曜靈
曜靈

筆名「曜靈」,來自楚辭《天問》「角宿未旦,曜靈安藏?」,角宿二星,曾被認為係天門,太陽昇起必經天門而出,屈原於是問太陽夜晚匿埋咗喺邊?太陽匿埋咗,唯有磨劍到天明。

客語主導論 — — 客家人本來係北方人?

(编辑过)
近排網上見好多客家人,都話係客家人移民時帶北方漢語落南方,令南方話發音向古漢語轉變,甚至影響埋日語,姑且稱之為「客語主導論」。「客語主導論」呢個都市傳說,係上世紀初最先由羅香林不斷提出,但近日正不斷受到質疑。

筆者並唔熟悉日本歷史、日語,但憑常識,要咩規模嘅移民,先可以顯著改變一種語言?現代普通話喺元朝短短90年內形成,而80年代開始嘅改革開放,短時間內令大量外省農民 移入廣東,數量肯定係史無前例,但點解廣州人到2012年先放棄自己嘅母語,全面改講普通話?香港人應接觸唔少廣州人,無理由唔知,廣州人甘願改變嘅一大原因,係經濟。

另一方面,深圳原本只得幾十萬人,到高鋒期有成2000萬常住人口,成個深圳講哂普通話,就變得順理成章。

由廣州深圳嘅轉變,我哋可以睇到,要一個族群改變自己嘅語言,涉及好多因素,移民可以係其中一項,但「客語主導論」就好難令人信服,主因係論中嘅客家人,大多只係流亡,並非 Dominant Minority(佔主導地位的少數民族)。

但羅香林建構「客家人」族群係一個極成功嘅例子,值得香港人參考。

(左)晚清時客家農婦,留意並無跟漢人扎腳;(右)過山瑤人唱山歌

順便貼出李輝嘅研究以正視聽。

TLDR: 客家話有相當多唔常用嘅苗瑤詞彙,只有荊蠻族先識。荊蠻族為咗同操古漢語嘅北方人打交道,苗瑤話慢慢演變成客家話。後來中原人走難落南方,人數唔多,唯有入鄉隨俗講客家話,又令客家話繼續向古漢語方向演變。


CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…
加载中…

发布评论