橡樹流派財富自由大法 M Ho
橡樹流派財富自由大法 M Ho

對沖基金出身,現靠股票維生。 此page分享個人經驗,機構大鱷睇法,投資短炒都講。心法招式,由淺入深,適合小學數學英文程度,建立屬於你嘅投資哲學和投資系統,達致財務獨立和自由。 https://linktr.ee/oakhouseresearch

Shopify 先跌後升? 跌14%而家升返 6% 係咪跌定買得了?

Shopify 2022 第二季業績麻麻

Shopify 先跌後升? 跌14%而家升返 6% 係咪跌定買得了?

Shopify 2022 第二季業績麻麻,收入同支出比一年前同樣升了 16%,低於分析員預期。最大鑊係 ceo創辦人Tobi Lütke 寫咗封感性 memo 畀全公司同仁,話自己錯判形勢,生意擴張得太快請得太多人。我都理解點解佢會有咁樣的想法。

Shopify 其實係疫情受惠股嚟,主要業務係提供現成的網站 website 畀小生意零售商設立個人的網站,Shop 已經預設好網站各個介面 ui,亦都管理埋背後的 server 零售系統,和各個社交媒體做好連結。小商戶可以好快手整好網店介面,放產品上去賣,Shopify 就收 subscription fee 提供一條龍服務。

Tobi 就估計經過肺炎疫情後,人們生活模式改變,shopping 習慣網上購物,網上零售 e-commerce 百花齊放,一片向好。點知現實不似預期,電商 e-commerce 零售額增長放慢,闊太靚太其實都係鍾意行街 shopping,再加上經濟衰退。Tobi 喺信中提及未來要裁員 10%。

股價最高超過 $170,現在大約有 $33,今年跳樓跳咗超過 75%。跌咗咁多,值不值得撈底追買? 分析一下,Trailing PE 差不多 300 (!),PS ratio 超過 9。Shopify 更加名言嚟緊 收入增長放慢, 純利更加本來係由賺緊錢正數到而家蝕錢越蝕越多。

可取之處係公司有超多現金 cash,債務不高,current ratio 高過 11,Debt/Equity 只有 20%以下,可以燒錢燒一排,短期內公司倒閉可能性極低,應該可以正常運作幾年。

即係買唔買呀? 個人認為 shop 股票價格超級貴,小弟就 pass 鳥,不敢買入。未來還可能會再大跌一下。

最後慣例戴返頭盔,我只是沒有信心買入 shop股票,唔係叫你去沽空。

Rikas//

CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…

发布评论