཀྱང་ཀུན་འདུས་ནོར་བུའི་ལུགས་སུ་བསྒོམ་པ་ཞེས་ཤིན་ཏུ་ཟབ་པའི་མཐར་ཐུག་པ་ཡིན།སྔགས་ཀྱང་སྙིང་པོ་ཡི་གེ་བརྒྱ་པ་ལས་ལྷག་པ་མེད་ཚུལ་སྔར་བཤད་པ་ལྟར་ཡིན་པས།འདི་ལས་ཟབ་པའི་ཆོས་ནི་གང་ན་ཡང་མེད་པར་ཤེས་པར་བྱའོ།།

上師金剛薩埵是集百部於一部的自性,稱爲大密一部金剛薩埵。浩瀚無垠、不可思議的一切寂猛本尊也無不包括在金剛薩埵之中。因爲本體觀爲與根本上師無二無別,所以也總集了上師瑜伽,稱爲珍寶總集的觀修法,是極其甚深究竟的法門,正如前所説密咒當中沒有超過咒王百字明的。因此,我們應當了知何處也再沒有比這更深的法了。




ཕན་པའི་གདམས་ངག་ཐོས་ཀྱང་ཚིག་ཏུ་ལུས།།

聞益竅訣然卻耽詞句,


ཅུང་ཟད་ཉམས་སུ་བླངས་ཀྱང་གཡེང་བས་བསླུས།།

稍許實修然爲散亂欺,


བདག་དང་བདག་འདྲར་འཁྲུལ་གཟུགས་སེམས་ཅན་རྣམས།།

我與如我迷相衆有情,


བསྐྱེད་རྫོགས་སྙིང་པོ་ལོན་པར་བྱིན་གྱིས་རློབས།།

願得生圓精華祈加持。


སྒྲིབ་པ་སྦྱོང་བ་བླ་མ་རྡོ་རྗེ་སེམས་དཔའི་སྒོམ་བཟླས་ཀྱི་ཁྲིད་དོ།

淨除業障法——觀修上師金剛薩埵之引導终


Like my work??
Don't forget to support or like, so I know you are with me..

CC BY-NC-ND 2.0

Want to read more ?

Login with one click and join the most diverse creator community.