曜靈

筆名「曜靈」,來自楚辭《天問》「角宿未旦,曜靈安藏?」,角宿二星,曾被認為係天門,太陽昇起必經天門而出,屈原於是問太陽夜晚匿埋咗喺邊?太陽匿埋咗,唯有磨劍到天明。

殷商甲骨文真係無「夏」字?

網上流傳,甚至有學者話殷商甲骨文無「夏」字,到底係唔係事實呢?

楊穎宇、趙善軒等都仲講緊甲骨文無「夏」字,有必要翻一翻案,普及一下比較合理嘅知識。

將出土甲骨文、金文、戰國璽印等同其他文獻比較,下圖應該就係甲骨文嘅「夏」字。但呢個字係一個人名,同方、邦、邑、國、朝等通通無關。

(左)甲骨文「夏」字;(右)甲骨文上,「夏」係貞人名
(左)甲骨文上的「夏」字

第二,眾所周知,佔相當部份嘅甲骨文內容,係商人祭祖或同祖先嘅對答,但差唔多成百年嘅甲骨文研究,都見唔到有歌頌「成唐滅夏」嘅內容。「成湯滅夏」(按:殷商甲骨文只有「成唐」,「成湯」來自現存古文獻)實際上來自周人,春秋戰國再慢慢成形。

當考慮到青海喇家遺址顯示4000年前曾發生過嘅毁滅性大洪水,影響廣及河套地區,周作為西方嘅一員,有同「夏」相連嘅水災、治水等共同記憶,就比東方嘅商來得合理。事實上,商應付水患嘅方法係遷都,亦同「夏禹治水」傳說有距離。

順帶一提,夏禹治水 嘅「禹」,金文係一個類似龜、龍嘅爬蟲類圖騰,顧頡剛指出,西周嘅文獻中,「禹」最初只係開闢之神,年代最久遠嘅詩經中,「禹」同「夏」完全無關。


相關:殷商到底有沒有滅夏?|野蠻小邦周


CC BY-NC-ND 2.0

Like my work?
Don't forget to support or like, so I know you are with me..

2

Want to read more ?

Login with one click and join the most diverse creator community.