WiseCommunity
WiseCommunity

香港傳奇財經評論員曹仁超先生講過: "有智慧不如趁勢" 呢個社區就覺得"趁勢發達都要有基本智慧" 虛擬貨幣,去中心化金融,區塊鏈技術都涉及相當的知識及理解。 如果無一定程度嘅理解,你就算選擇正確的投資平台或工具,都難免成為"韭菜"一族,任由鯨魚們收割。 我希望一點一滴咁為大家收集和分享每日全球科技金融的知識和新聞,每日為大家充值信念,陪伴大家做『踏浪者』去享受科技金融嘅樂趣和資產增值的機遇。

Ragnarök (諸神的黃昏)的時代

呢個係北歐神話故事中最重要嘅一幕,如果大家有睇Marvel 電影,第三集雷神電影嘅主題就係Ragnarök

故事內容大致係講眾神奧丁、索爾、弗雷、海姆達爾、火巨人、霜巨人、洛基等神面對一連串浩劫,再引發眾神死亡的大戰和無數的自然浩劫,之後,整個世界沉沒。然而最終世界復甦了,存活的神與兩名人類重新建立了新世界。

呢一個神話,其實係可以套用於我哋今日個商業社會

今次全球人類社會面對着前所未有嘅停擺狀態,好多以前擁有大量資源,胡亂擴張,至高無上嘅既得利益階層同埋霸權公司都面對極大嘅打擊

大家出嚟社會做事咁多年,都好明白擁有特殊權益,跨國資源,同埋好多年前已經發跡嘅公司其實都擁有好多冇用嘅資源,大量嘅資源其實係俾人浪費咗

好簡單舉個例子,有好多公司持有大量地產單位,情願放喺度丟空都唔會減租比年輕人創業。

其實只要將呢啲資源分配少少出嚟,已經可以令到社會有心有力嘅年輕人百花齊放

呢啲既得利益者就好似北歐神話入邊嘅眾神一樣,擁有大量資源,每日都可以享樂

如果唔係出現諸神的黃昏,所有眾神一次過隕落,新世界根本唔會出現

今次武肺就好似神話入面嘅大蛇”耶夢加得”噴出嘅毒氣一樣遍佈天地

而家全世界都出現呢個千載難逢嘅機會,商界上邊嘅”眾神”比今次嘅疫情波及,同埋喺不遠嘅將來會出現嘅金融災難全面打擊,令到呢班人不得不釋放返過多嘅資源比社會

喺神話入面將現有天地同埋世界樹嘅樹根斬斷嘅就係Laevatain(勝利之劍) ,無論誰掌握呢把劍,呢把劍就會隨著持劍者的希望,獨自喺戰場上飛舞殺戮敵人

支撐宇宙的世界之樹樹根被斬斷,同時也被火焰吞沒而崩倒,整個宇宙轟然毀滅。

舊世界變為虛無,新世界正式誕生

而現今世界嘅Laevatain就係”新科技”嘅應用。

你會選擇同眾神一同隕落,定係手持勝利之劍去開托新世界?

#Ragnarök

#改朝換代

#舊經濟嘅沒落

本文轉載自 ‘智慧社區 Wise Community’ Facebook 2020年7月30日貼文


CC BY-NC-ND 2.0

Like my work?
Don't forget to support or like, so I know you are with me..

Loading...

Comment