沿住條隊一步一步咁排前去，終於輪到我「過關」。我深呼吸、將我手上嘅 BNO 交俾入境人員。佢望一望本護照嘅面、揭一揭去個人資料個一頁、仔細閱讀上面嘅資料、然後望一望我。最後，佢將護照交還俾我，我順利入境。

要選擇一件人生中最難嘅事，每個人都會有唔同答案。壟統講句，我相信好多人會認為，送最愛嘅人最後一程，會係最困難嘅事。但對於我嚟講，人生中最難嘅事，係帶住你最愛嘅人移民。

當你同自己講：「我要離開香港」嗰陣，其實個心大約有一萬個唔想 — 呢一萬個唔一定係貨真價實嘅理由，有時候連「去到外國連食碗雲吞麵都冇」或者「約人開枱都約到地老天荒都仲未夠腳」之類嘅港豬「唔想」都會出齊晒嚟。霎時間，突然覺得自己好似好鍾意香港咁……

喺過去嘅十年日子裏面，我三不五時都會諗返起當日我同 Winnie 提出離開嘅情景、同埋之後嘅歷程。有時我會覺得，有啲嘢好似整定咁，如果當日唔走的話，可能會賺多幾年錢，但我一定會後悔……

自從去台灣見完 Cindy、解開咗個「謎底」之後，我就一直圍繞住今次呢件事，喺度自己同自己兜圈。喺呢件事之前，我從來冇諗過，Cindy 對我原來咁「重要」，就算當年考慮同佢喺埋一齊嗰陣都冇咁諗過。

香港唔夠地方做任何事，可以話係自有永有嘅問題；係唔係扑嘢已經冇關係。想喺人多車多乜都多嘅城市搵個靜少少嘅地方傾吓偈，K 房其實係個唔錯嘅選擇 — 最起碼當年嘅 K 房仲可以煲煙，唔使行來行去。

出嚟撈咁多年，自問舐嘢經驗卓越，呢方面嘅 crisis management 絕對唔係問題。不過事出咁突然、又中要害中得咁應嘅「直接得分」打擊，的確十年少見……

如果大家身處嘅職場真係如戰場咁黑白分明嘅話，我真係恭喜你呀！呢啲職場有今生冇來世吖！呢份工你真係要好好打到退休！

Christine 嘅病同埋辭職，的確打亂咗公司嘅部署，甚至我個人嘅計劃。事實上，在此之前，我從來冇諗過，身邊嘅朋友會有個咁嘅病 — 同絕大部分香港人一樣，我一直都將「柏金遜病」同「阿茲海默症」（Alzheimer’s Disease；即係我哋口中嘅「老人痴呆」）撈埋一齊做咗賴尿牛丸。

同所有人都一樣，我並唔係一踏入社會，就好似大家睇過嘅《北角演義》，或者呢輯《中環遊戲》咁，完全可以掌握到喺職場、以至呢個社會生存嘅技能。作為一件美國大學畢業嘅學院派蛋散，我亦都有過份理想化、諗多過做嘅戇實實時候。

擾攘多時嘅 Daehwa 常務之爭終於塵埃落定，一如 Daehwa HK 嘅「內部盤口」預計，香港揸 fit 人崔社長順利跑出、紮職成為常務理事、進入所謂「董事會」呢個小圈子俱樂部。

平心而論，喺 2020 年乜火都冇晒嘅今日睇返晒成件事，究竟 NTS 個 event 係咪真係做得咁差呢？無論你用乜嘢行內標準去睇，個 event 都唔算完美，但一定唔係做得差。

我哋成日講《梅菲定律》，究竟真正嘅 Murphy’s Law 係點嚟嘅呢？喺 1948 至 49 年間，美國航太工程師 Edward Murphy 參與由 John Stapp 上校主持嘅「MX981 計劃」 — 軍方一項有關 40G（40 倍重力）防撞約束系統對軍事飛行員應用嘅可行性研究。

認真討論：喺 PR and Marketing 呢個行頭，點解但凡係客都咁仆街嘅呢？我做咗公關咁多年，當然有遇過唔仆街嘅客，仲做埋朋友𠻹。但係，咁多年嚟，就係得一個可以做到朋友（先係朋友後做埋客就另計啦）。其餘嘅，連認係「朋友」share 閃卡都驚影衰自己。

「人生有三碗麵最難食，人面、場面、情面。」 呢句嘢，喺中國嘅社交媒體上瘋傳咗好耐，據聞係青幫大亨杜月笙嘅說話。當然，後來有人考證過，證實係蕭若元編《歲月風雲之上海皇帝》嗰陣作出來嚟嘅對白，但就俾人當正真說話咁、直頭出晒語錄咁滯。

香港嘅殖民地文化再加上辦公室文化，令到每年嘅十二月同一月，都係turnaround好慢嘅月份。無他，聖誕加上農曆年，就算唔係攞定晒假，大家都冇乜心機做嘢。如果係潤月的話，呢種慢吞吞唔係撈嘢嘅氣氛，仲會一直延續到二月中，甚至二月下旬。

終於，我同Winnie因為公事大炒一鑊。在此之前，我甚少同Winnie鬧交。應該話，我哋從來未真真正正咁鬧過交。相比起呢次，其他嘅都只不過屬於打情罵俏嘅耍花槍級別。我隱約覺得，呢次我哋炒呢鑊，大到有啲唔知點收科嘅感覺……

古早時期（即係六七十年代）嘅香港，非常流行兩公婆一齊做啲小生意搵食。呢啲「夫妻檔」，好多都係賣小食、糧油雜貨、士多辦館、或者粉麵之類嘅嘢。兩公婆搵幾多食幾多著幾多，唔見得好寬裕，但仍然可以樂也融融。

陰陽調和一個普通公關，同一個公關老闆，最大分別係乜？一個普通公關，最唔需要理會、亦最唔想做嘅，係BD（Business Development）。理由好簡單：站在打工立場，公關薪酬係定額制，多勞唔會多得。喺少做少錯、唔做唔錯嘅定律下，做得越少，舐嘢機會就越低，亦都越 Eco Friendly。

經常去見客的漂亮姐姐我同 Christine，終於坐埋同一條船。感覺就好似，我同一個相識超過十年嘅異性朋友、終於發生超友誼關係咁。我咁講當然唔係想抽姐姐水，只不過，我諗唔到一個更適合去形容我興奮心情嘅表達方式。事實上，喺 Christine 應承嚟我公司做嗰晚，我就開心到失眠。