TC's Choice
TC's Choice

荒木經惟説用寫真抵擋孤獨,用快門紀錄愛。我説用文字抵擋寂寞,用相片紀錄眼界。 FB: @tcpangraphy IG: @tcpangraphy

Apple TV+ 劇集 - wecrashed

獨角獸邊個唔想擁有,不過正所謂起得快跌得仲快,當然到今日未到蓋棺定論,但係哩對夫婦已經喺神壇跌落嚟。



筆者仲記得當時WeWork話上市,點知隔咗冇耐又話唔上,究竟發生咗咩事,哩齣劇應該可以講晒俾你聽。


Adam Neumann,共享辦公室企業WeWork 創辦人,Rebekah Victoria Paltrow,啟發Adam嘅muse亦都係佢太太,電視劇講嘅係由佢哋創辦嘅初創公司點樣成為過百億美金市值嘅獨角獸,最後佢哋竟然俾人踢返落嚟,亦都係哩對神鵰俠女嘅愛情故事。


睇哩齣電視劇同時亦都可以上網搜尋一下佢哋嘅相關報道,電視、雜誌訪問,感受一下呢位創辦人嘅魅力,毋庸置疑能夠成為獨角獸,個人魅力實在不能小看,而佢嘅嫪思女神亦都不遑多讓,當睇完佢其中一個podcast訪問之後,只可以話只有佢哋兩個先至可以一齊創造神話,但亦都因為佢哋兩個夢發得太多種下禍根。


兩位主角由Jared Leto和Anne Hathaway出演,除咗演技好看外,整體節奏拿捏得好,令人覺得兩個演員就係真身,當然原裝Adam較為陽光,亦都因為咁,投資者被佢舞得氹氹轉。


好睇,推薦。

CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…

发布评论