萬寶路88
萬寶路88

好幻的科幻作者,較多以天文及神秘學融入小說,希望多多觀摩交流 matters 專頁—真科幻

用個科幻腦黎抗疫&準備促進經濟復甦(十七)力推野生動物保護公園計劃

作為地球村一個動物,冇嘢重要得過生存權

用個科幻腦黎抗疫&準備促進經濟復甦(十七)力推野生動物保護公園計劃

雖然尊貴嘅 madam 今早已經 bend 咗將野豬搬去荒島代替人道毀滅。但係為咗可憐豬仔嘅生存權利(作為地球村一個動物,冇嘢重要得過生存權),同埋有聊得很的確認為,呢個係雙贏甚至多贏方案。所以,有聊得很在這裏盡最後努力,力陳利害,希望官爺們多看一眼半眼,給豬仔一個機會。唔該⋯拜託⋯考慮一下⋯

首先,錢方面,射一鎗麻醉藥再搬隻豬去人跡稀少嘅離島可能比絕育更加平,有冇可能比人道毀滅更加平呢?所以因此而出現嘅經濟負擔應該唔係好多。甚至,招 D 義工事前去種下蕃薯幫下 D 豬仔都可能得。

其次,搬咗 D 豬仔去荒島一定程度活化咗個荒島。活化咗嘅荒島經濟價值一定比現有嘅荒島高,亦即係話,呢個計劃係賺錢嘅。將來有咗遊客之後,荒島嘅地皮都非常值錢,知唔知坪洲新起嘅屋幾錢尺?一個月幾錢租?第日政府賣地隨時又億億聲架老細!比個機會 D 豬仔為香港經濟出一分力啦。如果覺得淨係豬仔唔夠吸引,可以叫埋野牛同馬騮仔去。

再者,賺環保及愛護動物名聲,全世界九十幾個巴仙嘅人愛環保同愛護動物(包括頂頭大大)。全世界都冇一個專為安置可憐又可愛嘅野生動物保護公園,香港就搞一個,仲唔全世界都拍掌⋯唔單止咁,如果搞得好(例如肯定動物冇失控行為,就好似海洋公園都試過比遊客去同各式魚一齊游水),將來可以搞野生動物保育酒店,好似北歐咁,遊客可以喺玻璃屋內嘆世界之餘,又可以出黎親近大自然,感受一下香港人對地球村嘅愛。呢種旅遊感受比得上泰國嘅象島嘛?香港有好多嘢都未利用到(仲有好多,不過係題外話就唔喺呢庶講啦),如果利用得好,香港嘅旅遊發展空間唔會輸比任何人!咁又可以推動將來香港嘅經濟(如果加埋有聊得很構思中嘅海洋公園復興計劃二,可能更加有恊同效應,不過又係題外話,有緣至講)。

最後,如果多個荒蕪海島都可以活化並商業化。無論對貧窮人口問題,就業問題,經濟前景⋯甚至人民生產總值都可以有頗正面影響。

十分希望認真考慮一下是否合理?可行否?係咪真係雙贏甚至多贏?唔該⋯拜託⋯多謝🙏

作者:有聊得很(manbolo88)

CC BY-NC-ND 2.0

Like my work?
Don't forget to support or like, so I know you are with me..

有聊得很的情書上集

有聊得很的神秘傳說(第二章)驚魂六百年(第六節)曹操大帝吊打羅馬帝國!?!

獻給哈勃的退休禮物(第一季)作後感

Loading...

Want to read more ?

Login with one click and join the most diverse creator community.