香港傳奇財經評論員曹仁超先生講過: "有智慧不如趁勢" 呢個社區就覺得"趁勢發達都要有基本智慧" 虛擬貨幣，去中心化金融，區塊鏈技術都涉及相當的知識及理解。 如果無一定程度嘅理解，你就算選擇正確的投資平台或工具，都難免成為"韭菜"一族，任由鯨魚們收割。 我希望一點一滴咁為大家收集和分享每日全球科技金融的知識和新聞，每日為大家充值信念，陪伴大家做『踏浪者』去享受科技金融嘅樂趣和資產增值的機遇。
IonQ宣布成功建造現今最強大的量子電腦
現今科技發達，但係好多人其實仲係用緊好舊嘅電腦系統，連電競電腦都不如。甚至有好多人連超級電腦係乜嘢概念都未知
正當大眾市民嘅技術仲停留喺咁落後嘅年代，其實每個國家，超級電腦品牌，一早已經進入左量子電腦嘅研發競賽入邊
量子電腦嘅計算單位稱位qubits (量子位元)，即係用嚟量度每部電腦運算力嘅量度單位
由於量子運算對於外界環境要求好高，特別係熱量同溫度變化方面，所以發展速度一直都係好慢
IBM喺2019年宣布成功開發32 qubits嘅量子電腦，預算2020年可以成功翻倍去到64 qubits
至於Google 亦都喺2019年年底發明咗54 qubits嘅量子電腦 - Sycamore， 成功用200秒時間完成咗一條超級電腦用10000年先破解得到嘅方程式。
之前咁多間電腦公司每個qubits都只係可以容納雙位數字嘅量子量 (Quantum Volume)。
例如IBM 喺啱啱8月底宣布一個27 qubits系統可以達到64個quantum volume。
而另一間公司 Honeywell 都成功發明咗用6 qubits 去容納27 quantum volume
但係去到啱啱10月1號，一間叫IonQ嘅公司發出新聞稿宣布佢哋成功研發出一部”完美嘅32 qubits”，配合一個超低嘅錯誤率，成功容納到 4,000,000個quantum volume。 同之前提及過嘅咁多間公司完全唔係同一個層次嘅技術
如果呢d技術逐漸成熟，我哋嘅世界將會天翻地覆。
因為量子電腦嘅計算能力，絕對可以將我哋人類同埋地球嘅大自然所有實時數據進行運算，甚至乎可以準確地預測未來嘅走勢。
以後唔會再有錯誤嘅天氣報告，因為全球嘅風向，溫度變化，海洋嘅數據，任何嘅資料都可以實時收集同埋實時計算推敲，所以錯誤嘅機率近乎係零。
我哋人類嘅行為，包括股票市場，人類嘅情感，六合彩號碼，所有嘅事情都可以準確預測得到。
而最後一點，亦都係最影響深遠嘅就係現今所有使用緊嘅加密同埋解密技術頓時化為烏有。
所有政府機構，所有銀行金融機構，所有加密資產全部要即時適應呢一個轉變
當然，由於呢一類技術對於環境要求極高，全面普及應用相信仲會有一段時間。
Photo Source: IonQ
本文轉載自 ‘智慧社區 Wise Community’ Facebook 2020年10月5日貼文
喜欢我的文章吗？
别忘了给点支持与赞赏，让我知道创作的路上有你陪伴。
发布评论…