萬寶路88

好幻的科幻作者,較多以天文及神秘學融入小說,希望多多觀摩交流 matters 專頁—真科幻

獻給哈勃的退休禮物(第二季——續航至宇宙邊緣)宇宙沒有暗能量!鐵証如山!不過咁⋯呢一篇唔係講有聊得很嘅觀點,先睇一下人哋有乜嘢睇法先⋯

人哋係點睇「暗能量係唔存在」呢個話題呢?

獻給哈勃的退休禮物(第二季——續航至宇宙邊緣)宇宙沒有暗能量!鐵証如山!不過咁⋯呢一篇唔係講有聊得很嘅觀點,先睇一下人哋有乜嘢睇法先⋯

有人話,宇宙唔需要暗能量,有暗物質就得啦!

如果暗物質可以點點點(例如有磁性囉)⋯咁⋯宇宙一樣可以加速澎漲,最後達至大撕裂云云⋯

又有人話,雖然我哋個宇宙搵唔到,但係多重宇宙有大量反物質,多重宇宙嘅反物質對我哋嘅宇宙有 repulsion ,咁咪引至我哋個宇宙加速澎漲囉!

哈⋯暗物質係乜?(有聊得很會開一集淺談一下🤗)寫嘅人確唔確定得到?

多重宇宙又有冇確實證據?又有乜嘢證據證明多重宇宙嘅大量反物質(連多重宇宙有大量反物質都係一個疑問)影響到我哋個宇宙?

有聊得很試過比人話有聊得很寫嘅係玄學!玄學同科學有乜分別?

通常好多玄學都有個共通點。無論幾玄奧都好,都係越解越奧,解到最後就只有信者得救或者信不信由你!

科學就唔同,只要你認識呢個科學,通常都會達至一個幾肯定嘅結論。一定會越解越明,只要你唔蠢,一定解得通。

上面嗰兩個講法,係咪有 D 似玄學呢?

另外有幾個講法幾接近科學嘅⋯

暗能量係真空能,真空能又係有聊得很遲 D 想淺談一下嘅話題,所以詳情就唔講乜嘢係真空能啦。不過咁,真空能無論點睇都係有限嘅,相對於主流科學家講嘅暗能量係近乎無限。而且真空能有聊得很肯定係有,而暗能量有聊得很肯定係冇!你總唔能夠將隻鴨改咗個名叫做雞,然之後叫我信隻鴨係隻雞架播🤗

另外有個講法話暗能量係「場」,呢個講法真係幾有科學 feel ,不過有聊得很認為「場」極有可能係暗物質而唔係暗能量,因為有聊得很近乎 100% 肯定暗能量係「不存在」嘅。至於「場」點解係暗物質?就要等一下囉🤗有聊得很整理一下會喺暗物質嗰篇淺談一下。

再另外有兩篇報告幾有意思嘅⋯

一篇話標準燭光嘅超新星爆炸係有年齡分別嘅,唔同年齡嘅超新星爆炸係有唔同光度嘅,所以唔做得標準,亦即係量度出嚟嘅距離有 error !

另外一篇話太遠嘅超新星有重力子逃逸現象,影響咗準確度⋯

呢兩篇都係質疑緊量度暗能量嘅準確度。但有聊得很肯定暗能量「不存在」,而唔係多定少。不過聲明真空能就存在,唔好搞亂佢哋。

咁⋯有聊得很話「暗能量不存在」嘅論點係乜嘢呢?

梗係唔係呢篇講啦!講明「獻給哈勃的退休禮物」嘅終章前篇先講嘛😹

密切期待啦🤗

Coming soon 😎

作者:有聊得很(manbolo88)



Like my work??
Don't forget to support or like, so I know you are with me..

CC BY-NC-ND 2.0

有聊得很的情書上集

有聊得很科幻手記(十一)用個科幻腦看全球暖化效應

狂想科幻應用系列(九)人造太陽研究咗幾十年,由有聊得很初中開始聽,到依家都未搞得出嚟!究竟點解!?!有聊得很試下用 fission reactor 嘅概念去睇下 呢個 fusion reactor 搞唔搞到出嚟(下集之二)

Want to read more ?

Login with one click and join the most diverse creator community.