電影 - Everything Everywhere All At Once

說穿了故事只有一條線，亦都係老生常談嘅一條線，但喺呢一條線上創作人唔甘於平淡去表達，佢用咗好多方法、好多角度、好多嘢去講，而當中甚至有好多哲學問題可以思考。

一個中年女人如何處理自己嘅愛情、家庭、上中下三路關係瀕臨邊緣嘅一個故事。如此老土嘅故仔創作人就有辦法令你目不暇給，絕冇冷場，就係基於若果你當初唔係咁決定嘅話會點樣，而你最想要嘅其實係咩呢？無窮無盡嘅可能，若果俾你知道哂啦，咁又點呢？

所有嘢，無論喺邊度，就喺呢一刻，你決定點，就會變成點。

動作、文戲，畫面超豐富，總之睇咗先講。

超精彩！推薦！

P.S. 果然係影后級演繹！